နာႏတရာꩻသား

နာꩻတရာꩻသား

၁။ သာဝတ္ထိခမ်းကို လိုꩻစွိုꩻတစွိုꩻနဝ်ꩻ လွောင်ႏလွောင်ႏဗူႏဗူႏလူႏထာꩻထွူတဲင် နာႏတရာꩻမွူးဟာခိုႏ၊ ကွဲးတွော့ꩻ နာႏလေနာꩻနွောင်ꩻတဝ်း။ ယဟန်ႏသားနဝ်ꩻ တခေင်ꩻဒျာႏထာꩻ၊ သꩻသွယ်ꩻတဝ်းတရာꩻနဝ်ꩻ "ယံတဝ်း"။ ၂။ ယင်ဟန်ႏသားနဝ်ꩻ အဝ်ႏနာႏတရာꩻတွင်ꩻ ယူႏလꩻသဲင်ꩻအမာနင်ꩻ အွိုးလမ်းသူꩻတဲင် ထွိုင်ႏသဲင်ꩻထိုꩻစွဉ်ႏတဲ့အဝ်ႏ၊ ယင်ဟန်ႏသားနဝ်ꩻ ကွပ်ဒေါသ၊ ပွိုးမာႏနတွော့ꩻ ထွိုင်ႏသဲင်ꩻထိုꩻတဲ့အဝ်ႏ၊ (နီဗွေႏဖရာꩻ) "အဝ်ႏဟောꩻတရာꩻတွင်ꩻ−ထွိုင်ႏလင်ꩻထိုꩻနုဲးနဝ်ꩻ"နဝ်ꩻ "ယံတဝ်းတစꩻစိꩻ"။ ၃။ လွောင်ႏလွောင်ႏဗူႏဗူႏ အွဉ်လို့ဝင်ꩻလူႏထာꩻတဲ့နဝ်ꩻ၊ အွဉ်လို့ဝင်ꩻ မာꩻပွယ်ꩻတရာꩻတဲ့နဝ်ꩻ၊ လွဉ်လို့ဝင်ꩻနာႏတရာꩻတဲ့နဝ်ꩻ၊ မာꩻနုဲးနဝ်ꩻဖုံႏနဝ်ꩻ "ယံဒျာႏ"။ ၄။ နီဗွေႏဖရာꩻ ဟောꩻတရာꩻနုဲးယို− (က) "လိုꩻကကံကျင်ꩻလွဉ်ꩻ နီဗွေႏဖရာꩻတရာꩻအတွိုင်ꩻနဝ်ꩻ လꩻနွောင်ꩻနိဗ္ဗာန်ႏ၊ လိုꩻကလꩻနိဗ္ဗာန်ႏသားနဝ်ꩻ ဆေ့ꩻပေႏလူမ်ꩻ၊ တလꩻတဝ်းနိဗ္ဗာန်ႏ−တထန်ႏနွောင်ꩻတဝ်း သံႏသရာႏသား(ကွုတ်ဖြားဆာသီ−ကို)နဝ်ꩻ အဝ်ႏအာဆန်။ (ခ) နာႏတရာꩻယိုထွူခါ−ထွာသောတာႏပန်ႏပုဂ္ဂိုလ်ႏသား အာတန်၊ ကနာႏဗာႏတရာꩻ၊ ကလꩻတရာꩻသားနုဲးနဝ်ꩻဖုံႏနဝ်ꩻ "ယိန်းယံငါႏ"နဝ်ꩻသွူ။ ဖေႏကထွာဒျာႏ "ယိန်းယံငါႏ"နဝ်ꩻနေား။

ဩဝါဒလိစ်ꩻထွော့ ငေါဝ်းလင်္ကာႏ အမုဲင်(၁၄၃) ၁။ အဝ်ႏနာႏတရာꩻ၊ တခေင်ꩻထာꩻ၊ နဝ်ꩻရာꩻ ယံတဝ်းခြာ။ ၂။ နာႏတရာꩻတွင်ꩻ၊ ယူႏမာနင်ꩻ၊ ထွိုင်ႏလင်ꩻ ရွိုင်ꩻငါႏထွာ။ ၃။ အွဉ်ဝင်ꩻလူႏထာꩻ၊ နာႏတရာꩻ၊ နဝ်ꩻရာꩻ ယံဒျာႏထွာ။ ၄။ တရာꩻနာာဗာႏ၊ ထွာ ရိယာႏ၊ ချမ်ꩻသာႏ ယိန်းယံအာ။