ဖန်မဉ်ꩻခရာႏလိုႏသေနာႏ
လေားကလိုꩻခမ်းကို ကအဝ်ႏဒါႏ သꩻအောဝ်ႏသတ္တဝါႏမျိုꩻလဲ့နဝ်ꩻ သꩻအဲဉ်ထောဝ်းမျိုꩻလဲ့နဝ်ꩻ အမဉ်ꩻအောဝ်ႏလွဉ်းလွဉ်းသွူ။ မဉ်ꩻကရိုꩻဒါႏယို ပရမတ္တအနေႏနဝ်ꩻ အမဲဉ်ႏတရာꩻတမွေးတောဝ်းလဲ့ ပညတ်တရာꩻအနေႏနဝ်ꩻထွာ ပညတ္တိသစ္စာႏတွော့ꩻ အမဲဉ်ႏတရာဒျာႏနေနေသွူ၊ လောကလိုꩻခမ်းအကို ပညတ္တိ သစ္စာႏမဉ်ႏအဲဉ်ထောဝ်ႏ မဉ်ႏအောဝ်ႏဗွော့ꩻဒျာႏ ပရမတ္တတရာꩻလုမ်ꩻနဝ်ꩻ အဆင်ႏတပြေႏတေဝ်ႏနဝ်ꩻသွူ၊ နဝ်ꩻတွော့ꩻပညတ်နေး သမုတ်နေး ဖန်ဖေႏနေး မဉ်ꩻပငါပရာꩻမ သုံꩻနုံꩻဟဲ့ꩻဟောင်ယိုꩻ အဆင်ႏပြေႏနဝ်ꩻသွူ၊ သက်ꩻအောဝ်ႏ သက်အဲဉ်ထောဝ်း ကမဲဉ်ဖန်လိုꩻနဝ်ꩻထွာအနမ်း အလွိုးအငုဲင်ꩻ ထွာအဓိပ္ပါယ်ႏတွော့ꩻ ဖန်ဖေႏလဲ့အောဝ်ႏသွူ။
ဥပမာႏ ၊ ပါꩻမူႏတဖြာꩻနဝ်ꩻ အလွိုးသမ်းဖြိန်းတွော့ ဖန်ဖေႏ (နင်ႏဖြိန်း) နုဲငါးနဝ်ꩻလဲ့အေဝ်းသွူ၊ ယဖြာꩻဖြာꩻနဝ်ꩻ အယာႏသမ်းဗွာ ဖန်ဖေႏ နင်ႏဗွာစားနဝ်ꩻလဲ့အေဝ့းသွူ၊ ယဖြာꩻသားနဝ်ꩻ အနမ်းအေဝ်းထိုဒျာႏတဲ့ သမ်းဖန်တေား နင်ႏပေါက်နုဲင်းနဝ် ဟဲ့ဖန်ငီႏငါထာꩻနုဲင်းနဝ်ꩻသွူ။ မညဥ်ꩻကရိုꩻယို မဲဥ်ꩻသာမည မဥ်ꩻဝိသေသသအဝ်ႏဖျင်၂ မျိုꩻသွူ။ လိုꩻဖိုး ပနား ထီႏ ထွော့ သေဆင် တမျိုꩻတဖြာꩻစီႏ တဗာႏစီႏကဖန်ကဖန်ခေါ်ဖျင် အမဥ်ꩻနဝ်ꩻဟဲ့ မဥ်ꩻဝိသေသသွူ ။ ခွန်ကုဝေ ကလꩻဒါႏမဥ်ꩻယိုနဝ်ꩻဟဲ့ꩻ မဥ်ꩻသာမညသွူ၊ ယွုမ်းအံႏမုယိုတဗာႏနဝ်ꩻထွာအီနီ ကျိုႏသက်တဲင် ကံႏတရာꩻတွော့ꩻ ဖန်မဉ်ꩻယိုတဲ့ အောဝ်ႏလိုႏဖန်ရော့ꩻနေနေမနဝ်ꩻသွူ၊
တနင်ႏလာႏ မွူးနီꩻဖွာသား ၊ ခွန်ကောင်ကေ ၊ ခွန်ကောဝ်ႏခံꩻ ၊ ခွန်ကံဒဲဉ်၊ ခွန်မောင်ႏကွီ၊ ခွန်ခွိုꩻ ၊ ခွန်ကျော်ႏခေါင်ႏ ၊ ခွန်မောင်ကောင်း ၊ အင်္ဂါႏ မွူးနီꩻဖွာꩻသား အတာႏ ၊ ခွန်စွစ်ခမ်း၊ ခွန်စိုးမောင်၊ ခွန်စိန်ထွန်း ၊ ခွန်မောင်ႏစိန်ႏ ၊ ခွန်စိန်ပန်း၊