ပယ်ႏအကုသိုလ်ႏချင်ꩻ
"ပဌမ ပစ္စောရောဟဏီသုတ် (ပယ်ႏအကုသိုလ်ႏချင်ꩻ ဗွန်တဝ်းဝင်ꩻ)" ဇာဏုဿောဏိပုဏ္ဏာꩻ လောဝ်းနယ်ဗွေႏဘုရာꩻနုဲင်းယို- "ဩဗွေႏ ဂေါတမ- လောကကိုယို ပုဏ္ဏာꩻဖုံႏနဝ်ꩻ ပေါႏတွိုႏဥပုသ်နီꩻနဝ်ꩻ ပသွူႏကတူႏ၊ လူးထီ၊ ပြွတ်ခွမ်ꩻလာꩻတသာ၊ ထူႏဖိုးအေႏစောဝ်ႏ သူႏဟံႏလောင်းထွူခါ အွဉ်ႏဒါမီꩻ၊ သုဲင်ꩻပွုမ်ႏတွမ်ႏမေႏပြုံႏခါႏ၊ ဗေင်ႏဒင်ႏဗာႏမီꩻလောင်း၊ တနာကို ထွိုင်ႏဝုဲင်ႏဗာႏမေႏ သွံလဲင်ႏ။ 'ထာꩻတဟောဝ်တဝ်း အကုသိုလ်ႏယို ဝါးထန်ႏလွေꩻ နီဗွေႏ(မေႏ)ထျꩻ'ရိုꩻနုဲင်းနဝ်ꩻထွူတဲင် ဝုဲင်ႏမေႏတလဲင်ႏ၊ (ရိုꩻနုဲင်းနဝ်ꩻသွံလဲင်ႏ၊ ဝုဲင်ႏမေႏသိုမ်လဲင်ႏ) မေႏဖေႏနေးကဖေ့ထိုꩻမွုန်းနဝ်ꩻ သော့ꩻအာအာ ထောပတ်၊ နားမန်ꩻ၊ နားမန်ꩻအင်ꩻတွော့ꩻ မေႏတင်ႏလေစွဉ်ႏတနာꩻ၊ နုဲင်းမွူးရောဝ်ꩻ ပေါႏထာꩻလေတဲ့ ဝင်ꩻလွဉ်လူႏဒဲဉ်၊ ဟန်ႏအို၊ ထာꩻအံႏ၊ ထာꩻအွꩻတွော့ꩻ အံႏအွꩻပငါပရာꩻ မာꩻနုဲင်းနောဝ်ꩻသွူ ဗွေႏဩ"လဝ်းနယ်ဗွေႏဘုရာꩻနုဲင်းနဝ်ꩻသွူ။ "သီပုဏ္ဏာꩻ ပယ်ႏထိုꩻအကုသိုလ်ႏနဝ်ꩻ တမျိုꩻတန်ဒျာႏဗာႏ"ဗွေႏဘုရာꩻရိုꩻနုဲင်းနောဝ်ꩻသွူ။ ပုဏ္ဏာꩻနဝ်ꩻလောဝ်းတဲင် နီဗွေႏဘုရာꩻ ဟော်ꩻနယ်နုဲင်းယို- ၁။ "မိစ္ဆာဒိဋ္ဌိ-ထာꩻထီႏမာႏ"နဝ်ꩻ "ဘဝယိုပါ ဘဝငါသူꩻယင် အကျိုꩻကုဲင်ဖေႏ၊ မာꩻဒုက္ခသေႏသေႏလိုꩻ" နေးတွမ်ႏဉာဏ်ႏ ဆင်ႏချင်ႏယူႏနုဲင်းနဝ်ꩻတဲင် ပယ်ႏထိုꩻဝါးထန်ႏဗာႏ "ထာꩻထီႏမာႏ"နောဝ်ꩻသွူ။ ၂။ "မိစ္ဆာသင်္ကပ္ပ-ထာꩻယူႏမာႏ"နဝ်ꩻ "ဘဝယို ဘဝငါ မာꩻဒုက္ခဒါႏလိုꩻ" ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထန်ႏထိုꩻဗာႏ "ထာꩻယူႏမာႏ"နောဝ်ꩻသွူ။ ၃။ "မိစ္ဆာဝါစာ-ထာꩻဒေါ့ꩻမာႏ"နဝ်ꩻ "ဘဝယို ဘဝငါ မာꩻဒုက္ခဒါႏလိုꩻ" ယူႏဆင်ႏချင်ႏနုဲင်းနဝ်ꩻတဲင် ပယ်ႏထန်ႏထိုꩻဗာႏ "ထာꩻဒေါ့ꩻမာႏ"နောဝ်ꩻသွူ။ ၄။ "မိစ္ဆာကမ္မန္တ-ထာꩻမာꩻမာႏ"နဝ်ꩻ "ဘဝယို ဘဝငါ မာꩻဒုက္ခဒါႏလိုꩻ" ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထန်ႏထိုꩻဗာႏ "ထာꩻမာꩻမာႏ"နောဝ်ꩻသွူ။ ၅။ "မိစ္ဆာအာဇီဝ-လွူးနမ်းမာႏ"နောဝ်ꩻ "ဘဝယို ဘဝငါ မာꩻဒုက္ခဒါႏလိုꩻ" ယူႏဆင်ႏချင်ႏနုဲင်းနဝ်ꩻတဲင် ပယ်ႏထန်ႏထိုꩻဗာႏ "လွူးနမ်းမာႏ"နောဝ်ꩻသွူ။ ၆။ "မိစ္ဆာဝါယာမ-ထာꩻကုဲင်းမာႏ"နဝ်ꩻ "ဘဝယို ဘဝငါ မာꩻဒုက္ခဒါႏလိုꩻ" ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထန်ႏထိုꩻဗာႏ "ထာꩻကုဲင်းမာႏ"နောဝ်ꩻသွူ။ ၇။ "မိစ္ဆာသတိ-သတိꩻမာႏ"နောဝ်ꩻ "ဘဝယို ဘဝငါ မာꩻဒုက္ခဒါႏလိုꩻ" ယူႏဆင်ႏချင်ႏနုဲင်းနဝ်ꩻတဲင် ပယ်ႏထန်ႏထိုꩻဗာႏ "သတိꩻမာႏ"နောဝ်ꩻသွူ။ ၈။ "မိစ္ဆာသမာဓိ-သꩻစွူမာႏ"နောဝ်ꩻ "ဘဝယို ဘဝငါ မာꩻဒုက္ခဒါႏလိုꩻ" ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထန်ႏထိုꩻဗာႏ "သꩻစွူမာႏ"နောဝ်ꩻသွူ။ ၉။ "မိစ္ဆာဉာဏ-ထာꩻသေမာႏ"နောဝ်ꩻ "ဘဝယို ဘဝငါ မာꩻဒုက္ခဒါႏလိုꩻ" ယူႏဆင်ႏချင်ႏနုဲင်းနဝ်ꩻတဲင် ပယ်ႏထန်ႏထိုꩻဗာႏ "ထာꩻသေမာႏ"နောဝ်ꩻသွူ။ ၁၀။ "မိစ္ဆာဝိမုတ္တိ-ထာꩻလွစ်ထန်ႏမာႏ"နဝ်ꩻ "ဘဝယို ဘဝငါ မာꩻဒုက္ခဒါႏလိုꩻ" ယူႏဆင်ႏချင်ႏနုဲင်းနဝ်ꩻတွော့ꩻ ပယ်ႏထန်ႏထိုꩻဗာႏ "ထာꩻလွစ်ထန်ႏမာႏ"နောဝ်ꩻသွူ။ "အရိယာႏသီး ကပယ်ႏထိုꩻဝါးထန်ႏ အကုသိုလ်ႏနဝ်ꩻ ယံလဲဉ်းက နီသွဉ်းသီး၊ နီသွဉ်း ကပယ်ႏအကုသိုလ်ႏနောဝ်ꩻ တဆီပွန်း တပွန်းငါတဲ့ ထွꩻတဝ်းဒွိုန်း အရိယာႏသီး ကပယ်ႏအကုသိုလ်ႏနဝ်ꩻဗွေႏဩ"လောဝ်းနုဲင်းနဝ်ꩻထွူခါ ထွာတငါစွဉ်ႏ ဗုဒ္ဓဘာႏသာႏနောဝ်ꩻသွူ။(သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ပဌမ ပစ္စောရောဟသီသုတ်)[၁][၂]