ပိုသီးအလောင်းမွိုးဖါထာꩻရေႏမိုး
"ပုတ္တသုတ် (ပိုမူႏ ပိုခိုသီးအေလာင်း မွိုးဖါသီး ထာꩻရေႏမိုးချက် ၅-ချက်)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီး တရာꩻနုဲင်းယို- "ရဟန်ꩻသီးဖုံႏဟွေး- ပိုမူႏ ပိုခိုသီးအလောင်း မွိုးဖါသီးတာꩻရေႏမိုးချက် အဝ်ႏငတ်ꩻချက်၊ ငတ်ꩻချက်ကရိုꩻနဝ်ꩻ- ၁။ ဘတော ဝါ နော ကရိဿတိ- ပိုမူႏ ပိုခိုဖုံႏယိုနဝ်ꩻ မဲ့ꩻအီႏလွူးချာနီ။ ၂။ ကိစ္စံ ဝါ နော ကရိဿတိ- နီထာꩻမာꩻကိစ္စနဝ်ꩻ မဲ့ꩻပိုမူႏ ပိုခိုသီးဖုံႏ အီႏမာꩻဖေႏနီ။ ၃။ ကုလဝံသော စိရံ ဌဿတိ- ပိုမူႏပိုခိုသီးဖုံႏနဝ်ꩻ မဲ့အီႏထိန်ꩻတီ ညညဖေႏနီ လိုꩻမျိုꩻခွိုꩻနွယ်ႏ။ ၄။ ဒါယဇ္ဇံ ပဋိပဇ္ဇဿတိ- မွိုးဖါအမွေႏ ခံႏဖေႏကထွိုက်နဝ်ꩻ အီႏနာႏဒျာႏ မွိုးဖါ-ဖါငေါဝ်း။ ၅။ ပေတာနံ ကလင်္ကတာနံ ဒက္ခိဏံ အနုပ္ပဒဿတိ- နီမဉ်ႏသီငါ ဆချာပိုဖုံႏ အီႏဖန်းဖေႏနီကုသိုလ်ႏ၊ မွိုးဖါသီး ထာꩻရေႏမိုးချက် အဝ်ႏငတ်ချက်နုဲင်းနဝ်ꩻသွူ။ ရဟန်ꩻသီးဖုံႏဟွေး- ၁။ ပေါႏထီႏ ပိုသီးမဲ့ငါ မွိုးဖါသီးယူႏနုဲင်းယို- ပိုမူႏပိုခိုသီးဖုံႏယို ပေႏပေႏခါနဝ်ꩻ အွဉ်ႏနဲဉ်းအွဉ်ႏမိုꩻ၊ မာꩻဖေႏဗာႏ ကူစွိုးစွိုး၊ ဖျိုးဖေႏဗာႏဆီႏအေႏ၊ နီမဉ်ႏဖြားသူꩻမဲ့ꩻ ပိုသီးခလဲ့ꩻတွိုႏလွဉ်၊ အီႏဝွတ်ပတ်ချာနီ၊ အွဉ်ႏလူႏဖေႏနီထီ၊ အီႏစိမ်ႏဖေႏနိစူခင်ႏ၊ ယိုနဝ်ꩻ မွိုးဖါသီး 'ထာꩻရေꩻမိုးချက်-ပထမချက်"နောဝ်ꩻသွူ။ ၂။ ပေါႏထီႏ ပိုသီးမဲ့ငါ မွိုးဖါသီးယူႏနုဲင်းယို- အွဉ်ႏကုဲင်းစွဉ်ႏ ဝွေꩻသီးထာꩻမာꩻတဲင် အီႏမာꩻဖေႏတော နီထာꩻမာꩻ၊ ခွန်ကွဉ်ကိစ္စတဲ့ယဝ်း ဝွေꩻသီးအီႏလွေꩻဖေႏတေားနီ၊ ယိုနဝ်ꩻ မွိုးဖါသီး 'ထာꩻရေႏမိုးချက်-ဒုတိယချက်'နောဝ်ꩻသွူ။ ၃။ ပေါႏထီႏ ပိုသီးမဲ့ငါ၊ မွိုးဖါသီးယူႏနုဲင်းယို- နီတခြိုꩻ နီခွိုꩻနီလိုꩻမျိုꩻ နီထွုံႏစံႏ နီဘာႏသာႏ ဖေႏနေးကတဉ်ႏခွေါင်ညညနောဝ်ꩻ ပိုခိုပိုမူႏ အီႏထူႏတာႏဝွန်ႏ ခွုမ်မာꩻသွုပ်လွေꩻ၊ ယိုနဝ်ꩻ မွိုးဖါသီး 'ထာꩻရေႏမိုးချက်-တတိယချက်'နောဝ်ꩻသွူ။ ၄။ ပေါႏထီႏ ပိုသီႏမဲ့ငါ မွိုးဖါသီးယူႏနုဲင်းယို- ပိုမူႏပိုခိုသီးယို အီႏနာႏဒျာႏ မွိုးဖါငေါဝ်း၊ အီႏခံႏထူႏထွိုက်ဒျာႏ မွိုးဖါဗွေႏ၊ ယိုနောဝ်ꩻ မွိုးဖါသီး 'ထာꩻရေႏမိုးချက်-စတုတ္ထချက်'နောဝ်ꩻသွူ။ ၅။ ပေါႏထီႏ မိုသီးမဲ့ငါ မွိုးဖါသီးယူႏနုဲင်းယို- နီမဉ်ႏသီတနီꩻခါ အဝ်ႏဆချာ ပိုခိုပိုမူႏ အီႏလူႏအီႏတန်ꩻ၊ အီႏမာꩻကုသိုလ်ႏ၊ အီႏဖန်းတွိုႏတွိုႏဖေႏနီ၊ ယိုနဝ်ꩻ မွိုးဖါသီး "ထာꩻရေႏမိုးချက်-ပဉ္စမချက်'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ပုတ္တသုတ်)[၁][၂]
အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]
ဩ