ပဏ္ဍိတသာႏမဏေႏ
"ပဏ္ဍိတသာႏမဏေႏ"
၈၀။ ဂါႏထာႏပြန်ႏပအိုဝ်ႏခြေင်ခြေင် လိုꩻကကြောက်ꩻထီသားဖုံႏနဝ်ꩻ ထူႏထီလꩻဒျာႏ၊ လိုꩻကမာꩻစွဉ်ႏပြာႏဖုံႏနဝ်ꩻ မာꩻစွဉ်ႏပြာႏလꩻဒျာႏ၊ ရွာꩻသေင်ႏသားဖုံႏနဝ်ꩻ ရွာꩻပဲဉ်လꩻဒျာႏ၊ ပညာႏသားဖုံႏနဝ်ꩻ မဂ်ဖိုလ်ႏယံကလꩻ ဆွုံꩻမꩻချာဒျာႏ အနမ်းဖုံႏသွူ။
"လꩻဗဟုသုတ၊ လꩻသတိꩻနုဲင်းယို" ဟော်ꩻထွားသွဉ်ဗာႏ ပဏ္ဍိတသာႏမဏေႏဝတ္ထုယိုတဲင်-
၁။ ကေန်ꩻခြောဒုက္ခတဲ့ယောဝ်း အောဝ်ႏလိုႏမာꩻဒျာႏကုသိုလ်ႏအကျောင်ꩻ၊
၂။ စေႏတနာႏ သဒ္ဓါႏတရာꩻ အာႏမဉ်ႏတလာမွေးနောဝ်ꩻ အကျိုꩻဖေႏထွူထာꩻဒျာႏအကျောင်ꩻ၊
၃။ ပေါႏမာꩻကုသိုလ်ႏနဝ်ꩻ တွိုႏထင်ႏဗာႏ လူꩻခမ်းအကျောင်ꩻ၊
၄။ ပေါႏကုသိုလ်ႏ အာႏတလာမွေးနောဝ်ꩻ တွိုႏဘုရာꩻ တဆူႏဆူႏစိုးသူꩻ ထွာဗာႏပုဂ္ဂိုလ်ႏထူꩻ၊ ထွာဗာႏရဟန္တာႏအကျောင်ꩻ၊
၅။ ပေါႏဝင်ꩻ အားထွုတ်တရာꩻ၊ ပေါႏဝင်ꩻမာꩻကုသိုလ်ႏနဝ်ꩻ အောဝ်ႏလိုႏဖေႏအာႏငါႏအကျောင်ꩻ-စတဲင်နုဲင်းနဝ်ꩻ သေထွꩻလꩻအီသတိꩻအာတန်သွူ။
"လကုဏ္ဍကဘဒ္ဒိယ"
၈၁။ ကောင်လုံး တန်ကဒွုတ် ဆွော့ꩻကတဲ့ꩻတန်နဝ်ꩻ တန်ခေ့ꩻကရစ်ꩻ တလီꩻဝစ်ꩻနဝ်ꩻ တမာꩻတသွိုးနွောင်ꩻတဝ်းလာꩻလာꩻ၊ အနုဲင်းနောဝ်ꩻနေနေ ပညာႏသျိလိုꩻဒါႏ ရဟန္တာႏသီးနဝ်ꩻ ကဲ့ꩻရဲ့ꩻအံႏဖြာႏ ယိုနီဗာႏအလောင်း သꩻကုဲင်သꩻရေꩻ တထွာလွေꩻတောဝ်း (သꩻတသွိုးတဝ်းလာꩻလာꩻ၊ လွိုးတကြာꩻတောဝ်းတစိꩻစိꩻ။)
"လꩻဗဟုသုတ၊ လꩻသတိꩻနုဲင်းယို" ဟော်ꩻထွားသွဉ်ဗာႏ လကုဏ္ဍကဘဒ္ဒိယမထေရ်ႏဝတ္ထုယိုတဲင်-
၁။ မာꩻကုသိုလ်ႏ ထွိုက်ထွိုက်တန်ႏတန်ႏထွူတဲင် ပေါႏကွီဆုꩻနဝ်ꩻ ကကွီအတွိုင်ꩻ လꩻနွောင်ꩻဒျာႏအကျောင်ꩻ၊
၂။ ပွိုင်းဝွို့တွမ်ႏ ဘုရာꩻစေႏတီႏယို အဝ်ႏထိုထို အဝ်ႏတန်တန်(အီႏတယ်ႏထိုထို အီႏတယ်ႏတန်တန်)နဝ်ꩻ ဖေႏနေးကဖွိုႏထိုꩻတောနဝ်ꩻ ဟဝ်မာꩻတဝ်းအကျောင်ꩻ၊
၃။ ကုသိုလ်ႏတဲ့ အကျိုꩻဖေႏဒျာႏခေါ်ခေါ်၊ အကုသိုလ်ႏတဲ့ အကျိုꩻဖေႏဒျာႏခေါ်ခေါ်အကျောင်ꩻ၊
၄။ ကဲ့ꩻရဲ့ꩻအံႏဖြာႏနဝ်ꩻ ရဟန္တာႏသီး တထွာရာꩻတောဝ်း (တထူꩻချာꩻတဝ်း)အကျောင်ꩻ-စတဲင်နုဲင်းနဝ်ꩻ သေထွꩻလꩻအီသတိꩻအာတန်သွူ။
"ဟောဝ်တောင်ꩻခရာႏအဓိပ္ပယ်ႏ" "ဧတဒဂ္ဂံ-ဧတဒဂ် (ဘွဲ့)"ကရိုꩻနောဝ်ꩻ- (ဧတဒဂ္ဂ-ဧတံ+အဂ္ဂ)၊ ဧတံ-ဝွေꩻယိုနဝ်ꩻ၊ အဂ္ဂံ-အယံသွတ်ꩻ၊ "ဧတဒဂ္ဂ-ဧတဒဂ် ဝွေꩻယိုနဝ်ꩻ အယံသွတ်ꩻ"အဓိပ္ပါယ်ႏနုဲင်းနောဝ်ꩻသွူ။
"ကာဏမာတုဝတ္ထု"
၁။ ရဟန်ꩻသီးနဝ်ꩻ ဝင်ꩻလူႏတွိုင်ꩻတဲ့ ဟဝ်လူႏခံႏလို့တဝ်း၊ ချင်းလူႏခံႏဗာႏအကျောင်ꩻ၊
၂။ ပေါႏခွန်း ရဟန်ꩻသံဃာႏနဝ်ꩻ နီဗွေႏဘုရာꩻနမ်းနမ်း ကျွꩻဖြေႏသျင်ꩻဖေႏစွဉ်ႏအကျောင်ꩻ၊
၃။ ခွန်းထွမ်သံဃာႏ ကလꩻဒါႏအပဲစ်နဝ်ꩻ ကွပ်ကွီခွင်ꩻ ကန်းတော့ꩻချာနဝ်ꩻမꩻ လꩻနွောင်ꩻမဂ်ဖိုလ်ႏအကျောင်ꩻ၊
၄။ ပေါႏသꩻစွယ်ꩻတရာꩻ၊ ပေါႏနာႏဗာႏတရာꩻ၊ ပေါႏအားထွုတ်တရာꩻနဝ်ꩻ သꩻစွူငါႏအကျောင်ꩻ-စတဲင်နုဲင်းနဝ်ꩻ သေထွꩻလꩻအီသတိꩻအာတန်သွူ။[၁][၂][၃]