ဆျာဥပမာႏ
ဆျာမျိုꩻနောဝ်ꩻရာꩻ ထာꩻညီႏညွတ်ဝင်ꩻငထောဝ်း၊ ရန်ႏသူႏတွမ်ႏဘေꩻ မီႏမော့ꩻလဲ့ခါ၊ ပငါပရာꩻ အီႏလောႏစွဲကိုလွဝင်ꩻ၊ အချင်ꩻင်ꩻဝွေꩻသီး တအောဝ်ႏဖိုတောဝ်း၊ ဝွေꩻသီးဆျာမျိုꩻနဝ်ꩻ ထာꩻသားတင်ꩻလုံ တငမ်းတောဝ်းဝွေꩻသီး၊ ပွိုးကားတဖြွမ်းတောဝ်းလွဝင်ꩻ၊ အချင်ꩻင်ꩻဝွေꩻသီး၊ မီႏမော့ꩻရန်ႏသူႏနောဝ်ꩻ လယ်ကွဉ်းအီႏစွဲကိုလွဝင်ꩻ၊ ရဲးကိုရန်ႏသူႏ တစွဲးကိုတောဝ်း၊ ဝွေꩻသီးဆျာချင်ꩻ မီႏထီႏဖိုတောဝ်း၊ ဝင်ꩻလဲ့ပကတိအဲင်ႏသီ၊ အုံညီꩻဝင်ꩻသေႏသေႏ၊ တဗာႏတွမ်ႏတဗာႏ၊ နှဲႏတခါႏခါႏလွဝင်ꩻ၊ ရန်ႏစင်ꩻဒေါသ၊ တချꩻတောဝ်းဖိုဖို၊ ဆျာသီးယို မာႏနတန်၊ ဒေါသတန်၊ မောဟတန်၊ ခွေထေဟန်ပါꩻနေးဂုဏ်ႏ၊ တရုံႏစုညီႏညွတ်ဝင်ꩻ၊ တအောဝ်ႏလင်ꩻဖိုတောဝ်း၊ နောဝ်ꩻမꩻဝွေꩻသီးရန်ႏသူႏအာကွုန်ꩻ၊ စွူႏတွုန်းမသေငါꩻ၊ သဟာယမသေဗဲင်း၊ ယူႏစဲင်းင်းလုဲး ဖူးဝေးဖုံႏ၊ အားလုံးနီပအိုဝ်ႏမျိုꩻ၊ တွမ်ႏထွားနှဲးမွုန်းဆျာ၊ ထွားနှဲးဒျာႏသွော့ တနေတဝတ်ꩻ၊ ပသွစ်ꩻတမူ၊ လိုꩻကအီႏလွေꩻထူႏဝွေꩻသီးနောဝ်ꩻရာꩻ၊ ကျံႏဗာႏနေးဉာဏ်ႏအမျိုꩻမျိုꩻ၊ ရိုꩻရိုꩻသာꩻသာꩻ ထူႏမာꩻနှဲးဆျာနဝ်ꩻ တလꩻခြာတောဝ်း၊ နီပအိုဝ်ႏလိုꩻမျိုꩻ တွမ်ႏထွားနှဲးမွုန်းတောဝ်းဆျာနော ပအိုဝ်ႏအာဟွေး။[၁][၂][၃]