ပီအံႏပိုယာႏ နေးတဝ်းအရသာႏ

အဝ်ႏ ဝီခီပီးဒီးယား ကို

"ပုတ္တမံသူပမသုတ် (ပုတ္တမံသဥပမာႏ- ဗွန်ပီအံႏပိုယာႏ နေးအရသာႏ အံႏမွေးတောဝ်း)"

"ရဟန်ꩻသီးဖုံႏဟွေး- သီကသွုံꩻဒဲဉ်ဟန်ႏ သီကအံႏ အာႏဟာႏရဖုံႏနဝ်ꩻ ရသတဏှာႏ ဖြေꩻကိလေႏသာႏ ဖေႏကထွာမွုန်းနဝ်ꩻ နေးတွမ်ႏဉာဏ်ႏပညာႏ ဆင်းချင်ႏသွုံꩻဒါႏဒါႏဟုဲင်း။ အွိုးစခါ ပါꩻတမာဝါꩻ- - လွေꩻတဖူꩻညာꩻ ကန္တာရ (ကန္တာရ မဂ္ဂံ)၊ - တဖူꩻနဝ်ꩻနဝ်ꩻ 'နိရုဒကံ - ထီအဲဉ်ထောဝ်း'၊ - တဖူꩻနဝ်ꩻနဝ်ꩻ 'အပ္ပဘိက္ခံ- အံႏခရာႏခြောတန်'၊ - အန္တမသော ကန္ဒမူလာဒိမတ္တမ္ပိ နတ္ထိ- - မဉ်ႏဒေါ့ꩻဗာႏလို့လို့နဝ်ꩻ သေင်ႏရွီး သေင်ႏလာႏငါတဲ့ အဲဉ်ထောဝ်း'၊ - ယောဇနသတိက ကန္တာရံ- ညာꩻယူႏဇနာႏတရျာꩻ (တယူႏဇနာႏ ၁၂-မဲင်ႏ၊ မဲင်ႏပေါင်ꩻ-၁၂၀) ထင်ႏတွိုႏ ယူႏဇနာႏငတ်ꩻဆီ၊ မဲင်ႏပေါင်ꩻသူဆီနဝ်ꩻ ဝွေꩻသီးစရိပ်လို့လဲဉ်း၊ သေင်ႏမွူးအဲဉ်ထဝ်း၊ ထီအဲဉ်ထဝ်း၊ ထာꩻလျားခြာ၊ လွေꩻတဆင်ႏဆင်ႏလွုမ်ꩻ အုံပဆားဗာႏ၊ အံႏခရာႏအဲဉ်ထဝ်းဒွုမ်၊ အွန်းအန်းဖြွို့ဖြ၊ ရွိုးဒုက္ခမွေးမုဲင်းလဲဉ်းသွူ၊ ဒါႏယာႏဒါႏယီႏဒွုမ်။ "ပါꩻမူႏဖြားနဝ်ꩻ မာꩻဗာႏနုဲင်းမုဲင်ꩻယို- အံႏခရာႏအဲဉ်ထဝ်းဒွုမ်ဟ ရွိုးဖြွို့ဖြမွေးလဲဉ်း၊ အနယ်ꩻအဝ်ႏကုဲင် တနယ်ꩻလွုမ်ꩻ" "အနယ်ꩻနုဲင်းမုဲင်ꩻအီ" အမာရီသွူနုဲင်းနဝ်ꩻတဲ့ အဝါꩻခါးလားကဒေါ့ꩻဒေါ့ꩻ၊ ထွားအပိုပေႏ၊ အဝ်ႏဗေင်ႏအွီႏထာꩻ၊ အမွိုးအဝ်ႏယွော့ခါꩻ၊ လွေꩻထာꩻစဒါႏ ကော့ကော့ကက၊ အခိုပေႏ၊ တဖုတ်ဖဲ့ꩻယောင်ꩻသမ်းရေꩻ၊ ဖါတဖြာꩻမေတ္တာႏ အီႏဒေါ့ꩻထန်ႏဗာႏ ငေါဝ်းတထန်ႏတဝ်း" "ယူႏယော့ငါႏထမုဲင်ꩻ မောင်ႏဖါ၊ မဒေါ့ꩻဒွုမ် ငေါဝ်းတငွါငွါအီ" "ယို - မောင်ႏမွိုး၊ နာꩻဟို့ꩻခိုးနေဒဲဉ်ဟောင်း" "ဟို့ꩻခိုးမွေးစွဉ်ႏထာꩻ၊ နုဲင်းစွဉ်ႏသꩻအီႏထဲ့" "ခွေတဲ့နုဲင်းနောဝ်ꩻနေနေ၊ ကွပ်နဝ်ꩻမꩻ-" "ကွပ်နောဝ်ꩻမꩻ ထမုဲင်ꩻ" "ယိုဖူးမူႏ - ယူႏယွယွနော- ခွေအီႏဒေါ့ꩻယို သꩻလျားစွော့ꩻမွုန်းခွေနော၊ နီအံႏခရာႏနဝ်ꩻ အဝ်ႏကုဲင်ပိုခိုယာႏယိုလွုမ်ꩻ" "မာꩻသီထိုꩻစွဉ်ႏ မောင်ႏယိုနဝ်ꩻ-နဲ့၊ တောဝ်း-တောဝ်း၊ မာꩻသီတောဝ်း" အဖါတဲ့ မဉ်မာꩻသီတဝ်း၊ အမွိုးတဲ့ မဉ်မာꩻသီတဝ်း၊ မဉ်ႏတခံႏအံႏတဝ်း ပိုယာႏနဝ်ꩻ အီႏသီလို့ဗာႏသွံဖြာꩻ၊ မာဝါꩻ ဖေႏကလဲဉ်းလꩻတဖူꩻယိုနဝ်ꩻ မဉ်အံႏတဝ်းတဲ့ အံႏဗာႏစွဉ်ႏပိုယာႏ၊ ခံႏစာꩻအရသာႏ အံႏမွေးတဝ်း၊ သီတဲ့ 'ယံကမာꩻနွောင်ꩻ သာႏသနာႏအတွက် ဖေႏကလꩻမဂ်ဖိုလ်ႏအတာႏ သွုံꩻအံႏဗာႏ'အွဉ်ႏသꩻဗာႏနုဲင်းနောဝ်ꩻ သွုံꩻအံႏသွော့နော"ဗုဒ္ဓေါဗွေႏမျတ် ပညတ်သေꩻနုဲင်းနောဝ်ꩻသွူ။ (သုတ္တန်ႏပိဋကတ်၊ နိဒါနဝဂ္ဂသံယုတ်ပါဠိ၊ ပုတ္တမံသူပမသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. လိတ်ဗွောင်မဲ့နား(၇၀)
  2. ဗွေႏဗွန်-ကောဝိဒ(သီႏသဲင်ႏ)