ပဲစ်မာႏ အဂ္ဂသာဝက
"ကောကာလိကသုတ် (ပဲစ်မာႏ အဂ္ဂသာဝက ထဲ့ပဒုမငါးရုဲင်ꩻ)" ရဟန်ꩻကောကာလိကနဝ်ꩻ ကွပ်တကေးလာဘ်တဲင် လောဝ်းနီဗွေႏဘုရာꩻနုဲင်းယို- "ဩဗွေႏ ဗွေႏသာရိပုတ္တရာႏ ဗွေႏမောဂ္ဂလာန်ႏသီးနဝ်ꩻ တန်မွေးလောႏဘꩻ-မဉ်လꩻဒျာႏ ထာꩻယွုတ်ဖုံႏ ဗွေႏအော်" "ကောကာလိက-ဒေါ့ꩻမွုန်းနုဲင်းနဝ်ꩻဟုဲင်း၊ အွဉ်ႏဟဝ်ဟဝ်သꩻရင်ꩻ ထာꩻထီႏသျင်ꩻသွော့ သာရိပုတ္တရာႏ ဗွေႏမောဂ္ဂလာန်ႏသီးနဝ်ꩻဟုဲင်း" "ဩဗွေႏ- နီဗွေႏဘုရာꩻနဝ်ꩻတဲ ခွေသွဉ်းယွုမ်းဒျာႏ၊ သာရိပုတ္တရာႏ ဗွေႏမောဂ္ဂလာန်ႏသီးနဝ်ꩻ ခွေသွဉ်းတယွုမ်းတဝ်း၊ အထာꩻလိုႏယွုတ်ဖုံႏအော်" "ဒေါ့ꩻမွုန်းနုဲင်းနဝ်ꩻဟုဲင်း ကောကာလိက- သာရိပုတ္တရာႏ ဗွေႏမောဂ္ဂလာန်ႏသီးနဝ်ꩻ လိုꩻရက်ဒျာႏ သီႏလသားဖုံႏဒျာႏ" "တမွေးတဝ်းဗွေႏ- လိုတန်လောႏဘꩻ၊ လိုꩻမဉ်လꩻဒျာႏ ထာꩻယွုတ်တန်ဖုံႏဒျာႏ" ရဟန်ꩻကောကာလိကနဝ်ꩻ ဗွေႏဘုရာာꩻရိုꩻသွူ "ဒေါ့ꩻမွုန်း-ဒေါ့ꩻမွုန်း"ပဉ်သိုမ်လဲင်ႏတဲ့ နာႏတောဝ်း ဗွေႏဘုရာꩻငေါဝ်း၊ အဝ်ႏဒေါ့ꩻဒျာႏစွူစွူ၊ အဝ်ႏတွူဒျာႏတိတ်ꩻတိတ်ꩻ။ ဗွေႏဘုရာꩻဖေႏဒေါ့ꩻတဝ်း၊ ရဲခါꩻသိုမ်လဲင်ႏ တရေꩻရေꩻလꩻတဝ်းတဲင် ဗွေႏဘုရာꩻစင်းဒေါ့ꩻတောဝ်းဒွုမ်၊ အဝ်ႏကုဲင်ဝွေꩻကံႏ-ဝွေꩻခံႏလူမ်ꩻသွူ။ ရဟန်ꩻကောကာလိကနဝ်ꩻ ဝုဲင်ႏဘုရာꩻထွူ လွေꩻထိုꩻ၊ အလွေꩻထိုꩻတပေါႏညတဝ်း၊ အနမ်းတဗာႏလိုမ်း ပသꩻထံထီမ်စွဉ်ႏ၊ စစနဝ်ꩻ ပွစ်ꩻတတျာကွို့ꩻ ထေင်ခူꩻလူမ်ꩻ၊ ကွဲညည ကွဲပသꩻသꩻ၊ အပွစ်ꩻတဲ့ ကွဲတန်တန်၊ နုဲင်းစွဉ်ႏဗေခူꩻ၊ တတျာစွဉ်ႏတလာꩻရာႏ၊ တွိုႏအနာလွို နုဲင်းဥသျစ်ရာႏ၊ ယော့ꩻဖူႏဖါႏထွူခါ ထေꩻပꩻလီလာ၊ အမဉ်အောက်ꩻ၊ အသွီႏကုဲင်၊ ရီႏရွဲးရုဲင်းလင်ꩻစွဉ်ႏ နမ်းတဗာႏလိုမ်း၊ ဗေင်ႏဒါဗာႏနေး ထထီႏလာႏနဝ်ꩻသွူ။ တွိုႏနဝ်ꩻခါ အမဉ်ꩻကဟဲ့ꩻ 'တုရု'ဗျဟ္မာႏတဖြာꩻ လင်ꩻလောဝ်းနုဲင်းယို- "ကောကာလိက- သာရိပုတ္တရာႏ ဗွေႏမောဂ္ဂလာန်ႏနဝ်ꩻ ဝင်ꩻသီႏလသားဒျာႏ ကေႏညိုႏသွော့ဟုဲင်း၊ ကန်းတော့ꩻချာသါဗာ့ဟုဲင်း" "နာꩻနောဝ်ꩻ ပါꩻမုဲင်ꩻ" "ခွေသွဉ်းနဝ်ꩻ 'တုရု'ဗျဟ္မာႏသွူ" "ဗျဟ္မာႏ ထမုဲင်ꩻခရာႏ- အဝ်ႏလင်ꩻလယ်ႏလွင်ꩻထာꩻ လိုꩻခမ်းယိုနဝ်ꩻ၊ နာꩻတဲ့ ယူႏနာႏအပဲ့စ်နဝ်ꩻဟုဲင်း" ကောကာလိကနောဝ်ꩻ အမာႏနခံႏချော့ꩻတဝ်း၊ ဗျဟ္မာႏလင်ꩻလောဝ်းတဲ့ တလꩻတောဝ်းနောဝ်ꩻသွူ။ ကောကာလိကနဝ်ꩻ အဒါႏယာႏဒွုမ်တဲင် လွဉ်ႏအီတွမ်ႏထာꩻဆာနဝ်ꩻ၊ လင်ꩻထဲ့ 'ပဒုမ'ငါးရုဲင်ꩻ နေင်ႏပေါင်ꩻပဉ်တကားမုဲင်ꩻမုဲင်ꩻနဝ်ꩻသွူ။ ဗွေႏဘုရာꩻရိုꩻ- "ကုဌာရီ ဇာယတေ မုခေ - ဖြောင်းကိုနဝ်ꩻ နꩻမွူးအောဝ်ႏသော့ꩻ၊ ယာယ ဆိန္ဒတိ အတ္တာနံ - နꩻမွူးနောဝ်ꩻ ဗက်ꩻသီချာအနမ်း။ လင်္ကာႏ - နꩻမွူးဖြောင်းကို၊ ထင်အသို - နꩻယိုဟောဝ်ငမ်း၊ ဗက်ꩻသီနမ်း။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ကောကာလိကသုတ်)[၁][၂]