ပယ်ႏဗာႏမနော်ꩻကံႏ
"စရသုတ် (ပယ်ႏဗာႏမနော်ꩻကံႏသွံပါꩻ၊ မာꩻဗာႏမနော်ꩻကံႏသွံစွိုး)" ရဟန်ꩻသီးဖုံႏဟွေး- ၁။ ယူႏကာႏမဂွုဏ်ႏနဝ်ꩻ ဟဲ့ꩻ'ကာမဝိတက်' ၂။ ကျံႏတကုဲင်ဝင်ꩻနဝ်ꩻ ဟဲ့ꩻ'ဗျာပါဒဝိတက်' ၃။ ကျံႏမာꩻယူႏပက်ဝင်ꩻနဝ်ꩻ ဟဲ့ꩻ'ဝိဟိံသာဝိတက်' ထာꩻယူႏ ထာꩻကျံႏ မနော်ꩻကံႏ အောဝ်ႏသွံပါꩻနောဝ်ꩻသွူ။ ရဟန်ꩻသီးဖုံႏဟွေး- ရဟန်ꩻတပါꩻနောဝ်ꩻ အောဝ်ႏလွေꩻထာꩻတွင်ꩻ 'ယူႏကာႏမဂွုဏ်ႏ၊ ကျံႏတကုဲင်ဝင်ꩻ၊ ကျံႏမာꩻယူႏပက်ဝင်ꩻ'မနော်ꩻကံႏနဝ်ꩻသွံမျိုꩻ တမျိုꩻမျိုꩻ မဉ်ႏထွာလွဉ်သꩻကိုနဝ်ꩻ 'မဉ်ႏနေးထူႏခါꩻ၊ မဉ်ႏတစွဉ်ꩻထိုꩻတဝ်း၊ မဉ်ႏတယားထိုꩻတဝ်း၊ မဉ်ႏတမာꩻဖြတ်ꩻထိုꩻတဝ်း၊ မဉ်ႏတမာꩻထိုꩻမားတဝ်း'နဝ်ꩻ ရဟန်ꩻအပါꩻနဝ်ꩻနဝ်ꩻ 'အဝ်ႏလွေꩻထာꩻတွင်ꩻ ကံႏကုဲင်ဗွို့ꩻလꩻ၊ သꩻဝꩻတဝ်း အကုသိုလ်ႏထာꩻကုဲင်၊ လိုꩻလွꩻဗုဲင်တန်ဒျာႏ'ရိုꩻဗာႏနုဲင်းနောဝ်ꩻသွူ။ ရဟန်ꩻသီးဖုံႏဟွေး- ရဟန်ꩻတပါꩻနဝ်ꩻ အဝ်ႏအုံထွိုင်ႏတွင်ꩻ 'ယူႏကာႏမဂွုဏ်ႏ၊ ကျံႏတကုဲင်ဝင်ꩻ၊ ကျံႏမာꩻယူႏပက်ဝင်ꩻ'မနော်ꩻကံႏနဝ်ꩻသွံမျိုꩻ တမျိုꩻမျိုꩻ မဉ်ႏထွာလွဉ်သꩻကိုနဝ်ꩻ 'မဉ်ႏနေးထူႏခါꩻ၊ မဉ်ႏတစွဉ်ꩻထိုꩻတဝ်း၊ မဉ်ႏတယားထိုꩻတဝ်း၊ မဉ်ႏတမာꩻဖြတ်ꩻထိုꩻတဝ်း၊ မဉ်ႏတမာꩻထိုꩻမားတဝ်း'နဝ်ꩻ ရဟန်ꩻအပါꩻနဝ်ꩻနဝ်ꩻ 'အဝ်ႏအုံထွိုင်ႏတွင်ꩻ ကံႏကုဲင်ဗွို့ꩻလꩻ၊ သꩻဝꩻတဝ်း အကုသိုလ်ႏထာꩻကုဲင်၊ လိုꩻလွꩻဗုဲင်တန်ဒျာႏ'ရိုꩻဗာႏနုဲင်းနောဝ်ꩻသွူ။ ရဟန်ꩻသီးဖုံႏဟွေး- ရဟန်ꩻတပါꩻနဝ်ꩻ အဝ်ႏအုံလင်ꩻတွင်ꩻ 'ယူႏကာႏမဂွုဏ်ႏ၊ ကျံႏတကုဲင်ဝင်ꩻ၊ ကျံႏမာꩻယူႏပက်ဝင်ꩻ'မနော်ꩻကံႏနဝ်ꩻသွံမျိုꩻ တမျိုꩻမျိုꩻ မဉ်ႏထွာလွဉ်သꩻကိုနဝ်ꩻ 'မဉ်ႏနေးထူႏခါꩻ၊ မဉ်ႏတစွဉ်ꩻထိုꩻတဝ်း၊ မဉ်ႏတယားထိုꩻတဝ်း၊ မဉ်ႏတမာꩻဖြတ်ꩻထိုꩻတဝ်း၊ မဉ်ႏတမာꩻထိုꩻမားတဝ်း'နဝ်ꩻ ရဟန်ꩻအပါꩻနဝ်ꩻနဝ်ꩻ 'အဝ်ႏအုံလင်ꩻတွင်ꩻ ကံႏကုဲင်ဗွို့ꩻလꩻ၊ သꩻဝꩻတဝ်း အကုသိုလ်ႏထာꩻကုဲင်၊ လိုꩻလွꩻဗုဲင်တန်ဒျာႏ'ရိုꩻဗာႏနုဲင်းနောဝ်ꩻသွူ။ ရဟန်ꩻသီးဖုံႏဟွေး- ရဟန်ꩻတပါꩻနဝ်ꩻ အဝ်ႏကိန်ꩻတလွာꩻတွင်ꩻ 'ယူႏကာႏမဂွုဏ်ႏ၊ ကျံႏတကုဲင်ဝင်ꩻ၊ ကျံႏမာꩻယူႏပက်ဝင်ꩻ'မနော်ꩻကံႏနဝ်ꩻသွံမျိုꩻ တမျိုꩻမျိုꩻ မဉ်ႏထွာလွဉ်သꩻကိုနဝ်ꩻ 'မဉ်ႏနေးထူႏခါꩻ၊ မဉ်ႏတစွဉ်ꩻထိုꩻတဝ်း၊ မဉ်ႏတယားထိုꩻတဝ်း၊ မဉ်ႏတမာꩻဖြတ်ꩻထိုꩻတဝ်း၊ မဉ်ႏတမာꩻထိုꩻမားတဝ်း'နဝ်ꩻ ရဟန်ꩻအပါꩻနဝ်ꩻနဝ်ꩻ 'အဝ်ႏကိန်ꩻတလွာꩻတွင်ꩻ ကံႏကုဲင်ဗွို့ꩻလꩻ၊ သꩻဝꩻတဝ်း အကုသိုလ်ႏထာꩻကုဲင်၊ လိုꩻလွꩻဗုဲင်တန်ဒျာႏ'ရိုꩻဗာႏနုဲင်းနောဝ်ꩻသွူ။ ရဟန်ꩻသီးဖုံႏဟွေး- ရဟန်ꩻတပါꩻနဝ်ꩻ လွေꩻတွင်ꩻ၊ အုံထွိုင်ႏတွင်ꩻ၊ အုံလင်ꩻတွင်ꩻꩻ ကိန်ꩻတလွာꩻတွင်ꩻ မနော်ꩻကံႏကုဲင်နဝ်ꩻသွံမျိုꩻ တမျိုꩻမျိုꩻ မဉ်ႏထွာလွဉ်သꩻကိုနဝ်ꩻ 'နေးထူႏခါꩻတဝ်း၊ စွဉ်ꩻထိုꩻ၊ ယားကုဲင်ထိုꩻ၊ မာꩻဖြတ်ꩻထိုꩻ၊ မာꩻထိုꩻမားထိုꩻ'တဲင် ရဟန်ꩻအပါꩻနဝ်ꩻနဝ်ꩻ (ဣရိယာႏပုထ်လစ်ꩻပါꩻကို) ကံႏကုဲင်ဗွို့ꩻလꩻတဝ်း၊ သꩻဝꩻအကုသိုလ်ႏ၊ ပုဂ္ဂိုလ်ႏလိုꩻကုဲင်းဒျာႏ ရိုꩻဗာႏနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ စရသုတ်)[၁][၂]