ပအိုဝ်ႏခမ်းသားနဝ်ꩻ

"ပအိုဝ်ႏခမ်းသားနဝ်ꩻ ကရီးခါ ယိုခါ ဆုဲင်ꩻချာ မုဲင်ꩻခါခါတယဝ်း ဖြွမ်းဗူႏသေႏထွူဒျာႏ"

ပအိုဝ်ႏခမ်းသားနဝ်ꩻ အလွောင်ႏဗူႏထွူဒျာႏ၊ မွူးခေ့ꩻမွူးလေတယဝ်း အခိန်ႏမွူးနီꩻလာမုဲင်ꩻခါတယဝ်း မိဉ်ႏအဝ်ႏလိုႏခမ်းသားနဝ်ꩻ ပအိုဝ်ႏခမ်းသားယို ဖြွမ်းဖြွမ်းဗူႏဗူႏ အာႏတူႏရဲင်ꩻတူႏ ထွာထွူဒျာႏနဝ်ꩻသွူ၊ စိမ်စွဉ်ႏတဖြာꩻတွမ်ႏတဖြာꩻဒျာႏတဲ့နဝ်ꩻ၊ တဒုံတွမ်ႏတဒုံဒျာႏတဲ့နဝ်ꩻ၊ တဝေင်ꩻတွမ်ႏတဝေင်ꩻဒျာႏတဲ့နဝ်ꩻ၊ ခမ်းကောင်တွမ်ႏခမ်းဒေါမ်ဒျာႏတဲ့နဝ်ꩻ လွောင်ႏဗူႏမုအာႏ စွိုးခွိုꩻအတာႏ အဝ်ႏထွူတသေႏသေႏဒျာႏသွူ။

မိဉ်ႏထွားတွမ်ႏအနုပညာႏသားဖဲ့ꩻလဲ့နဝ်ꩻ၊ ပအိုဝ်ႏစွိုးခွိုꩻအတာႏ လွောင်ႏဗူႏမုꩻအာႏယို အဝ်ႏထွူဒျာႏသွူ၊ တွမ်ႏအနုပညာႏခြော်ꩻနယ်ꩻတဲင် ပအိုဝ်ႏစွိုးခွိုꩻလွောင်ႏဗူႏရေꩻ၊ ခမ်းကောင်ခမ်းဒေါမ် ဖြွမ်းဗူႏရေꩻ၊ လိတ်ယံထွာတမူချင်ႏရေꩻ၊ ယံထွာထင်ႏဒျာႏ ပအိုဝ်ႏတအိုဝ်ႏအရေꩻဖုံႏ-စတဲင်နဝ်ꩻ ပအိုဝ်ႏလိုꩻမျိုꩻ အဝ်ႏလိုႏထွာသင်ꩻငါႏ အခေႏနေႏတဗာႏယို ဖောႏထန်ႏတွမ်ႏအနာပညာႏနဝ်ꩻတဲ့ ထီႏဗာႏဒျာႏဝင်ꩻ ပငါပရာꩻနဝ်ꩻသွူ။ မိဉ်ႏထွားယင်း တဲမ်းလိတ်သားအခဝ်တဲ့နဝ်ꩻနေနေ၊ ပအိုဝ်ႏယိုꩻယာႏ၊ ပအိုဝ်ႏယေန်ႏငဲးတဉ်ႏခွေါင်ရေꩻဖုံႏ၊ စွိုးခွိုꩻဘာႏသာႏ သာႏသနာႏ မွန်ဗန်ညဆွာꩻရေꩻဖုံႏ၊ ခမ်းကောင်ခမ်းဒေါမ်ယို လိုꩻတဲ့နဝ်ꩻ၊ လိတ်တဲ့နဝ်ꩻ အဝ်ႏလိုႏဖြွမ်းဗူႏညီႏတူႏစတဲင်ဖုံႏယို တွမ်ႏကံတာအာႏ၊ ကံတာပညာႏတဲင် စွဲးပင်ႏရောင်လွဒျာႏ ပအိုဝ်ႏစွိုးခွိုꩻ ထင်ႏထိုတာႏနဝ်ꩻလဲ့ အဝ်ႏထီႏအဝ်ႏသေဒျာႏဝင်ꩻ စွုမ်ႏဖြာꩻဖြာꩻနဝ်ꩻသွူ။ မိဉ်ႏထွားယင်း ပအိုဝ်ႏလိုꩻမျိုꩻ ကယုမ်းအံႏကိုꩻကွယ်ႏဒါႏ ဗုဒ္ဓဘာႏသာႏ ဗွေႏသံႏဃာႏသီးအနေႏလဲ့ ပေါႏပအိုဝ်ႏစွိုးခွိုꩻအတာႏယို လိုꩻမျိုꩻတဉ်ႏခွေါင်ရေꩻတာႏ အရွီးအခိုႏကထွာ လိတ်လုဲင်ꩻစွစ်ꩻလီရေꩻ၊ တကာႏပအိုဝ်ႏလိုꩻမျိုꩻ လွောင်ႏဗူႏရေꩻတာႏ နေးတွမ်ႏဘာႏသာႏအဆုံꩻအမꩻတဲင် အဝ်ႏခုမ်မာꩻလွေꩻဖေႏနဝ်ꩻ ဗꩻဟန်ႏသနီꩻ အဝ်ႏထီႏအဝ်ႏသေထွꩻဒျာႏဝင်ꩻဖုံႏသွူ။

မိဉ်းထွားနုဲင်း ဒဲဉ်သီႏလာဗွေ ပအိုဝ်ႏစွိုးခွိုꩻမွူးနီꩻကို ကထီႏထင်ႏ၊ ကလေပ်ဒါႏ အလူႏပဒေႏသာႏမွူး တောင်ႏကီꩻဝေင်ꩻကိုတဲ့နဝ်ꩻ၊ စွိုးခွိုꩻမွူးနီꩻကို ထိန်ꩻသိမ်ꩻပအိုဝ်ႏလိုꩻမျိုꩻယိုꩻယာႏယေန်ႏငဲးတဲင် စွုမ်ႏရပ်စွုမ်ႏရာႏ နွို့ပါဝင်ႏခေးကျူႏဒျာႏဝင်ꩻဖုံႏတဲ့နဝ်ꩻ၊ ဝေင်ꩻနယ်ႏအလွောက်ꩻ တောင်ႏကီꩻ၊ သီႏသဲင်ႏ၊ ဟိုပုံꩻ(သျင်ႏပေႏကောင်)၊ ပင်လောင်ꩻ၊ ကျောက်တလုံꩻ-စတဲင်ဖုံႏတဲ့နဝ်ꩻ၊ မိဉ်းနုဲင်းခမ်းဒေါမ် ဝေင်ꩻဘားအံ၊ ဘီးလင်း၊ သထုံႏ၊ တရောပ်တန်ဒေႏသ၊ ဝေင်ꩻရန်ႏကုန်ႏဖုံႏတဲ့နဝ်ꩻ၊ မိဉ်ႏနုဲင်းခမ်းထန်ႏ အဝ်ႏထုဲင်ꩻခမ်းသား၊ ကိုးရီးယားခမ်းသား၊ စင်ကာပူသား-စတဲင်ဖုံႏ အဝ်ႏရာꩻဒေႏသ၊ တွိုႏရာꩻဒေႏသကို ပအိုဝ်ႏစွိုးခွိုꩻမွူးနီꩻပွယ်ꩻယို အွဉ်ႏထွူႏထွူႏတွုမ်တွုမ်တဲင် ကရုဲင်ꩻတသွိုးလွနဝ်ꩻ ပအိုဝ်ႏလိုꩻမျိုꩻတာႏ ညီႏတူႏမုအာႏ အွဉ်ႏနယ်နွောင်ꩻအီနဝ်ꩻသွူ။

