တဖြွုမ်ညီႏညွတ်ဝင်ꩻ
တဖြွုမ်နဝ်ꩻ ကအောဝ်ႏအုံဒါႏ သေင်ႏလောင်းကီ၊ ရန်ႏသူႏမီႏတွိုႏတောဝ်းလဲ့ အောဝ်ႏဒျာႏအရင်ꩻ၊ ဝွေꩻသီးနဝ်ꩻလဲ့ တမာꩻရီးတောဝ်းဝင်ꩻ၊ ထီꩻသင်ꩻသွꩻခွ ရက်အုံအောဝ်ႏ၊ ပေါင်ꩻဖက်သွꩻဖေါဝ်ႏ ရက်အုံညီꩻ၊ ရန်ႏသူႏမီႏဖျောဝ် ဖြွမ်းဝင်ꩻတဲစ်ꩻ၊ ဖြွမ်းဝင်ꩻတလဲစ်ꩻ တွမ်ႏအနျာႏ၊ ရန်ႏသူႏလွင်းဗာႏ သုမ်ꩻဝွေꩻသီး၊ အမွူးအထီး မအဝ်ႏကှဲ၊ ဖြွမ်းဝင်ꩻတဲစ်ꩻယှဲ ရန်ႏသူႏအောင်ႏ၊ ဥပမာႏပွုမ်ႏဆောင်ႏ ဆရာႏဖြွုမ်၊ ပအိုဝ်ႏအဒုံ အမျာꩻပေါင်ꩻ၊ ဖြွမ်းဝင်ꩻနောလောင်ꩻ ထွားနှဲးဖြွုမ်၊ လော်လယ်မွိုက်တွုမ် အွဉ်ႏကှဲညာꩻ၊ ပရိသတ်အမျာꩻ ပအိုဝ်ႏပို၊ မွိုးဖါနီယို တဖြာꩻချင်ႏ၊ မေတ္တာႏရပ်ခံႏ ညီႏတူႏဗဲင်း၊ ကိဉ်ꩻစာꩻစဲင်းစဲင်း ဖြွုမ်ပသွစ်ꩻ၊ နင်းဟွူကလွစ် ရန်ႏသူႏမျိုꩻ၊ ဖြွမ်းဝင်ꩻအကျိုꩻ ဟိုမ်ဗူႏတဲစ်ꩻ၊ ရန်ႏသူႏလွင်းဆဲစ်ꩻ ချံꩻသာႏဖျောဝ်၊ မာꩻမွုန်းသꩻလော် တဖြာꩻတစွိုးစွိုး၊ မေတ္တာႏသꩻနွိုး ဖြွမ်းဝင်ꩻညီႏ၊ မေတ္တာႏသꩻထီꩻ ဖြွမ်းအုံကွူꩻ၊ တဆှဲတဆွူႏ မွိုးဖါသား၊ အဲ့ꩻမဲ့ဗွောင်နား ထွားတွမ်ႏဉာဏ်ႏ၊ နေးတွမ်ႏပဋိဘာန်ႏ ကိဉ်ꩻစာꩻဟာ၊ ခွေမွိုးဝင်ꩻဖါ ယိုꩻယာႏစဲစ်၊ ပအိုဝ်ႏအဖြစ် ယိုꩻယာႏမန်ႏ၊ အွဉ်ႏသꩻဓိဋ္ဌာန်ႏ သုခညီꩻ၊ ခေ့ꩻလေယာနီꩻ ချံꩻသာႏဗဲင်း၊ ကိဉ်ꩻစာꩻစဲင်းင်း ထာꩻသားပေႏ၊ နေးတွမ်ႏဉာဏ်ႏရေႏ ယူႏစွေးဟာ၊ တွမ်ႏတွမ်ႏဉာဏ်ႏထာ ကိဉ်ꩻစာꩻဝင်ꩻ၊ နီယိုအချင်ꩻ လွောင်ႏညီႏတူႏ၊ သꩻခွꩻသꩻရျူႏ ဒင်ႏဝင်ꩻလောင်း၊ ယံဖေႏတသွောင်း နီလိုꩻမျိုꩻ၊ ယံဖေႏအာႏကွိုꩻ သွဉ်ပိညာႏ၊ နီယိုအတာႏ ပအိုဝ်ႏတွက်၊ ထင်ႏကီဆꩻတက် ယံသွုန်ဝင်ꩻ၊ နီပအိုဝ်ႏချင်ꩻ တဖုံႏဟွေး။[၁][၂]