ဖါမွိုးကေꩻဇူꩻ
"ဩဝါဒလစ်ꩻထွော့-တောင်ꩻတောင်ꩻသွော့အမုဲင်(၃)"
၁။ "မွိုးဒေါ့ꩻဖေႏဒျာႏ-ငေါဝ်းအကျိုꩻအာ၊ ဖါဒေါ့ꩻဖေႏဒျာႏ-ငေါဝ်းအကျိုꩻအဝ်ႏ"တဲ့ "ပိုခိုမွိုက်နဝ်ꩻ-မထူႏ၊ ပိုမူႏမွိုက်နဝ်ꩻ-မနေး"၊ နာႏတဝ်း-မွိုးဖါငေါဝ်းနုဲင်းနဝ်ꩻနဝ်ꩻ "ယံတဝ်း"။
၂။ "နီမွိုး ဒါႏကဲးထမုဲင်ꩻဟာ၊ နီဖါ သေကဲထမုဲင်ꩻဟောင်း၊ မာꩻဟွီခြေင်မွုန်း သီဖြောင်းနဝ်ꩻ၊ ခွေအဝ်ႏသေလို့ဒျာႏ၊ ဒေါ့ꩻခရာႏတလိုႏတဝ်း"၊ "ထီႏဖွီချာ-မွိုးဖါ"စတဲင်နုဲင်းနဝ်ꩻနဝ်ꩻ "ယံတဝ်းတစိꩻစိꩻ"။
၃။ ပေါႏမွိုးဖါ ဒေါ့ꩻသွဉ်နဝ်ꩻ "နာႏဒျာႏတေ့ꩻတေ့ꩻ"နဝ်ꩻ "ယံဒျာႏ"။
၄။ မွိုးဖါကဒေါ့ꩻသွဉ်အတွိုင်ꩻ "ပိုမူႏတဲ့ မာꩻဒျာႏနမ်းကျင်ꩻ အရန်းထိုထို၊ ပိုခိုတဲ့ မာꩻဒျာႏနမ်းကျင်ꩻ အရန်းတသွောင်းသွောင်း၊ အုံကြောင်းကြောင်းဒျာႏ၊ အုံလိန်ႏမာႏမွေး"စတဲင်နုဲင်းနဝ်ꩻနဝ်ꩻ "ယိန်းယံငါႏ"နဝ်ꩻသွူ၊ ဖေႏကထွာဒျာႏ "ယိန်းယံငါႏ"နဝ်ꩻနော။
"ဩဝါဒလစ်ꩻထွော့ ငေါဝ်းလင်္ကာႏ အမုဲင်(၃)"
၁။ မွိုးဖါဒေါ့ꩻငေါဝ်း၊ နာႏလွဉ်ꩻတဝ်း၊
တွိုႏစဝ်း ဒုက္ခခြာ။
၂။ ထီႏဖွီ-ဖါမွိုး၊ ဆုဲင်ꩻဝွဋ်တွိုး၊
အီႏငွိုး တနီꩻခါ။
၃။ မွိုးဖါဒေါ့ꩻဖေႏ၊ နာႏသေႏသေႏ၊
ကျိုꩻဖေႏ ချမ်ꩻသာႏထွာ။
၄။ မွိုးဖါငေါဝ်းနေး၊ လိန်ႏမာႏမွေး၊
နဝ်ꩻဟွေး ယိန်းယံအာ။[၁][၂]