၂၀၁၇-ဗာႏ၊ ဖေဖော်ဝါရီလာ ၁၆-နီꩻ ဗꩻလွေꩻ ၂၀-နီꩻ ကမာꩻလွေꩻဒါႏ ပအိုဝ်ႏလိုꩻမျိုꩻအလွောက်ꩻ အုံကိုမ်ခမ်းထီရေꩻ ဝေင်ꩻဟိုပုံꩻကိုနဝ်ꩻလဲ့ ခမ်းကောင်ခမ်းဒေါမ်တွမ်ႏ ကအဝ်ႏခမ်းကူ ပအိုဝ်ႏခမ်းသားသီးယို ပေါႏရိုꩻသွူ ပအိုဝ်ႏစွိုးခွိုꩻအရေꩻနဝ်ꩻ ဖြွမ်းဖြွမ်းဗူႏဗူႏ မာꩻလွေꩻဝွန်ႏတထွူႏတဝ်း သုံꩻသပ်ထီႏသေနွောင်ꩻဒျာႏသွူ။ အုံကိုမ်ပအိုဝ်ႏခမ်းထီရေꩻပွယ်ꩻ ယံထွာထင်ႏ တရောင်းတရေꩻတာႏ ကထွာဒါႏ ပအိုဝ်ႏကို ဝေင်ꩻနယ်ႏစွုမ်ႏ၊ အစွိုꩻစွုမ်ႏဖုံႏနဝ်ꩻ တွမ်ႏကဒါႏရာꩻပညာႏ၊ နွောင်ꩻရာꩻအာႏ တဖြာꩻတဖဲ့ꩻတခဝ်တဲင် ဖြွမ်းဖြွမ်းဗူႏဗူႏ နွို့ခုမ်စံႏထေင်းထံႏထူႏတာႏဝွန်ႏ ခုမ်မာꩻလွေꩻညီꩻတဝင်ꩻနဝ်ꩻ ပအိုဝ်ႏစွိုးခွိုꩻလိုꩻမျိုꩻယို အဝ်ႏလွောင်ႏဗူႏတသေႏသေႏထွူဒျာႏ ထီႏထွꩻနွောင်ꩻဗာႏနဝ်ꩻသွူ။ မိဉ်ႏထွားယင်း အွိုးနေင်ႏ ၁၉၈၈-ဗာႏကို ပအိုဝ်ႏခမ်းသားနဝ်ꩻ ဝေင်ꩻနယ်ႏပငါပရာꩻ ပါဝင်ႏထင်ႏလွဉ်တဲင် ဗွေဗိတ်ထံနေးစွဉ်ႏ ဝေင်ꩻတောင်ႏကီꩻ ကခြီခြဝ်လွဗꩻ ဒီမိုကရေစီနဝ်ꩻလဲ့ ပအိုဝ်ႏခမ်းသားလိုꩻထု ထွောင်ႏဗူႏမုအာႏ ဖြွမ်းဗူႏမုအာႏ တလာမွေးစွဉ်ႏနဝ်ꩻသွူ။ မိဉ်းဒေါ့ꩻဗာႏ ၁၉၈၈-ခိန်ႏနဝ်ꩻ ပအိုဝ်ႏစွိုးခွိုꩻအစွိုꩻ (ပီအဲန်အို)အစွိုꩻနဝ်ꩻ တလꩻထူႏတဝ်းဒွုန်း ညိမ်ꩻချံꩻရေꩻခိန်ႏနဝ်ꩻသွူ၊ ပအိုဝ်ႏစွိုးခွိုꩻအစွိုꩻနဝ်ꩻ ၁၉၉၁-ဗာႏနေင်ႏနဝ်ꩻမꩻ ကွဲးထူႏညိမ်ꩻချံꩻရေꩻ နွို့လွဉ်ထာꩻလေနဝ်ꩻသွူ။ နဝ်ꩻမꩻ ပအိုဝ်ႏခမ်းသားယိုခါနဝ်ꩻ ယိုခါမꩻ လွောင်ႏဗူႏတမွေးတဝ်း၊ အွိုးကရီးခါကာႏ အဝ်ႏလွောင်ႏဗူႏထွူလဲဉ်းဒျာႏရင်ꩻနဝ်ꩻသွူ၊ ပအိုဝ်ႏခမ်းသားနဝ်ꩻ အွိုးကရီးခါတဲ့လွောင်ႏဗူႏ၊ ယိုခါတဲ့ လွောင်ႏဗူႏ၊ မိဉ်ႏတွိုႏအနာႏဂတ်ကို အွိုးငါငါတနီꩻခါသူꩻလဲ့ အီႏလွောင်ႏဗူႏ၊ မုဲင်ꩻခါခန်းတယဝ်း လွောင်ႏဗူႏ လွောင်ႏဗူႏ လွောင်ႏဗူႏ အဝ်ႏလွောင်ႏဗူႏဒျာႏစွူစွူနဝ်ꩻသွူ။

ပွိုင်းလဲင်ႏခါ ပအိုဝ်ႏစွိုးခွိုꩻလွစ်ထန်ႏရေꩻအစွိုꩻ (ပအလဖ)အဝ်ႏခိန်ႏတဲ့ ပအိုဝ်ႏခမ်းသားလွောင်ႏဗူႏ၊ ဆုဲင်ꩻချာနဝ်ꩻ အပလဖအစွိုꩻ အဝ်ႏတဝ်းခိန်ႏတဲ့ ပအိုဝ်ႏခမ်းသားလွောင်ႏဗူႏ၊ ၁၉၉၀-မာꩻငါနဝ်ꩻ ပအိုဝ်ႏစွိုးခွိုꩻအစွိုꩻ (ပီအဲန်အို)အဝ်ႏတဝ်းခိန်ႏ၊ ပြည်ထောင်စုပအိုဝ်းအမျိုးသားအဖွဲ့ချုပ် (ပအမဖ)အစွိုꩻအဝ်ႏခိန်ႏတဲ့ ပအိုဝ်ႏခမ်းသားနဝ်ꩻ လွောင်ႏဗူႏ၊ ၁၉၉၀-မာꩻလွဉ်ဆုဲင်ꩻချာနဝ်ꩻ ပြည်ထောင်စုပအိုဝ်းအမျိုးသားအဖွဲ့ချုပ် (ပအမဖ)အစွိုꩻ အဝ်ႏတဝ်းခိန်ႏ၊ ပအိုဝ်ႏစွိုးခွိုꩻအစွိုꩻချုပ် (ပီအဲန်အို)အဝ်ႏခိန်ႏနဝ်ꩻလဲ့ ပအိုဝ်ႏခမ်းသားနဝ်ꩻ အဝ်ႏလွောင်ႏဗူႏဒျာႏစွူစွူနဝ်ꩻသွူ။ ကွဲးတွော့ꩻ ယိုခါခိန်ႏ ကွပ်ဒျာႏနဲင်ႏငံႏရေꩻပါတီသား တစွိုꩻတွမ်ႏတစွိုꩻ တရိမ်ဝင်ꩻမဲး၊ တရိမ်ဝင်ꩻအာႏဏာႏ မာꩻပဲင်ႏခွင်ꩻတဲင် ဒေါ့ꩻသွီႏဒေါ့ꩻယောင်ႏတွော့ꩻ ပအိုဝ်ႏခမ်းသားသီး မဲ့ကွင်၊ နားယောင်ႏတဲင် တဖြာꩻတွမ်ႏတဖြာꩻ စွဲးကမ်းမု အာႏပေႏလွဉ်၊ တဒုံချင်ႏဒျာႏလဲ့ နီပါတီ သီပါတီ-စတဲင် ခွဲꩻချာꩻမုအဝ်ႏလွဉ်နဝ်ꩻသွူ၊ ကဖြွမ်းဗူႏထွူလဲဉ်းဒါႏ ပအိုဝ်ႏခမ်းသားအာႏယို ကွပ်ဒျာႏနဲင်ႏငံႏရေꩻပါတီသား ဖေႏကပြုဲင်လီထဲင်းဗာႏမွုန်းတဝ်းနဝ်ꩻ-