ဆဗ္ဗဂ္ဂီရဟန်ꩻသီး(ဒုတိယ)
"ဆဗ္ဗဂ္ဂီရဟန်ꩻသီး(ဒုတိယ)ဝတ္ထု"
၁၃၀။ တရာꩻဂါႏထာႏပြန်ႏပအိုဝ်ႏခြေင်ခြေင်- ခွုင်းကားတဲင် သꩻသက်ကအဝ်ႏဒါႏ သတ္တဝါႏဖုံႏနဝ်ꩻ သꩻဝꩻလွဆာခံႏ တံႏအမျိုꩻမျိုꩻဖုံႏသွူ၊ ခွုင်းကားတဲင် အသက်ကအဝ်ႏဒါႏ သတ္တဝါႏဖုံႏနဝ်ꩻ ငမ်းထာꩻယူႏပက် ရက်အသက်ဖုံႏသွူ၊ ဝင်ꩻတဗꩻ နီကဆာ ယူႏချာဥပမာႏ စာႏနာႏနမ်းထွူတဲင် နေးတွမ်ႏထာꩻမာႏ အာႏဏာႏလက်နက် ဟောဝ်နိစ္စက်တဝ်းဝင်ꩻ၊ နေးတွမ်ႏဒေါသဟောဝ်တဗꩻတဝ်းဝင်ꩻနောဝ်ꩻသွူ။
ဟော်ꩻထွားသွဉ်ဗာႏ "ဆဗ္ဗဂ္ဂီရဟန်ꩻသီး (ဒုတိယ)"ဝတ္ထုယိုတဲင် "လꩻဗဟုသုတ၊ လꩻသတိꩻနုဲင်းယို"
၁။ လိုꩻသွုံꩻမာႏ အာႏဏာႏသား၊ လိုꩻအတ္တဒိဋ္ဌိသား၊ လိုꩻမဉ်လꩻခြေင် ဝင်ꩻတခြိုꩻသားတဲ့အဝ်ႏ-
၂။ လိုꩻကုဲင်လိုꩻမောႏဖုံႏနဝ်ꩻ ထီႏဝင်ꩻအံႏသွင်ꩻတဝ်း၊ အင်းတဗꩻ၊ အင်းတုပ်ꩻ၊ အင်းတွဲႏ၊ အင်းခꩻဒါႏဝင်ꩻ၊ မိုးဒါႏဝင်ꩻတွမ်ႏတနတ်-
၃။ လိုꩻကုဲင်လိုꩻကျွား စူခွုမ်သားယင်ဟန်ႏ- "မဲ့ꩻခွေခꩻပꩻ နာꩻကတူႏ-တွမ်ႏတနတ်မဲ့ꩻ" ဒေါ့ꩻခတ်ꩻနား၊ ဒေါ့ꩻလျားဒါႏဝင်ꩻနုဲင်းနဝ်ꩻ-
၄။ တွဲႏနက်နေး၊ ခꩻပꩻနေး ဝင်ꩻကတူႏ တွမ်ႏရိုꩻမွိုန်း၊ အင်းတဗꩻနေး တွမ်ႏစူငါမဉ်ႏတဲ့ နီဗွေႏဘုရာꩻ ကျွိုက်တောဝ်း-
၅။ အပဲစ်အလွိုက် ထွိုက်ရာꩻတံႏ ခံႏဗာႏတေ့ꩻတေ့ꩻ-
၆။ ခွုင်းကားတဲင် အသက်ကအဝ်ႏဒါႏ သတ္တဝါႏဖုံႏနဝ်ꩻ သꩻဝꩻတံႏ၊ ငမ်းထာꩻယူႏပက်၊ ရက်ချာအသက်လွဉ်းလွဉ်း-
၇။ စာႏနာႏချာနမ်းတဲင် သယ်ꩻခံႏယွုန်းလꩻလꩻ ဟောဝ်တဗꩻတဝ်းဝင်ꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။[၁][၂][၃]