ဆဗ္ဗဂ္ဂီရဟန်ꩻ(ပထမ)
"ဆဗ္ဗဂ္ဂီရဟန်ꩻ(ပထမ)ဝတ္ထု"
၁၂၉။ ဂါႏထာႏပြန်ႏပအိုဝ်ႏခြေင်ခြေင်- ခွုင်းကားတဲင် သꩻသက်ကအဝ်ႏဒါႏ သတ္တဝါႏဖုံႏနဝ်ꩻ သꩻဝꩻဆာႏခံႏ တံႏအမျိုꩻမျိုꩻဖုံႏသွူ၊ ခွုင်းကားတဲင် သꩻသက်ကအဝ်ႏဒါႏ သတ္တဝါႏဖုံႏနဝ်ꩻ နမ်းခန္ဓာႏကုဲင်လီ ငမ်းငါႏထာꩻသီဖုံႏသွူ၊ ဝင်ꩻတွဲႏနီကဆာ ယူႏချာဥပမာႏ စာႏနာႏနမ်းထွူတဲင် နေးတွမ်ႏထာꩻမာႏ အာႏဏာႏလက်နက် ဟောဝ်နိစ္စက်တဝ်းဝင်ꩻ၊ တွမ်ႏတနတ်ခꩻ သတ်တွမ်ႏနꩻသွီႏလီ ဟောဝ်မာꩻသီတဝ်းဝင်ꩻနဝ်ꩻသွူ။
ဟော်ꩻထွားသွဉ်ဗာႏ "ဆဗ္ဗဂ္ဂီရဟန်ꩻသီး (ပထမ)ဝတ္ထု"ယိုတဲင် "လꩻဗဟုသုတ၊ လꩻသတိꩻနုဲင်းယို"
၁။ "နီယိုစွိုꩻသား၊ နီယိုလိုꩻတန်၊ နီယိုအာႏဏာႏအဝ်ႏ၊ နီအဗာႏလꩻဒျာႏ၊ သီနဝ်ꩻလိုꩻပေႏ ဖေႏဗာႏနီ၊ ရိုႏသေႏဗာႏနီ" အွဉ်ႏသꩻနုဲင်းနဝ်ꩻတဲင် လိုꩻအတ္တဒိဋ္ဌိသား၊ လိုꩻမာႏနသား၊ လိုꩻမဉ်လꩻခြေင် ဝင်ꩻတခြိုꩻသားနုဲင်းနဝ်ꩻဖုံႏတဲ့အဝ်ႏ-
၂။ လိုꩻကုဲင်စွိုꩻနဝ်ꩻ အံႏနွောင်ꩻတွဲႏနက် နိစ္စက်ဒါႏ လိုꩻဟဝ်ဖုံႏ-
၃။ ကွပ်အမာႏအဝ်ႏ (ပွိုးအကျောင်ꩻအောဝ်ႏ)မꩻ နီဗွေႏဘုရာꩻပညတ်ဗာႏသိက္ခာႏပုဒ် (ထုတ်ဗာႏဥပဒေႏ)လွဉ်းလွဉ်း-
၄။ ပေါႏတနာႏတဝ်း နီဗွေႏဘုရာꩻငေါဝ်းနဝ်ꩻ အပဲစ်အဝ်ႏတဲင် အပဲစ်အလွိုက် ထွိုက်ရာꩻခံႏဗာႏဒျာႏ (အပဲစ်တအဲဉ်ထဝ်းတဲ့ ကနစ်နာႏဆာခြေင်ဖုံႏနဝ်ꩻ အာႏဏာႏသားကျွိုက်၊ လိုꩻမွိုက်စူခြောင်ꩻဖုံႏဒျာႏ)-
၅။ ခွုင်းကားတဲင် သꩻသားသတ္တဝါႏဖုံႏနဝ်ꩻ ငမ်းငါႏတံႏ၊ ငမ်းငါႏထာꩻသီ-
၆။ စာႏနာႏချာနမ်းတဲင် ဟောဝ်နိစ္စက်တဝ်းဝင်ꩻ၊ ဟောဝ်မာꩻသီတဝ်းဝင်ꩻ-
၇။ ဘုရာꩻရဟန္တာႏ ပညာႏအဝ်းသားဖုံႏနဝ်ꩻ အုံဒျာႏတရꩻတရာꩻ(ဓမ္မ)ဖဲ့ꩻ၊ ထာꩻတရာꩻတဝ်း (အဓမ္မ)ဖဲ့ꩻနဝ်ꩻ အုံတဝ်း-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။[၁][၂][၃]