ပဏ္ဏိကဇာတ်

"ပဏ္ဏိကဇာတ်" ၁၀၂။ တရာꩻဂါႏထာႏ အဓိပ္ပါယ်ႏအချွုတ်- ဖါကရိုꩻနဝ်ꩻ နေးရာႏသီႏ ထွာဒျာႏပိုမူႏသီး ထꩻအာႏကွိုꩻ၊ ပိုသီးမဉ်ႏမော့ꩻ ထာꩻဒုက္ခနဝ်ꩻ အာႏကွိုꩻချာဗာႏဖါ၊ တွိုႏနီဖါယိုနဝ်ꩻ ပဲစ်မာႏတောဒျာႏပိုမူႏ ထာꩻယေဉ် တခြာကိုယို၊ ဖါသီးအမျိုꩻနဝ်ꩻ ထွာဒျာႏ ပိုသီးထာꩻကိုꩻကွယ်ႏ၊ ထာꩻအာႏကွိုꩻဒျာႏ၊ တွိုႏနီဖါယိုနဝ်ꩻ ယိုခါအံႏနွောင်ꩻတောဒျာႏခွေ၊ သမ်းထွာဒျာႏ တခြာကို၊ ခွေအီႏငွိုးထေ့ဗာႏ ပါꩻမုဲင်ꩻယို၊ ခွေအီႏအာႏကွိုꩻဗာႏ ပါꩻမုဲင်ꩻယိုဟွေး။

ထွားသွဉ်ဟော်ꩻကျပ် "ပဏ္ဏိကဇာတ်"ယိုတဲင် "ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ"

၁။ လိုꩻမူႏယံသီးအမျိုꩻနဝ်ꩻ "ဘဝမူႏနံꩻ-ခံႏရံꩻထိုꩻတဝ်း၊ လိုꩻမူႏမျတ်အကျင်ꩻ ခံႏပြင်ꩻထိုꩻတဝ်း"-

၂။ ဖါသီးအမျိုꩻနဝ်ꩻ အထွုံꩻစံႏပဲစ်မာႏချာ ပိုမူႏမွေးတောဝ်း၊ မဉ်ႏပဲစ်မာႏနဝ်ꩻ နုဲင်းစွဉ်ႏထီထွာမေႏ-

၃။ မွိုးဖါသီးအမျိုꩻနဝ်ꩻ ငမ်းမွေးစွဉ်ႏ ပိုဖုံႏအကျင်ꩻကုဲင်ထိုꩻ-

၄။ ပေါႏပိုခိုပိုမူႏသီး အကျင်ꩻကုဲင်ထိုꩻနဝ်ꩻ ဝင်ꩻရိုꩻတောစွဉ်ႏ မွိုးဖါဆွုံꩻမꩻတဝ်း၊ ဝင်ꩻကဲ့ꩻရဲ့ꩻသဲ့ꩻသွမ်ꩻတောစွဉ်ႏ အမွိုးဖါ-

၅။ မဉ်လꩻဝင်ꩻပိုမူႏတဲင် ရီနေးအမွိုးအဖါနဝ်ꩻ လိုꩻဟောဝ်သီးထွုံꩻစခါဒျာႏ-စတဲင်နုဲင်းနောဝ်ꩻဖုံႏသွူ။