ဖူဖီ
"ဩဝါဒလစ်ꩻထွော့ တောင်ꩻတောင်ꩻသွော့အမုဲင်-၁၁" ၁။ အမာတဲ့ ဖေႏတေ့ꩻဒျာႏ အမွိုးအဖါလွုမ်ꩻ၊ အဖူအဖီနဝ်ꩻ ဝွေꩻကျွိုက်တဝ်း၊ ဖေႏပါတဝ်း၊ အဝါꩻတဲ့ ဖေႏတေ့ꩻဒျာႏ အမွိုးအဖါလူမ်ꩻ၊ အဖူအဖီနဝ်ꩻ ဝွေꩻကျွိုက်တဝ်း၊ ဖေႏပါတဝ်း၊ မာမာဝါꩻဝါꩻ ပေါႏခွယ်ꩻချာꩻဖူဖီ၊ ပေါႏကျွိုက်တဝ်းဖူဖီနဝ်ꩻ "ယံတဝ်း"။ ၂။ အမာတဲ့ ခေါဝ်းတဝ်းအဖူအဖီ၊ အဖူအဖီတဲ့ ကျွိုက်တဝ်း အပနံ၊ ရိုꩻအပနံ ယံတဝ်း၊ အပနံရိုꩻ အဖီဗော့ဗဲ့-တဲ့၊ အဝါꩻတဲ့ အာငေါဝ်းတွမ်ႏ အဖူအဖီ၊ အဖူအဖီတဲ့ လွꩻထီႏအမ၊ ရိုꩻအမ ကျတဝ်း၊ အမရိုꩻ အဖူဒေါဝ်အေႏ-တဲ့၊ ပေါႏတတဲ့ꩻခေါဝ်း(တဝ်း)လို့ဝင်ꩻ၊ ပေါႏလွꩻထီႏလို့ဝင်ꩻနုဲင်းနဝ်ꩻနဝ်ꩻ "ယံတဝ်း တစိꩻစိꩻ"။ ၃။ အမာတဲ့နဝ်ꩻ အဝါꩻတဲ့နဝ်ꩻ ပေါႏဖေႏမွိုးဖါတဲ့ ဖေႏပါဒျာႏဖူဖီ၊ ဟောဝ်ဒျာႏလို့ဝင်ꩻနဝ်ꩻ "ယံဒျာႏ"။ ၄။ အမာတဲ့နဝ်ꩻ အဝါꩻတဲ့နဝ်ꩻ ထီႏအဖူအဖီနဝ်ꩻ မတ်ဒျာႏမွိုးဖါ၊ "ဟဲ့ꩻဖါဒျာႏနွိုးနွိုး-ဟဲ့ꩻမွိုးဒျာႏ အွီႏအွီႏ"၊ အဖူအဖီတဲ့ ထီႏ"အမနဝ်ꩻ ရိုꩻဒျာႏ-အယံ၊ ထီႏအပနံနဝ်ꩻ ရိုꩻဒျာႏအလိန်ႏမာႏ"၊ "ဟဲ့ꩻပိုခိုဒျာႏ ရျူႏရျူႏ၊ ဟဲ့ꩻပိုမူႏဒျာႏ ရောင်းရောင်း"စတဲင်နုဲင်းနဝ်ꩻနဝ်ꩻ "ယိန်းယံငါႏ"နဝ်ꩻသွူ။ ဖေႏကထွာဒျာႏ "ယိန်းယံငါႏ"နဝ်ꩻနော။ "ဩဝါဒလစ်ꩻထွော့ ငေါဝ်းလင်္ကာႏအမုဲင်-၁၁" ၁။ ဖူဖီ-မဖေႏ၊ မွိုးဖါဖေႏ၊ ခေႏနေႏ ယံတဝ်းခြာ။ ၂။ ဖူဖီသွူဒျာႏ၊ လွꩻထီႏငါႏ၊ ဟွိုန်မာႏ တွိုႏဆုဲင်ꩻချာ။ (မ-ပနံဒျာႏ၊ ရက်တဝ်းငါႏ၊ မာႏဒါႏ တွိုႏဆုဲင်ꩻချာ)။ ၃။ နီဖူဖီဒျာႏ၊ ဟွိုန်ဟောဝ်ငါႏ၊ ချမ်ꩻသာႏ တွိုႏဆုဲင်ꩻချာ။ (မ-ပနံဒျာႏ၊ ဟွူန်ရက်ငါႏ၊ သာႏယာႏ တွိုႏဆုဲင်ꩻချာ)။ ၄။ မတ်မွိုးဖါယာႏ၊ ဖူဖီဒျာႏ၊ ချမ်ꩻသာႏ ယိန်းယံအာ။[၁][၂]