စူဠဇနကဇာတ်

"စူဠဇနကဇာတ်" ထွားသွဉ်ဟော်ꩻကျပ် စူဠဇနကဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-

၁။ သင်္ဘောꩻကုဲင်ထီကို မော့ꩻထာꩻဒုက္ခယိုအတွင်ꩻ အွဉ်ႏလင်ꩻမဲ့ထီ ငွိုးခြီဗော့ꩻထာꩻနဝ်ꩻ ထူꩻချာꩻတဝ်း၊ တွိုင်ႏတယ်ႏလူꩻ၊ ဝုဲင်ႏလူꩻနဝ်ꩻ တထူꩻတဝ်းအကျောင်ꩻ၊

၂။ ပေါႏလိုꩻလွူးချာမွိုးဖါ၊ ပေါႏလိုꩻသီႏလဗွာ၊ ပေါႏလိုꩻဟဝ်နဝ်ꩻတဲ တတင်ႏတဝ်းလူꩻ၊ တဝုဲင်ႏတဝ်းလူꩻ၊ တဝုဲင်ႏတဝ်းလူꩻတဲ့ယဝ်း လူꩻသီးထွားလွိုတလꩻတဝ်း၊ လူꩻစွဲကိုဗာႏအကျောင်ꩻ၊

၃။ ကွိုꩻချာဒျာႏနမ်း၊ နေးဒျာႏတွမ်ႏဉာဏ်ႏ ဝွေႏဖန်ႏနောဝ်ꩻမꩻ အောင်ႏမျင်ႏလꩻအကျောင်ꩻ-စတဲင်နုဲင်းနဝ်ꩻဖုံႏသွူ။

"ပုဏ္ဏပါတိဇာတ်" ထွားသွဉ်ဟော်ꩻကျပ် ပုဏ္ဏပါတိဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-

၁။ ဒေါဝ်သားဖုံႏ ဖေႏကလꩻဒေါဝ်ငိုꩻနဝ်ꩻ ကျံႏဒါႏအမျိုꩻမျိုꩻအကျောင်ꩻ၊

၂။ ပေါႏနေးတွမ်ႏဉာဏ်ႏ ပေါႏဝွေႏဖန်ႏ၊ ပေါႏထာꩻရိက္ခေႏဟဝ်နဝ်ꩻ ပါꩻအံႏလဲဉ်လꩻတဝ်းအကျောင်ꩻ၊

၃။ တဖြာꩻတွမ်ႏတဖြာꩻ ဖေႏကအံႏလဲဉ်လꩻမွုန်းလို့ဝင်ꩻ၊ တဖြာꩻတွမ်ႏတဖြာꩻ ဖေႏကမာꩻနစ်နာႏမွုန်းလို့ဝင်ꩻနဝ်ꩻ ဆဲင်ႏရာꩻသား ဆွုံꩻမꩻဖေႏသတိꩻဗာႏ၊ ထူႏရေꩻဗာႏအကျောင်ꩻ-စတဲင်နုဲင်းနဝ်ꩻဖုံႏသွူ။