စဲ့ꩻပွယ်ꩻအကျုံႏ(၄)

အဝ်ႏ Wikipedia ကို
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

"စဲ့ꩻပွယ်ꩻအမော့ꩻအကျုံႏ (၄)" "စဲ့ꩻပွယ်ꩻအမော့ꩻအကျွုံႏ"ကရိုꩻနဝ်ꩻ စဲ့ꩻသားတဖြာꩻအနေႏ အမော့ꩻအကျွုံႏ တမွေးတဝ်း၊ ပွိုင်းဝွို့တွမ်ႏစဲ့ꩻပွယ်ꩻတဲင် ခမ်းသားထံꩻသာꩻတဖြာꩻအနေႏ အမော့ꩻအကျွုံႏဒျာႏသွူ။ "စဲ့ꩻပွယ်ꩻ"ကရိုꩻနဝ်ꩻ ပအိုႏဗွာ ပအိုႏတနျာႏ ပꩻထွူလွဝင်ꩻ ပအိုႏဗွာခါးလား ကမာꩻညိမ်ꩻချမ်ꩻရေꩻအခိန်ႏ ပအိုႏဗွာ၊ ပအိုႏတနျာႏတွမ်ႏ နဲင်ႏငန်ႏတောႏစဲ့ꩻ ယိုသိုမ်စွိုးသိုမ်မျိုꩻ တတဲ့ꩻတဝ်းလွဝင်ꩻ၊ အဝ်ႏထိုမ်ႏ အဝ်ႏကျံႏ အဝ်ႏရန်ႏ အဝ်ႏလွꩻထီႏလွဝင်ꩻခိန်ႏနဝ်ꩻသွူ။ အခိန်ႏနားရီႏနဝ်ꩻ မွူးဟာခိုႏ နားရီႏတဆီရပ် ခွေသွဉ်းခွန်ကုဝေနဝ်ꩻ အဝ်ႏထွာဖေႏဝင်ꩻဗွေႏဗွန် ကျောင်ꩻလဲင်းခါႏကိုသွူ။ ကျောင်ꩻကို ဗွေႏသျင်ႏဖုံႏနဝ်ꩻ ကိန်ꩻလို့လဲဉ်းလဲ့ ခွေသွဉ်းခွန်ကုဝေနဝ်ꩻ မဲဉ်ကိန်ꩻတဝ်းဒွိုန်းတွော့ꩻ အဝ်ႏထွားဒျာႏလိတ် အွိုးခင်ႏလံးကိန်ꩻကို တပါꩻပါꩻဒျာႏသွူ။ ယိုအတွင်ꩻ ပါꩻထင်ႏကွီဗွောင်တခါꩻ တဗꩻကျောင်ꩻတခါꩻ တဗင်းဗင်းတဲင် ထွိုင်ႏလွေꩻဗွောင်ဖေႏနဝ်ꩻ တနꩻစွဉ်ႏစဲ့ꩻမန်း ၃-ဖြာꩻသွူ။ "ဘာကိစ္စတုန်းတကာ"ထွိုင်ႏရီနုဲင်းနဝ်ꩻနဝ်ꩻ- "ပေါ်တာဆယ်ယောက်လောက် လိုချင်တယ်ဘုရား"ရိုꩻခန်းနုဲင်းနဝ်ꩻသွူ။ "ဟောဗျာ ပေါ်တာလိုချင်ရင် သူကြီးဆီတောင်းရတယ်၊ ဘာလို့ကျောင်ႏလာတောင်းတုန်း" "ရွာမှာ သူကြီးမရှိဘူး၊ သူကြီးဟာ အရှင်ဘုရားပဲလို့ ရွာကလူပြောလို့ဘုရား" "မဟုတ်ပါဘူး၊ ရွာမှာသူကြီးရှိပါတယ်၊ ဒါမယ့် ဒီချိန်ဆို သူများအိပ်ကုန်ပြီ ခေါ်လို့မလွယ်တော့ဘူးထင်တယ်၊ မနက်ဖြန်ကျမှ သွားပါလား" "မရဘူးဘုရား၊ တပည့်တော်တို့ လူနာပါတယ်၊ ဒီည စောက္ကဆျားအရောက် သွားရမယ်ဘုရား" "ဘာလူနာတုန်း လူနာက အခုဘယ်မှာတုန်း" "လူနာက သေနတ်ဒဏ်ရာလူနာပါဘုရား၊ အခုရွာလယ် ရေအိုင်ကန်နားမှာ ခဏချထားတယ်၊ အခြေနေတော့ မကောင်းဘူး ဘုရား" "အေး သိပ်အရေးမကြီးရင် သူကြီးကို တွေ့အောင်ရှာ၊ ပေါ်တာကတော့ သူကြီးပေးမှ ရမှာပေါ့" "တင်ပါဘုရား၊ ပြန်လိုက်ဦးမယ်ဘုရား" စဲ့ꩻသားထွိုင်ႏသဲင်ꩻထိုꩻနဝ်ꩻ ခွေဗေင်ႏဆုဲင်ꩻထာꩻလဲ့ မဲ့တဗေင်ႏတဝ်းတဲင် အခိန်ႏထွိုင်ႏည ၁-နားရီႏရပ်နဝ်ꩻ လꩻပေါ်တာနဲ့ လꩻတဝ်းနဲ့ လိုꩻဆာအခေႏနေႏ အဝ်ႏနုဲင်းမုဲင်ꩻ မဲဉ်သေတွော့ꩻ ထွိုင်ႏသဲင်ꩻခန်းဒျာႏ ဒုံကိုသွူ။ ထွိုင်ႏသဲင်ꩻတွိုႏထီထျꩻ ဒုံကိုနဝ်ꩻ လိုꩻဆာထီႏတဝ်းဒွုမ်တွော့ꩻ ခွဲးလုဲင်ႏခန်း ဗိုလ်ကြီးလှဘန်သွူ။ ဗိုလ်ကြီးလှဘန်ကရိုꩻနဝ်ꩻ ဟန်ႏနေင်ႏကို ဖျော်နီဒုံ အလဲင်ႏပေါင်ꩻ မနဲးအာလဲဉ်း၊ ခင်လိုꩻမျိုꩻဒျာႏ၊ ဒေါ့ꩻရီယိုꩻ၊ သွုပ်သံႏရေꩻဟဝ်တွော့ꩻ လိုꩻသေငါꩻဟံးပေါင်းအာသွူ။ "ဘယ်မှာတုန်း လူနာ"ခွေထွိုင်ႏရီနုဲင်းနဝ်ꩻနဝ်ꩻ- "လူနာ သေသွားပြီဘုရား၊ ဟိုအပေါ်အိမ်မှာပဲ သွားထားလိုက်တယ်၊ သေပြီဆိုတော့ မသိလောက်ဘူး ဘုရား၊ အရှင်ဘုရား သွားကြည့်ချင်ရင် ကြည့်ပါလားဘုရား၊ အစောင့်ရဲဘော်တွေလဲရှိတယ်" ဝွေꩻသီး ကထင်ႏအွဉ်ႏဒါႏလိုꩻသီနဝ်ꩻ ထီအုံႏထျꩻကီနဝ် ဖါဖြားထွက်လဲင်+မွိုးဖြားလွဉ်းလံးသွူ။ ခွေထွိုင်ႏထင်ႏထွားနဝ်ꩻ လံးသားနဝ်ꩻ အုံဒျာႏမေႏဖါႏအဗာႏနဝ်၊ စဲ့ꩻမန်းနဝ်ꩻ အုံဒျာႏ မေႏဖါႏအဗာႏထင်ꩻ၊ အလိုꩻသီနဝ်ꩻ အွဉ်ႏဗေင်ႏမေႏဖါႏထျꩻနဝ်ထွူတွော့ꩻ ဒို့ꩻဖေႏတွမ်ႏဟွမ်တေင် မာꩻနုဲင်းလိုꩻဆာပွုံႏနဝ်ꩻ စဲ့ꩻသားလစ်ꩻငတ်ꩻဖြာꩻလဲ့ အဝ်ႏအုံဝဲင်ꩻခူစွဉ်ႏ မေႏဖါႏသွူ။ ခွေနဝ်ꩻ စွော့ꩻခန်း လံးသားနီသုမ်ငွါ၊ စဲ့ꩻသား နီသုမ်ငွါတဲင် လင်ꩻချာခန်းဒျာႏသွူ။ တွိုႏထီထျꩻနဝ်ꩻ ဗိုလ်ကြီးလှဘန် အဝ်ႏနေတဲင် ဒေါ့ꩻရီယင်း တွမ်ႏဗိုလ်ကြီးလှဘန်သွူ။ "ဘယ်မှာ တိုက်ပွဲဖြစ်တုန်း၊ သေနတ်သံလဲ မကြားပါလား" "တိုက်ပွဲဖြစ်တာ မဟုတ်ဘူးဘုရား၊ ဝန်စဝ်းရွာ အိမ်တစ်အိမ်မှာ အနီစစ်သားတစ်ယောက် အရက်သောက်နေတုန်း သူတက်သွားတော့ အနီစစ်သားက ပစ်လို့ပါဘုရား" "သူပြန်မပစ်ဘူးလား" "ပစ်တာပေါ့ဘုရား၊ ဒါပေမယ့် မထိဘူး၊ အနီစစ်သား လွတ်သွားတယ်၊ သူအခြေအနေမကောင်းတဲ့အခါ စောက္ကဆျားမှာဘဲ သူကိုသင်္ဂြိုဟ်ပါ၊ နန်းဟုတ်ကျောင်းဆရာတော်ကို ပင့်ပေးပါ-ပြောလို့ အခုစောက္ကဆျားဘက်ဆင်းသွားတာပါဘုရား၊ အခု သူဆုံးသွားပြီဆိုတော့ မနက်ဖြန်ကျမှ သွားမယ်ဘုရား" "အေး- အေး ဒါပေါ့ဒါပေါ့၊ သူကဘယ်မြို့သားတုန်း" "ရခိုင်ပြည်နယ် မြောက်ဦးမြို့ကပါဘုရား" "အော်- အော် ရခိုင်လူမျိုးပေါ့ ဒါဆို" "တင်ပါဘုရား" "ကဲ-ကျောင်းပြန်လိုက်ဦးမယ် ဗိုလ်ကြီး" "တင်ပါဘုရား" ခွေနဝ်ꩻ ဒေါ့ꩻရီတွမ်ႏ ဗိုလ်ကြီးလှဘန်နုဲင်းယိုထွူတဲင် သဲင်ꩻချာခန်းဒျာႏကျောင်ꩻသွူ။ ဗိုလ်ကြီးလှဘန်တွမ်ႏ စဲ့ꩻသားလစ်ꩻငတ်ꩻဖြာꩻနဝ်ꩻ အဝ်ႏကုဲင်ခန်းဒျာႏ ထီအုံႏထျꩻ တထာလောင်းနဝ်ꩻသွူ။ ချꩻပါꩻမုဲင်ꩻလံးလဲ့ ခွေတသေရီတဝ်းသွူ။ နုဲင်းမွူးရဝ်ꩻနီꩻနဝ်ꩻ အလꩻပေါ်တာနဲ့ လꩻတဝ်းနဲ့ အထန်ႏလင်ꩻခိန်ႏမုဲင်ꩻနဝ်ꩻလဲ့ ခွေတသေတဝ်းသွူ။ တွိုႏဆုဲင်ꩻခွေထီႏ "နာရေးကြော်ငြာ"ကြေးမုံလိတ်သတင်ꩻကိုနဝ်ꩻ ပါꩻစဲ့ꩻပိုႏကသီနဝ်ꩻ အမဉ်ꩻ "ဗိုလ်ကြီးကျော်ဇောဝ"ရိုꩻနဝ်ꩻ အဝ်ႏရခဲင်ႏခမ်း၊ ဝေင်ꩻမြောက်ဦးရိုꩻနဝ်ꩻ၊ အဖါနဝ်ꩻ အဝ်ႏထွာမြောက်ဦးဝေင်ꩻ မဟာမြတ်မုနိဘုရာꩻ ဂေါပကလိုꩻတန်ဖြာꩻ ရိုꩻနုဲင်းနဝ်ꩻသွူ။ နဝ်ꩻလွုမ်ꩻတကာႏတဝ်း ကထွိုင်ႏသေဆုဲင်ꩻနဝ်ꩻ စဲ့ꩻမန်းကခꩻလွဉ်ဒါႏစဲ့ꩻတနျာႏ ဗန်းစဝ်းဒုံကိုနဝ်ꩻ တမဲဉ်ႏတဝ်း စဲ့ꩻတနျာႏတဲင် မဲဉ်ႏသီတေား ဒုံသားခိုတဖြာꩻရိုꩻနဝ်ꩻသွူ။ နဝ်ꩻတွော့ꩻ ပွိုင်းဝွို့တွမ်ႏ အမော့ꩻအကျွုံႏယိုအလꩻနဝ်ꩻ ရခဲင်ႏလိုꩻမျိုꩻ လိုꩻဒါႏပညာႏအဝ်ႏသား၊ လိုꩻခိုရွယ်ႏမဲဉ်ႏတဖြာꩻ သီပေႏသီဆားထိုꩻဗာႏခန်းထာꩻသွူ။ ဝွေꩻသီးထာꩻယူႏ ဝွေꩻသီးခံႏထူႏချက်နဝ်ꩻ ခမ်းထီတာႏ၊ လိုꩻမျိုꩻတာႏ စွဉ်ꩻဗာႏသွီႏစွဉ်ꩻဗာႏယာႏ၊ စွဉ်ꩻဗာႏအသက်တဲင် မျတ်ဒျာႏကေႏနပ်ဒျာႏ အလွိုးအဝ်ႏနုဲင်းနဝ်ꩻသွူ။ ကေားကခꩻသား စဲ့ꩻတနျာႏနဝ်ꩻလဲ့ ခꩻသီလꩻ စဲ့ꩻမန်းပိုႏတဖြာꩻတဲင် လိုꩻမျိုꩻတာႏ ခမ်းထီတာႏ ထူႏဂွုဏ်ႏငါႏ အီႏရိုꩻနုဲင်းနဝ်ꩻနေနေသွူ။ ဝွေꩻသီးဝင်ꩻနီ ထာꩻယူႏခံႏထူႏချက်ယို မဲဉ်ႏဒျာႏ ပငါပရာꩻနဲ့၊ မဲဉ်ႏတဝ်းတဖြာꩻဖြာꩻနဲ့ကရိုꩻနဝ်ꩻ ပါꩻမုဲင်ꩻလဲ့ ဆွုံꩻဖျတ်ဖေႏ တဒါႏတဝ်းသွူ။ ကွယ်ႏတွော့ꩻ အပဲစ်တအဲဉ်ထဝ်း၊ တဆဲင်ႏတဝ်းထာꩻမုဲင်ꩻမုဲင်ꩻ ဒုံသားဖုံႏနဝ်ꩻ ခိုးလျားဗာႏ၊ ယပ်ꩻသꩻဗာႏလုမ်ꩻတကာႏတဝ်း ဗန်းစဝ်းဒုံသားတဖြာꩻနဝ်ꩻ လဲင်ꩻတွိုႏလွဉ်ꩻနေးစွဉ်ႏ ထာꩻသီသွူ။ ယိုဖုံႏနဝ်ꩻ တဲမ်းနယ်ဗာႏဖျင် ခွန်ကုဝေ စဲ့ꩻပွယ်ꩻအမော့ꩻအကျွုံႏ တလဲင်ႏတခြွိုက်သွူ။ "စဲ့ꩻပွယ်ꩻအမော့ꩻအကျုံႏ(၅)" "စဲ့ꩻပွယ်ꩻအမော့ꩻအကျုံႏ"ကရိုꩻနဝ်ꩻ စဲ့ꩻသားတဖြာꩻအနေႏ အမော့ꩻအကျုံႏတမွေးတဝ်း၊ ပွိုင်းဝွို့တွမ်ႏစဲ့ꩻပွယ်ꩻတဲင် ခမ်းသားထံꩻသာꩻတဖြာꩻအနေႏ အမော့ꩻအကျုံႏဒျာႏသွူ။ "စဲ့ꩻပွယ်ꩻ"ကရိုꩻနဝ်ꩻ ပအိုႏဗွာ၊ ပအိုႏတနျာႏ ပꩻထွူလွဝင်ꩻ ပအိုႏဗွာ ခါးလားကမာꩻညိမ်ꩻချမ်ꩻရေꩻအခိန်ႏ ပအိုႏဗွာ ပအိုႏတနျာႏတွမ်ႏ နဲင်ႏငန်ႏတောႏစဲ့ꩻ ယိုသိုမ်စွိုးသိုမ်မျိုꩻ တတဲ့ꩻတဝ်းလွဝင်ꩻ၊ အဝ်ႏထိုမ်ႏ အဝ်ႏကျံႏ အဝ်ႏရန်ႏ၊ အဝ်ႏလွꩻထီလွဝင်ꩻခိန်ႏနဝ်ꩻသွူ။ နေင်ႏလာမွူးနီꩻ သေႏချောင်းသေႏချာႏယို မီႏဒေါ့ꩻနယ် တဲမ်းနယ်ဗာႏနဝ်ꩻ နေင်ႏ ၁၃၄၆-ဗာႏ၊ လာဝါႏခေါင်ႏဆန်ꩻ (၁၃)နီꩻသွူ။ အနီꩻယို နားရီႏ (၁၂)ရပ်နဝ်ꩻ ဝေင်ꩻနယ်ႏဟိုပုံꩻ၊ အွိုင်ႏနောင်လဲင်၊ ဒုံပင်ꩻကလာꩻကို ကအဝ်ႏအုံဒါႏ ခွန်ကုဝေသီးမွိုးဗွေႏ စင်ꩻမွိုးခံꩻနဝ်ꩻ လွေꩻလိုပ်ꩻတဝ်းထာꩻ၊ အုံဒျာႏလမ်းတဲင် စဲ့ꩻတနျာႏဖျောတွော့ꩻ ဒွိုႏလွူးဗာႏခန်း စဲ့ꩻတနျာႏဒဲန်ယာနဝ်ꩻသွူ။ စင်ꩻမွိုးခံꩻယိုနဝ်ꩻ စဲ့ꩻပွယ်ꩻအမော့ꩻအကျုံႏ အမုဲင်(၁)ကိုအတွိုင်ꩻ ဖြားတန်ကျောင်ꩻအိန္တပေႏလံးသား၊ ပိုခို(၆)ဖြာꩻ၊ ပိုမူႏ (၃)ဖြာꩻ မွိုးဗွေႏသွူ။ ဒွိုႏဒဲန်အွဉ်ႏလင်ꩻဒဲန်ဖွိုင်ꩻထွူ အဝ်ႏကျံႏစီႏရင်ႏဟန်ႏအိုတွင်ꩻ ဟွုန်လင်ꩻလိုꩻဒေါ့ꩻမန်းထာꩻ လံးငါတဲင် စင်ꩻမွိုးခံꩻ မာꩻနုဲင်းမသူႏမသေ ထွိုင်းထွားချောင်ꩻ ခတ်ကယ်ꩻလင်ꩻနဝ်ꩻ တနꩻခန်းဒျာႏ စဲ့ꩻမန်း(နဲင်ႏငန်ႏတောႏစဲ့ꩻ)သွူ။ နဝ်ꩻတွော့ꩻ ဒေါ့ꩻနယ်ခန်းဒျာႏ စဲ့ꩻတနျာႏ ကအဝ်ႏလံးကီနဝ်ꩻ "စဲ့ꩻမန်းဖျော်လဲဥ်းလံးငါ"အကျောင်ꩻသွူ။ နဝ်ꩻတွော့ꩻ စဲ့ꩻတနျာႏ ကအဝ်ႏလံးကီ(၃)ဖြာꩻနဝ်ꩻလဲ့ ရဲဉ်ꩻခန်းဒျာႏအနမ်း၊ ကအဝ်ႏဒေါ့ꩻရီ အုံကိုမ်ဒါႏစဲ့ꩻတနျာႏ ဖြားစင်ꩻဖါမောင်ႏနဝ်ꩻလဲ့ သꩻဝီးသꩻဝꩻ နဲစ်ထွိုင်ႏလင်ꩻခန်းဒျာႏနဝ်ꩻသွူ။ တွိုႏလံးငါနဝ်ꩻ စဲ့ꩻမန်းလောႏငင်ႏခါꩻ ဖြားစင်ꩻဖါမောင်ႏတဲင် စင်ꩻဖါမောင်ႏလဲ့ "အိမ်ပေါ်မှာ အနီရှိတယ်"ဒေါ့ꩻတယ်ꩻခန်းဒျာႏနုဲင်းနဝ်ꩻသွူ။ စင်ꩻဖါမောင်ႏထွိုင်ႏဒေါ့ꩻနုဲင်းနဝ်ꩻမꩻ အွဉ်ႏစွꩻဝွေꩻတွော့ꩻ ကွဲးထူႏငါႏခင်ႏလံး တဒေါင်ထျꩻသွူ။ စင်ꩻမွိုးခံꩻလံးနဝ်ꩻ တဒေါင်လင်နဝ်သွူ။ စဲ့ꩻတနျာႏလဲ့ ရဲဉ်ꩻထွူထူႏထွူအခြွိုင်းခြိုꩻနဝ်ꩻ ထန်ႏလင်ꩻခန်းဒျာႏ ပငါပရာꩻသွူ။ စဲ့ꩻမန်းကအဝ်ႏဗွပ်ထာꩻ တဒေါင်ထျꩻ (၂)ဖြာꩻယိုလဲ့ ဝွေꩻသီးအဝ်ႏတဒေါင်ကတူႏ ခꩻလင်ꩻတဲင် တဖြာꩻနဝ်ꩻသီထွူ၊ တဖြာꩻနဝ်ꩻ ဆာတန်ခန်းဒျာႏနဝ်ꩻသွူ။ စဲ့ꩻတနျာႏဝင်ꩻသိုမ်နဝ်ꩻ တနတ်ဗာႏတဝ်းတဖြာꩻဖြာꩻ ဖင်းလꩻလို့ခန်းဒျာႏနဝ်ꩻသွူ။ စဲ့ꩻတနျာႏထွိုင်ႏလွစ်ထိုꩻနဝ်ꩻ လံးဗွေႏ စင်ꩻမွိုးခံꩻလဲ့ အုံလံးကီ တဗွုန်ႏဒွုမ်တဲင် ထန်ႏလင်ꩻနုဲင်းနုဲင်းခန်းဒျာႏနဝ်ꩻသွူ။ တွိုႏတဒေါင်ထျꩻနဝ်ꩻ လေပ်ထင်ꩻချာ လံးဗꩻခိုႏနဝ်ꩻသွူ။ လံးဗꩻခိုႏနဝ်ꩻ တခါꩻပေါက်နွို့လွေꩻလံးလ အဝ်ႏတပေါက်သွူ။ စင်ꩻမွိုးခံꩻ ကလေပ်ထင်ꩻ လံးဗꩻခိုႏနဝ်ꩻ တန်ꩻတွိုႏတဝ်းဒွိုန်းတခါꩻပေါက်ထျꩻတွင်ꩻ စဲ့ꩻမန်းဆာအဝ်ႏတဒေါင်ထျꩻနဝ်ꩻ ခꩻလွဉ်ꩻခန်းဒျာႏ စင်ꩻမွိုးခံꩻ နီသိုမ်ဆင်ႏသွူ။ တနတ်ထွိုင်ႏဗာႏထွူနဝ်ꩻ စင်ꩻမွိုးခံꩻလဲ့ နွို့လွေꩻခန်းဒျာႏ လံးလနဝ်ꩻသွူ။ စင်ꩻမွိုးခံꩻနဝ်ꩻ လꩻသွူတနတ်ဗာႏဆာလဲ့ ကေားထွား ကေားပျုစုအဲဉ်ထဝ်းတဲင် အဝ်ႏခံႏဗာႏဒျာႏ သွီႏထန်ႏနုဲင်းနဝ်ꩻသွူ။ စဲ့ꩻမန်းနဝ်ꩻ အလိုꩻသီလဲဉ်းတဖြာꩻ၊ ဆာလဲဉ်းတဖြာꩻတဲင် သꩻလျားထာꩻတွော့ꩻ လိုမ်ꩻလာꩻဖေႏချာတဝ်း သွူတကာႏတဝ်း ဒုံသားယို ပါꩻမုဲင်ꩻမုဲင်ꩻလဲ့ ဖေႏလွေꩻထေ့တဝ်း "ဒီအဖွား သေမှအေးမယ်"ဒေါ့ꩻသမ်းထဲင်းနုဲင်းနဝ်ꩻသွူ။ နဝ်ꩻတွော့ꩻ စင်ꩻမွိုးခံꩻနဝ်ꩻ တနတ်ဗာႏ မွူးယာခိုႏ နားရီႏ(၁၂)ရပ်နဝ်ꩻကာႏလဲ့ ကေားပျုစုလိုမ်ꩻလာꩻအဲဉ်ထဝ်းတဲင် မွူးလွဲꩻလင်ꩻ (၅)နားရီႏရပ်နဝ်ꩻ သက်လို့ကံႏလို့ထိုꩻခန်းဒျာႏနဝ်ꩻသွူ။ အနီꩻနဝ်ꩻနဝ်ꩻ လိုꩻဖုံႏလဲ့ အပေါႏအဝ်ႏလွတဝ်းလံး လွေꩻလိုပ်ꩻလွေꩻမာꩻလွဒျာႏ တခြာကို ခြံတုံးဖုံႏတဲင် စဲ့ꩻမန်းနဝ်ꩻ လံးအဗွေႏကတအဲဉ်ထဝ်းယို တွဲႏကုဲင်ဝင်ꩻတခါꩻဖုံႏတွော့ꩻ နွို့သောက်နွို့ထူႏလွခန်းဒျာႏ ဝင်ꩻပစ္စေꩻဥစ္စာႏ ရတနာႏရွဉ်ခံꩻဖုံႏ လံးခြိုꩻပါႏခြိုꩻဖုံႏသွူ။ မန်းကနွို့ထူႏနဝ်ꩻ လံးအဗာႏပေါင်ꩻ(၂၀)ရပ်စွဉ်ႏဒျာႏသွူ။ အနေင်ႏယိုနဝ်ꩻ ခွန်ကုဝေ အဝ်ႏသွဉ်ဒျာႏလိတ် ဆိုႏဒျာႏဝါႏ ဝေင်ꩻပခုက္ကူတွော့ꩻ စင်ꩻမွိုးခံꩻ ပွယ်ꩻသင်္ဂျိုဟ်ႏနဝ်ꩻ တထွꩻတဝ်း၊ သဲင်ꩻထွꩻပွယ်ꩻပင်သွမ်ꩻလုမ်ꩻသွူ။ ပွယ်ꩻပင်သွမ်ꩻ ထွိုင်ႏထွူနဝ်ꩻ ဆရာႏတကာႏတွိုင်ႏပင်ႏလွဝင်ꩻတဲင် မန်းကထူႏ ကယားလွေꩻဒါႏ ဒုံသားပစ္စေꩻတခြိုꩻဖုံႏယို မာꩻစာႏရင်ꩻတွော့ꩻ ဒင်ႏငါလွေꩻ ဝင်ꩻနယ်ႏဟိုပုံꩻ၊ ပြည်သူ့ကောင်စီ ဥက္ကဋ္ဌထျꩻသွူ။ အတွင်ꩻနဝ်ꩻနဝ်ꩻ စဲ့ꩻမန်းထွက် ဗိုလ်ကြီးဘအေး အဝ်ႏထွာကောင်စီ ဥက္ကဋ္ဌတွင်ꩻသွူ။ ကောင်စီဥက္ကဋ္ဌ ဗိုလ်ကြီးဘအေးနဝ်ꩻ စဲ့ꩻမန်းယားလွေꩻ၊ ထူႏလွေꩻ ဒုံသားပစ္စေꩻတခြိုꩻဖုံႏ မွေးတမွေးတဝ်း ဖေႏကစဲင်း ဖေႏကသေႏချာႏတွော့ꩻ စာႏရင်ꩻအတွိုင်ꩻ ရီစဲစ်ဆေꩻချာဒွိုန်း ဒုံသားပဥ်ဖြာꩻဖြာꩻသွူ။ ဒုံသားဖုံႏလဲ့ အမဲဉ်ႏအတွိုင်ꩻ ဒေါ့ꩻနယ်လွေꩻဒျာႏသွူ။ ခွန်ကုဝေနဝ်ꩻ ပေါႏတကာႏမမွိုး စင်ꩻမွိုးခံꩻ ပွယ်ꩻပင်သွမ်ꩻထွူလဲ့ အဝ်ႏကုဲင်တခြိုꩻမုနဝ်ꩻ မဲ့ꩻဒုံသားအွဉ်ႏရေꩻဆုဲင်ꩻဒျာႏ ယူႏနုဲင်းနဝ်ꩻတွော့ꩻ လင်ꩻချာခန်းဒျာႏ ပခုက္ကူသွူ။ ပွိုင်းဝွို့တွမ်ႏကိစ္စယိုနဝ်ꩻ သꩻခွꩻခန်းဒျာႏ၊ ကျိုꩻစာꩻလွေꩻယင်းဒျာႏလိတ်နဝ်ꩻသွူ။ ဝါႏထွိုင်ႏကျွစ် ထွိုင်ႏသဲင်ꩻလယ်ႏချာနဝ်ꩻ ပွိုင်းဝွို့တွမ်ႏကိစ္စယို ဝေင်ꩻနယ်ႏပြည်သူ့ကောင်စီသား တအွဥ်ႏရေꩻလွေꩻဖေႏတဝ်းနုဲင်းမုဲင်ꩻအကျောင်ꩻယို ကွဲးသေထွꩻသွူ။ နဝ်ꩻတွော့ꩻ ခွေသွဉ်းခွန်ကုဝေလဲ့ နေႏသာႏတဝ်းတွော့ꩻ လင်ꩻရီစဲင်းခန်း ဝေင်ꩻနယ်ႏကောင်စီဥက္ကဋ္ဌ ဗိုလ်ကြီးဘအေးသွူ။ ဗိုလ်ကြီးဘအေးလဲ့ စင်းလဲဉ်စင်းကြဲစ်တဝ်းဒွုမ်တဲင် အမဲဉ်ႏအတွိုင်ꩻ ဒေါ့ꩻနယ်ချာခန်း ခွန်ကုဝေသွူ။ "ဒီပင်ကုလားရွာကိစ္စဟာ ဒီရုံးက ရွာသားတွေကို ခေါ်ယူမေးမြန်းတဲ့ စစ်တမ်းဘဲရှိမယ်၊ ဘယ်လိုမှ မဆောင်ရွက်ရသေးဘူး ဘုရား" "ဟုတ်ပြီ တကာကြီး၊ တကာကြီးတာဝန် တကာကြီးလုပ်စရာရှိတာ အမြန်လုပ်၊ ကျန်တာ သွားစရာရှိတာ ဦးဇင်းဘဲသွားမယ်" ခွန်ကုဝေ ထွိုင်ႏဒေါ့ꩻနုဲင်းနဝ်ꩻနဝ်ꩻ ကစဲစ်ဆေꩻဒါႏဒုံသား မတ်တန်ꩻဖိုင်ယို ဖေႏအပ်လွေꩻခန်းဒျာႏ ခွန်ကုဝေနဝ်ꩻသွူ။ ခွန်ကုဝေလဲ့ တဲမ်းသမ်းလိတ်တစောင်ႏတွော့ꩻ တွမ်ႏစဲစ်ဆေꩻချက် မတ်တန်ꩻယို လင်ꩻဒင်ႏထေ့ခန်းဒျာႏ တပ်မ(၅၅)တပ်မမှူး ဝေင်ꩻသီႏသဲင်ႏကိုသွူ။ တပ်မမှူး သီႏသဲင်ႏဟောꩻလိတ်ထွိုင်ႏထွူနဝ်ꩻ ဒေါ့ꩻဖေႏ ခွန်ကုဝေနုဲင်းယို- "ဒီကိစ္စဟာ ပြီးသင့်တာကြာပြီ၊ ဟိုပုံးကောင်စီက ပေါ့လို့၊ အခုတပည့်တော် စစ်ခုံရုံးဖွဲ့ပေးမယ်၊ အရှင်ဘုရားတို့ရွာအထိ စစ်မယ်၊ အရှင်ဘုရား စိတ်အေးအေးထား၊ အမှန်အတိုင်း ဖြစ်စေရမယ် ဘုရား" ခွန်ကုဝေ ကလင်ꩻဒင်ႏထေ့ တပ်မှူးသီႏသဲင်ႏကို နုဲင်းယိုနဝ်ꩻ တင်ꩻကျွစ်လောင်းတကာႏတဝ်းဒွုမ် လာတထိန်ႏဆန်ꩻ ဟမ်းအာအာလဲန်းသွူ-သွူ။ တပ်မမှူးနဝ်ꩻ ဒေါ့ꩻထွူနုဲင်းကီယိုလုမ်ꩻတကာႏတဝ်း "အဲဒီတပ်ခွဲမှူးကလည်း အခုမရှိတော့ဘူး၊ အနီတွေနဲ့ နောင်ထဝ်နားမှာ တိုက်ပွဲထပ်ဖြစ်လို့ ကျသွားပြီ၊ ဟိုနားမှာဘဲ သင်္ဂြိုဟ်လိုက်တယ်"ဒေါ့ꩻထွူနုဲင်းနဝ်ꩻနဝ်ꩻတွော့ꩻ ယီးနယ်အွဉ်လွေꩻပါခန်းဒျာႏ အစဲ့ꩻသင်ႏခဲင်ꩻနဝ်ꩻသွူ။ ဒင်ႏထွူလိတ်အနီꩻနဝ်ꩻနဝ်ꩻ ကာꩻသဲင်ꩻထင်ꩻဟိုပုံꩻ အဲဉ်ထဝ်းတဲင် ကိန်ꩻဗာႏဒျာႏ ကျောင်ꩻဇဝနာရာမ ဝေင်ꩻသီႏသဲင်ႏကိုနဝ်ꩻသွူ။ နုဲင်းမွူးရဝ်ꩻ အဝ်ႏသီႏသဲင်ႏထွိုင်ႏသဲင်ꩻတွိုႏ ဟိုပုံꩻနဝ်ꩻ နားရီႏ (၁၀)ရပ်လဲဉ်းတဲင် စဲ့ꩻကာꩻတွမ်ႏ ပါတီကောင်စီလိုꩻတန်ကာꩻစဲဉ်ႏနဝ်ꩻ အဝ်ႏဟိုပုံꩻ ထန်ႏနဝ်သဲင်ꩻနမ်းခုတ် ခွဲကျုံႏလဲဉ်း ဟိုပုံꩻဝေင်ꩻမော့ꩻနဝ်ကိုသွူ။ အတွင်ꩻနဝ်ꩻနဝ်ꩻ ကာꩻတဖူꩻဖဲ့ꩻထင်ꩻ ဖြွဉ်တဝ်းဒွိုန်းနုဲင်းယိုခါတဲင် လွေꩻသဲင်ꩻခင်ႏဗာႏနေးဒျာႏ နမ်းခုတ်ဖဲ့ꩻသွူ။ အဟာနဝ်ꩻနဝ်ꩻ စဲ့ꩻတွမ်ႏပါတီကောင်စီသားနဝ်ꩻ တွိုႏသဲင်ꩻလꩻတဝ်း ပင်ကလာꩻတဲင် သဲင်ꩻဗေင်ႏဗာႏဒျာႏ စောက္ကဆျာႏသွူ။ ပင်ကလာꩻဒုံ စဲ့ꩻမန်းကထူႏ ကသောက်ဒါႏဒုံသား ပစ္စေꩻတခြိုꩻကိစ္စတာႏ တပ်မ (၅၅)သီႏသဲင်ႏ တပ်မမှူးနဝ်ꩻ ဖွဲ့ဖေႏစဲ့ꩻတရာꩻရုမ်ꩻလဲ့ ငမ်းစဲ့ꩻမာꩻငီႏငါထာꩻ အမဲဉ်ႏအတွိုင်ꩻ ငမ်းတထွာတဝ်းတွော့ꩻ ဖြဝ်ꩻခမ်းကောင်စီဥက္ကဋ္ဌ ဦးထွန်းရင်လော မိန့်လင်ꩻပါတီကောင်စီ လုပ်ငန်းစစ် ဟိုပုံꩻသား အွဉ်ႏသဲင်ꩻလွဉ်ꩻနဝ်ꩻသွူ။ နဝ်ꩻတွော့ꩻ ပါတီကောင်စီ လုပ်ငန်းစစ် ဟိုပုံꩻ ဥက္ကဋ္ဌဖုံႏနဝ်ꩻ တလွေꩻခင်ႏဖိုဖိုတဝ်းတဖူꩻ၊ တတွိုႏဖိုဖိုတဝ်းအရပ်ယို လွေꩻဗာႏစွဉ်ႏ၊ တွိုႏဗာႏစွဉ်ႏနဝ်ꩻသွူ။ ကစဲစ်ဆေꩻအမုနဝ်ꩻ ညစွဉ်ႏ(၅)နီꩻနဝ်ꩻသွူ။ စဲစ်ဆေꩻဒုံသားဖုံႏ ထွိုင်ႏထွူနဝ်ꩻ စဲစ်ဆေꩻချက်ယို ပသာလင်ꩻချာဗာႏယင်း တပ်မမှူးထျꩻ ဝေင်ꩻသီႏသဲင်ႏကိုသွူ။ စဲစ်ဆေꩻထွူအမု ထွိုင်ႏလꩻမွူးနီꩻ တဆီရပ်နဝ်ꩻ ခွန်ကုဝေ လင်ꩻထေ့ယင်း တပ်မမှူးတွော့ꩻ တပ်မမှူးရိုꩻဖေႏ ခွန်ကုဝေ- "အရှင်ဘုရားတို့ ရွာအမုတွဲ ဖတ်ပြီးပြီ၊ ပစ္စည်းတန်ဖိုး ၄-ပုံ ၃-ပုံ ပြန်ပေးမယ်၊ အရှင်ဘုရား စိတ်အေးအေးထား၊ ပေးမည့်ရက်ကို ဟိုပုံးကောင်စီကနေ အကြောင်းကြား၊ အသိပေးမယ်"နုဲင်းနဝ်ꩻသွူ။ နုဲင်းမွူးရဝ်ꩻတရူꩻနဝ်ꩻ တနꩻစနေႏ၊ တနင်ႏနွေႏနီꩻတဲင် ခွန်ကုဝေ တပွေါးနွောင်ꩻတဝ်းတွော့ꩻ လင်ꩻခန်းဒျာႏ ပခုက္ကူ၊ ရွဉ်ယောႏနဝ်ꩻ ဖေႏဆုဲင်ꩻဒျာႏဒုံသားသွူ။ စင်ꩻမွိုးခံꩻ ကရုဏာကြေးနဝ်ꩻလဲ့ လꩻချာယင်းသွူ။ လꩻခွိုင်းမုဲင်ꩻကရိုꩻနဝ်ꩻ နေင်ႏပေါင်ꩻ(၃၀)လွိုလဲဉ်းတဲင် တောင်ꩻတဝ်းဒွုမ်သွူ။ နဝ်ꩻတွော့ꩻ စဲ့ꩻပွယ်ꩻအမော့ꩻအကျုံႏယိုအတွိုင်ꩻ ခွန်ကုဝေ မွိုးဗွေႏ စင်ꩻမွိုးခံꩻနဝ်ꩻ လက်ခံႏစဲ့ꩻတနျာႏရိုꩻနုဲင်းနဝ်ꩻတဲင် ဝင်ꩻခꩻသီ ဝင်ꩻအွဉ်ႏသီတွော့ꩻ သီပေါ်သီပျင်ႏဗာႏခန်းဒျာႏထာꩻနဝ်ꩻသွူ။ စဲ့ꩻအစွိုꩻယို အွဉ်ငါဗိုလ်မှူးနဝ်ꩻလဲ့ ၂-လာအတွင်ꩻ မော့ꩻဖျင်တွိုက်ꩻပွယ်ꩻတဲင် ထဲ့သုမ်ꩻသီထိုꩻခန်းဒျာႏနေနေတွော့ꩻ စဉ်ꩻစာꩻခရာႏသွူ။ ကမာꩻဒါႏစဲ့ꩻတရာꩻပွယ်ꩻ ဒုံကိုနဝ်ꩻ ဗိုလ်မှူးတပါတဝ်းဒွုမ်၊ ဗိုလ်မှူးထဲ့သုမ်ꩻထိုꩻလဲဉ်းဒျာႏနဝ်ꩻသွူ။ [၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ခွန်ကုဝေ-မုဲင်းကောင်
  2. ခမ်းသားငဝ်း အမုဲင်-၄၊ အစဲဉ်ႏ-၆/၉