စွန်တန်ထာꩻအာႏကွိုꩻငတ်ꩻမျိုꩻ

အဝ်ႏ ဝီခီပီးဒီးယား ကို

"မဟာစောရသုတ် (စွန်တန်ထာꩻအာႏကွိုꩻ ငတ်ꩻမျိုꩻ)" ရဟန်ꩻသီးဖုံႏဟွေး- စွန်တန်နဝ်ꩻ ထာꩻအာႏကွိုꩻ အဝ်ႏငတ်ꩻမျိုꩻတဲင် စွန်ထာꩻအွိုးလမ်း၊ စွန်ထာꩻအွိုးဒုံ၊ စွန်ထာꩻတဖူꩻလောင်းနောဝ်ꩻသွူ။ ၁။ လောကကိုယို စွန်တန်နဝ်ꩻ အာႏကွိုꩻ'ခင်ႏလမ်းယပ်ꩻခုဲင်ႏ'တဲင် စွန်ထာꩻ၊ ဝွေꩻအုံဒျာႏ လိုꩻလွေꩻကယပ်ꩻခုဲင်ႏ၊ ထီနောင်တန်ကို၊ ကောင်တန်လောင်းနောဝ်ꩻသွူ။ ၂။ လောကကိုယို စွန်တန်နဝ်ꩻ အာႏကွိုꩻ'တခြာတန်၊ ထာꩻလုံꩻလုံꩻ'တွော့ꩻ စွန်ထာꩻ၊ ဝွေꩻအုံဒျာႏတခြာတန်ကို၊ ထာꩻလုံꩻလုံꩻကိုနောဝ်ꩻသွူ။ ၃။ လောကကိုယို စွန်တန်နဝ်ꩻ အာႏကွိုꩻ 'ခွန်တန်၊ အမတ်တန်'တဲင် စွန်ထာꩻ၊ ခွန်တဲ့နဝ်ꩻ အမတ်တန်တဲ့နဝ်ꩻ (ရော့ꩻဖူးဝေးဟောင်း၊ ငမ်းဝွေꩻဟောင်း) ဆွမ်ꩻတောဝ်းဝွေꩻနောဝ်ꩻသွူ။ ၄။ လောကကိုယို စွန်တန်နဝ်ꩻ အာႏကွိုꩻ 'ရွဉ်ခံꩻ'တဲင် စွန်ထာꩻ၊ ဝင်ꩻမဉ်ႏဆွမ်ꩻလꩻစိန်ႏစွော့ꩻ ထိုꩻလာဘ်၊ မွဉ်ရွဉ်ဆဲင်ႏရာꩻ လိုꩻတန်ထျꩻ၊ ဝင်ꩻအွဉ်ႏစွꩻချာယင်းနောဝ်ꩻသွူ။ ၅။ လောကကိုယို စွန်တန်နဝ်ꩻ အာႏကွိုꩻ'အုံတဖြာꩻလွုမ်ꩻ'တဲင်တွော့ꩻ စွန်ထာꩻ၊ ဝွေꩻနဝ်ꩻ အုံညီꩻတဝ်းဝင်ꩻ၊ အုံခေါ်တဖြာꩻဒျာႏ၊ စွန်ထာꩻအွိုးယို စွန်ထာꩻအွိုးနဝ်ꩻ ဖေႏဝင်ꩻကသေမွုန်းနောဝ်ꩻသွူ။ ရဟန်ꩻသီးဖုံႏဟွေး- အဗွန်ပီနုဲင်း စွန်တန်နဝ်ꩻနေနေ၊ ရဟန်ꩻယွုတ်တဲ့ အာႏကွိုꩻထာꩻငတ်ꩻမျိုꩻ၊ ယားအနမ်း၊ ရဲးအနမ်း၊ မာꩻအာအကုသိုလ်ႏ၊ အပဲ့စ်အောဝ်ႏ၊ ပညာႏအောဝ်ႏသားဖုံႏ ကဲ့ꩻရဲ့ꩻသဲ့ꩻသွမ်ꩻနောဝ်ꩻသွူ။ ၁။ သာႏသနာႏကိုယို ရဟန်ꩻယွုတ်နဝ်ꩻ မာꩻထာꩻတမွေးတဝ်း၊ ဒေါ့ꩻထာꩻတမဲဉ်ႏတဝ်း၊ ယူႏထာꩻတမွေးမဲဉ်ႏတဝ်း၊ ရဟန်ꩻယွုတ်ကအာႏကွိုꩻ 'ထာꩻတမွေးတဝ်း'နဝ်ꩻ တွမ်ႏစွန်တန် ကအာႏကွိုꩻခင်ႏလမ်းယပ်ꩻခုဲင်ႏနဝ်ꩻ ဗွန်ပီနောဝ်ꩻသွူ။ ၂။ ရဟန်ꩻယွုတ်နဝ်ꩻ အာႏကွိုꩻ'ထာꩻယူႏမာႏ-မိစ္ဆာႏဒိဋ္ဌိ'၊ ရဟန်ꩻယွုတ်ကအာႏကွိုꩻ 'မိစ္ဆာႏဒိဋ္ဌိ'နဝ်ꩻ တွမ်ႏစွန်တန်ကအာႏကွိုꩻ 'တခြာတန်၊ ထာꩻလုံꩻလုံꩻ'နဝ်ꩻ ပီဝင်ꩻနောဝ်ꩻသွူ။ ၃။ ရဟန်ꩻယွုတ်နဝ်ꩻ အာႏကွိုꩻ'ခွန်တန်၊ အမတ်တန်"ခွန်တန်၊ အမတ်တန် ကိုꩻကွယ်ႏဝွေꩻ၊ တွမ်ႏစွန်တန် ကအာႏကွိုꩻ ခွန်တန်၊ အမတ်တန်နဝ်ꩻ ဗွန်ဝင်ꩻနောဝ်ꩻသွူ။ ၄။ ရဟန်ꩻယွုတ်နောဝ်ꩻ (လိုꩻတသူႏသေတဝ်းထာꩻ)ခွန်ဖုံႏ၊ အမတ်တန်ဖုံႏ၊ လိုꩻခြွေဖုံႏ ကိုꩻကွယ်ႏတွော့ꩻ တခြိုꩻလာဘ်သပ္ပကာႏလွိုင်ႏအာ၊ ပေါႏပါꩻဒေါ့ꩻဝွေꩻအပဲ့စ်၊ ပေါႏပါꩻစွယ်ꩻတရာꩻဝွေꩻတဲ့ ဝွေꩻထိုꩻလာဘ်၊ မွဉ်ရွဉ်-ဆဲင်ႏရာꩻ အတန်သားထျꩻ၊ တွမ်ႏစွန်တန် ကထိုꩻလာဘ်၊ ကမွဉ်ရွဉ်နဝ်ꩻ ပီဝင်ꩻနဝ်ꩻသွူ။ ၅ႏ ရဟန်ꩻယွုတ်နဝ်ꩻ အုံခေါ်ဒျာႏဝင်ꩻ၊ အကျောင်ꩻတဲ့မာꩻညာꩻ၊ မာꩻခေါ်ဒျာႏဝင်ꩻ၊ ငမ်းဝင်ꩻသေ ဝွေꩻထာꩻမာꩻ၊ ငမ်းဝင်ꩻသေ ဝွေꩻအပဲ့စ်၊ တွမ်ႏစွန်တန် ကအုံခေါ်ဝင်ꩻနဝ်ꩻ ဗွန်ပီဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ မဟာစောရသုတ်) [၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၉၆)