ဇာတ်ဝတ္ထု(၇)
"ထာꩻလွꩻတွမ်ႏထာꩻကုဲင်း"
၁။ (က) မဉ်ႏလွꩻမာꩻ ကာယဒုစရဲက်သွံပါꩻ၊ မဉ်ႏလွꩻဒေါ့ꩻ ဝစီဒုစရဲက်လစ်ꩻပါꩻ၊ မဉ်ႏလွꩻယူႏ မနော်ဒုစရဲက်သွံပါꩻနဝ်ꩻ ဟဝ်ဒျာႏ။
(ခ) လွꩻသွော့ အကုသိုလ်ႏဟုဲင်း၊ ကုဲင်းကုသိုလ်ႏမꩻ သꩻနဝ်ꩻ မာꩻဗွာဗွာသွော့နော။
၂။ (က) မဉ်ႏကုဲင်းမာꩻ ကာယသုစရဲက်သွံပါꩻ၊ မဉ်ႏကုဲင်းဒေါ့ꩻ ဝစီႏသုစရဲက်လစ်ꩻပါꩻ၊ မဉ်ႏကုဲင်းယူႏ မနော်ꩻသုစရဲက်သွံပါꩻနဝ်ꩻမꩻ ဟဝ်။
(ခ) ကုဲင်းမွိုန်းအကုသိုလ်ႏမꩻ၊ လွꩻမွိုန်းကုသိုလ်ႏဟုဲင်း၊ မာꩻဗွာကုဲင်းကုဲင်းသွော့ သꩻနောဝ်ꩻနော။
"အွꩻဒေါဝ်-သီ၊ အွꩻထီ-မွန်"
၁။ အွꩻဒေါဝ်နောဝ်ꩻ - သီ
၂။ အွꩻထီနောဝ်ꩻ - မွန်
နာꩻမဉ်သီထာꩻနဲ့ - မဉ်မွန်ထာꩻနဲ့
၃။ မဉ်ႏမဉ်မွန်တဲ့ အွꩻဒျာႏသွော့ထီ
၄။ မဉ်ႏမဉ်သီတဲ့ အွꩻသွော့ဒေါဝ်နော။
"နာꩻနောဝ်ꩻ ခေါင်ꩻနဲ့ ဖီးထူꩻနဲ့"
၁။ သေဝင်ꩻကေꩻဇူꩻနဝ်ꩻ - သူႏတောႏကောင်ꩻ၊ ဥပမာႏ - ဗွန်ခေါင်ꩻ။
၂။ လိုꩻမွိုက်နောဝ်ꩻ - သေတဝ်းဝင်ꩻကေꩻဇူꩻ၊ ဥပမာႏ - ဗွန်ဖီးထူꩻ။
၃။ ခေါင်ꩻနဝ်ꩻ ထုမ်ႏဒျာႏ ကဝ်ႏတရေꩻရေꩻ နွုမ်ꩻဟွမ်ဟွမ်။
၄။ ဖီးထူꩻနဝ်ꩻ ထုမ်ႏဒျာႏ အေႏဝွေႏဝွေႏ နွုမ်ꩻသေင်သေင်။
၅။ နာꩻနောဝ်ꩻ ထူႏအဟွမ်နဲ့၊ တွမ်အဝွေႏနဲ့။
၆။ နာꩻနောဝ်ꩻ ခေါင်ꩻနဲ့၊ ဖီးထူꩻနဲ့။
"နာꩻနောဝ်ꩻ လိုꩻနဲ့ - ထွီႏနဲ့"
၁။ ထွီႏတဗာႏ ပေါႏဗွူႏအဆာႏနောဝ်ꩻ "ကေꩻဇူꩻတင်ႏငါသီ - ဝီနယ်အမေး"
၂။ ထာꩻခေ့ꩻထာꩻနာꩻ ရဲးခါꩻဖေႏ ရန်ႏသူႏ၊ ဝွေꩻအူႏဝွေꩻဟောင်၊ ထောင်နဝ် ထွားထင်ꩻ။
၃။ နာꩻဟာ - မွိုးဖါကလွူးတန်သွူနာꩻနောဝ်ꩻ "ကေꩻဇူꩻတင်ႏငါႏ မွိုးဖါ" ငေါဝ်းတငွါ နာꩻဒေါ့ꩻဖိုနေဟာင်း။
၄။ မွိုးနောဝ်ꩻ ကွဲးဖြားငါငါ၊ ဖါနောဝ်ꩻ ကွဲးဖြားထဲင်းထဲင်း၊ နာꩻဖေႏဗဲင်းဖါ၊ နာꩻလူႏချာမွိုး အွီႏအွီႏနွိုးနွိုး ကားမုဲင်ꩻလဲင်ႏ။
၅။ နာꩻမဉ်ႏသေတောဝ်း မွိုးဖါကေꩻဇူꩻနောဝ်ꩻ နာꩻညမ်းလဲဉ်းက "ထွီႏ"ကွေးနော။
"နာꩻနောဝ်ꩻ လိုꩻနဲ့-တိရစ္ဆာန်ႏနဲ့"
၁။ ထွီႏဖုံႏနောဝ်ꩻ ပေါႏပါꩻအဲင်ႏ အသွꩻတဲ့ ဝွေꩻသီး လွေꩻအဲင်ႏဟွံ - ရန်ႏသူႏ။
၂။ ဖိုးဖုံႏနောဝ်ꩻ ပေါႏပါꩻနုဲင်ႏအသွꩻတဲ့ ဝွေꩻသီးလွေꩻနုဲင်းဟွံ - ရန်ႏသူႏ။
၃။ နာꩻဟာ - စွိုးခွိုꩻမော့ꩻထာꩻဒုက္ခနောဝ်ꩻ နာꩻထွားဗော့ꩻနုဲင်းနောဝ်ꩻနဲ့၊ သညင်ꩻဝွေꩻသီးယို နာꩻစွဲကိုဒျာႏနဲ့။
၄။ ခွေချမ်ꩻသာႏငါမဉ်ႏထွူ - ပါꩻမဉ်ဒုက္ခဒုက္ခ၊ ခွေလꩻငါမဉ်ႏထွူ - ပါꩻမဉ်မွမွ၊ နာꩻနိစ္စက်ချာ စွိုးခွိုꩻနုဲင်းနောဝ်ꩻနဲ့။
၅။ နာꩻမဉ်ႏရက်ချာတဝ်း - စွိုးခွိုꩻ၊ နာꩻမဉ်ႏနိစ္စက်ချာ - စွိုးခွိုꩻနောဝ်ꩻ နာꩻညမ်းလဲဉ်းက "ထွီႏ"၊ နာꩻသွီႏလဲဉ်းက "ဖိုး"ကွေးနော။
မဲ့ꩻဟက်မာႏ ပါꩻတခွေကွေး"
၁။ ထပေႏချင်ꩻချင်ꩻနဝ်ꩻ အံႏချာဒါႏလို့ဝင်ꩻစွဉ်ႏတဲ့ ထယံ - ထတန်နောဝ်ꩻ အံႏချာတဝ်း - ထ၊ မာꩻဒုက္ခချာတောဝ်း - စွိုးခွိုꩻ။
၂။ လိုꩻယံ - လိုꩻတန်နာꩻနဝ်ꩻ အံႏခြွꩻချာတဝ်း လိုꩻယာႏ၊ အံႏဆျာႏချာတဝ်း စွိုးခွိုꩻမွေးနေဟောင်း။
၃။ ခွေခြွေငါမဉ်ႏထွူ နာꩻအွဉ်ႏသꩻ၊ နာꩻမဉ်ႏအံႏခြွꩻချာယိုꩻယာႏ၊ နာꩻမဉ်ႏအံႏဆျာႏချာ စွိုးခွိုꩻနောဝ်ꩻ မဲ့ꩻ နာꩻ"ဟက်ꩻမာႏ"ပါဒါႏ "ပါꩻတခွေ"ကွေးနော။[၁][၂]