ပယ်ႏထိုꩻရာႏဂဒေါသမောဟ
"ရာဂဝိနယသုတ် (ပယ်ႏထိုꩻရာႏဂ၊ ဒေါႏသꩻ၊ မောႏဟꩻ)"
ရဟန်ꩻသီးဖုံႏဟွေး- လောကကိုယို ပုဂ္ဂိုလ်ႏအောဝ်ႏလစ်ꩻမျိုꩻ၊ လစ်ꩻမျိုꩻကရိုꩻနောဝ်ꩻ- ၁။ အတ္တဟိတာယ ပဋိပန္နော နော ပရဟိတာယ- ကံကျင်ꩻဒျာႏ နမ်းတာႏလွုမ်ꩻ၊ တွိုႏဝင်ꩻတာႏနောဝ်ꩻ ထွဉ်ႏကံကျင်ꩻတောဝ်း။ ၂။ ပရဟိတာယ ပဋိပန္နော နော အတ္တဟိတာယ- ထွဉ်ႏကံကျင်ꩻဒျာႏ ဝင်ꩻတာႏလွုမ်ꩻ၊ တွိုႏနမ်းတာႏနောဝ်ꩻ ကံကျင်ꩻတောဝ်း။ ၃။ နေဝတ္တဟိတာယ ပဋိပန္နော နော ပရဟိတာယ- နမ်းတာႏတဲ့ တကံကျင်ꩻတောဝ်း၊ ဝင်ꩻတာႏတဲ့ တထွဉ်ႏကံကျင်ꩻတောဝ်း။ ၄။ အတ္တဟိတာယ စေဝ ပဋိပန္နော ပရဟိတာယ စ- နမ်းတာႏတဲ့ ကံကျင်ꩻ၊ ဝင်ꩻတာႏတဲ့ ထွဉ်ႏကံကျင်ꩻ။ လောကကိုယို ပုဂ္ဂိုလ်ႏအောဝ်ႏလစ်ꩻမျိုꩻ နုဲင်းနောဝ်ꩻသွူ။ ရဟန်ꩻသီးဖုံႏဟွေး- ၁။ 'ကံကျင်ꩻဒျာႏ နမ်းတာႏလွုမ်ꩻ၊ တွိုႏဝင်ꩻတာႏနဝ်ꩻ ထွဉ်ႏကံကျင်ꩻတဝ်း'ကရိုꩻနဝ်ꩻ နုဲင်းမုဲင်ꩻနဲတဲင်- လိုꩻယင်ဟန်ႏနဝ်ꩻ ယံကယ်ႏထိုꩻလꩻ ထာꩻတထဲ့ꩻရာႏဂ လောႏဘꩻနဝ်ꩻတဲင် ကံကျင်ꩻအားထွုတ်ဒျာႏ (အသုဘဘာႏဝနာႏ)၊ ယံကပယ်ႏထိုꩻလꩻ ဗျာပါဒ-ဒေါႏသꩻနောဝ်ꩻတဲင် ကံကျင်ꩻအားထွုတ်ဒျာႏ (မေတ္တာႏဘာႏဝနာႏ)၊ ယံကပယ်ႏထိုꩻလꩻ အဝိဇ္ဇာႏ-မောႏဟꩻနဝ်ꩻတဲင် ကံကျင်ꩻအားထွုတ်ဒျာႏ (သမ္မာဒိဋ္ဌိမဂ္ဂင်ႏ)၊ အားထွုတ်ဒျာႏ၊ မာꩻဒျာႏ၊ ကျင်ꩻဒျာႏ နမ်းတာႏနုဲင်းနဝ်ꩻလွုမ်ꩻ၊ တွိုႏဝင်ꩻနဝ်ꩻ ထွဉ်ႏအားထွုတ်တောဝ်း၊ ထွဉ်ႏမာꩻတဝ်း၊ ထွဉ်ႏကျင်ꩻတောဝ်းနောဝ်ꩻသွူ။ ၂။ 'ထွဉ်ႏကံကျင်ꩻဒျာႏ ဝင်ꩻတာႏလွုမ်ꩻ၊ တွိုႏနမ်းနဝ်ꩻ ကံကျင်ꩻတဝ်း'ကရိုꩻနဝ်ꩻ နုဲင်းမုဲင်ꩻနဲတဲင်- ဖေႏနေးကပယ်ႏထိုꩻလꩻ လောႏဘꩻ၊ ဒေါႏသꩻ၊ မောႏဟꩻနဝ်ꩻ ဟော်ꩻနယ်ဖေႏဝင်ꩻ၊ ဒေါ့ꩻနယ်ဖေႏဝင်ꩻ၊ ထွဉ်ႏမာꩻဝင်ꩻ၊ ထွဉ်ႏဝင်ꩻကျင်ꩻ၊ ထွဉ်ႏဝင်ꩻအားထွုတ်၊ တွိုႏဝွေꩻနမ်းနဝ်ꩻ ဖေႏကပယ်ႏထိုꩻလꩻ လောႏဘꩻ၊ ဒေါႏသꩻ၊ မောႏဟꩻနဝ်ꩻ အားထွုတ်တဝ်း၊ မာꩻတဝ်း၊ ကျင်ꩻတောဝ်းနောဝ်ꩻသွူ။ ၃။ 'နမ်းတာႏတဲ့ တကံကျင်ꩻတဝ်း၊ ဝင်ꩻတာႏတဲ့ တထွဉ်ႏကံကျင်ꩻတဝ်း'ကရိုꩻနဝ်ꩻ နုဲင်းမုဲင်ꩻနဲတဲင်- ယံကပယ်ႏထိုꩻလꩻ လောႏဘꩻ၊ ဒေါႏသꩻ၊ မောႏဟꩻနဝ်ꩻ နမ်းတဲ့ အားထွုတ်တဝ်း၊ မာꩻတဝ်း၊ ကျင်ꩻတဝ်း၊ ဝင်ꩻတဲ့ တထွဉ်ႏအားထွုတ်တဝ်း၊ မာꩻတဝ်း၊ တထွဉ်ႏကျင်ꩻတောဝ်းနောဝ်ꩻသွူ။ ၄။ 'နမ်းတာႏတဲ့ကျင်ꩻ၊ ဝင်ꩻတဲ့ ထွဉ်ႏကံကျင်ꩻ'ကရိုꩻနဝ်ꩻ နုဲင်းမုဲင်ꩻနဲတဲင်- ယံဖေႏနေး ကပယ်ႏထိုꩻလꩻ လောႏဘꩻ၊ ဒေါႏသꩻ၊ မောႏဟꩻဖုံႏနဝ်ꩻ နမ်းတံ ကံကျင်ꩻအားထွုတ်ဒျာႏ၊ မာꩻဒျာႏ၊ ကျင်ꩻဒျာႏ၊ ဝင်ꩻတဲ့ ထွဉ်ႏကံကျင်ꩻအားထွုတ်ဒျာႏ၊ ထွဉ်ႏမာꩻဒျာႏ၊ ထွဉ်ႏကျင်ꩻဒျာႏနောဝ်ꩻသွူ။(သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ ရာဂဝိနယသုတ်)[၁][၂]