ဖိုးညီႏညွတ်ဝင်ꩻ
ဖိုးထီးဖိုးမွူး တဖုံႏဖုံႏနောဝ်ꩻ အောဝ်ႏထီႏလွဒွါႏ ပငါပရာꩻ၊ စွုမ်ႏဖြာꩻကိုင၊ ထီးမမူႏမောင်ႏ၊ နောဝ်ꩻကောင်းဖိုးဖုံႏ၊ အောဝ်ႏပြုံႏအုံညီꩻ၊ ထီꩻသင်ꩻရက်လွ၊ တသꩻချင်ꩻညီႏတူႏ၊ အုံဗူႏဗေင်ႏထာꩻ၊ ပငါပရာꩻလှဲထွောင်း၊ ကေမီႏလွဉ်ခွေါင်းအသွꩻ၊ တဗာႏမအောဝ်ႏကျန်ႏ၊ ဖြွမ်းဝင်ꩻလောႏဟိုမ်၊ ကေတန်ထိုꩻဗာႏ၊ ဆရာႏမာꩻသွော့ဖိုး၊ နီယိုꩻလိုꩻမျိုꩻ၊ ထာꩻရက်ဝင်ꩻနောဝ်ꩻ၊ ဖိုးငါလဲ့တပီတောဝ်း၊ မာꩻနမ်းတသျို၊ လွေꩻကျိုႏထဲင်းပါꩻ၊ လိုꩻမျိုꩻချာꩻလင်၊ ရန်ႏစင်ꩻသွꩻဖေါဝ်ႏ၊ ထာꩻသေကအောဝ်ႏလဲ့လိုꩻ၊ ကမွိုက်လဲဉ်းထာꩻသားလဲ့လိုꩻ၊ နီအကျိုꩻအီႏဆေ့ꩻ၊ တယူႏသေꩻတောဝ်း၊ ဖိုးနဝ်ꩻထာꩻသူႏသေလဲ့ငထောဝ်း၊ ဉာဏ်ႏလဲ့ငထောဝ်း၊ လိုꩻတီဗာႏနေး၊ ကအီႏမာꩻချာလိုꩻကောတီသားနဝ်ꩻ တဟွုန်ဖိုတောဝ်းလာꩻလာꩻ၊ ရန်ႏသူႏထင်ႏပေါႏ၊ ဝဲ့လောႏရဲးဆီꩻ၊ စွုမ်ႏဗာႏစွုမ်ႏဒူ၊ ခြူထိုꩻပွေါင်ႏပုဲႏ၊ ထီနှဲးအသွꩻအာ၊ ပငါပရာꩻလောႏတား၊ ထာꩻသားရန်ႏသူႏ၊ အုံဗူႏညီꩻဝင်ꩻ၊ အချင်ꩻင်ꩻမွူးထီး၊ ဝွေꩻသီးဖိုးစွိုꩻ၊ နီလိုꩻယိုလဲ့ ယံဖေႏထွားနှဲး၊ ထုဲႏပီဖိုးဖုံႏ၊ ပိဉ်ပြုံႏရဲးစူꩻ၊ ရန်ႏသူႏနောဝ်ꩻထွူ၊ နင်းဟွူကလꩻ ထာꩻချံꩻသာႏ၊ ပအိုဝ်ႏယာႏခွိုꩻ၊ နီစွိုꩻဖုံႏယို၊ ရန်းထိုယံကတွိုႏ၊ ရန်းဖွိုႏယံကကင်ꩻ၊ အချင်ꩻင်ꩻနိစ္စက်မွုန်း၊ ယွုန်းဝင်ꩻခန္တီႏမꩻ၊ အီႏဗꩻထင်ႏရန်းထို၊ နီယိုပအိုဝ်ႏမျိုꩻ၊ ကျိုꩻစာꩻလွောင်ႏဗူႏ၊ စိတ်တူႏသမျ၊ သင်္ဂဟပေါက်ဖေါႏ၊ ထီႏတောႏရက်ပဲင်ꩻ၊ သဲင်ꩻခံꩻမေတ္တာႏ၊ သဟာယခံႏစင်၊ ကျွဉ်ꩻကင်လိုꩻခြောင်ႏ၊ ယံကအောင်ႏထိုꩻ အဖွိုႏရန်း၊ အဆင်းယံဗꩻကီ၊ ထုဲႏပီခမ်းတန်သား၊ လွတ်တောႏရုမ်ꩻတန်ကို၊ ဩဇာႏယို ယံကတီႏ၊ ခီႏမျောက်သွော့ဝင်ꩻ နီလိုꩻမျိုꩻ၊ အကျိုꩻပအိုဝ်ႏပွန်း၊ အုံတသွောင်းပညာႏသျင်ႏ၊ ဝင်ꩻတွိုင်ႏပင်ႏလွတ်တောႏကို၊ ယိုဆွူနောနီတံႏခိုꩻ၊ ပအိုဝ်ႏမျိုꩻသီးယာဟွေး။[၁][၂]