ဗေလဋ္ဌသီသမထေရ်ႏ
"ဗေလဋ္ဌသီသမထေရ်ႏဝတ္ထု"
၉၂။ ဂါႏထာႏပြန်ႏပအိုဝ်ႏခြေင်ခြေင်- ပုဂ္ဂိုလ်ႏမုဲင်ꩻယဝ်းအတာႏ နေးသꩻလောဘ မဉ်လꩻသိမ်ꩻခါꩻနဝ်ꩻအဲဉ်ထဝ်း၊ ပုဂ္ဂိုလ်ႏမုဲင်ꩻရိုꩻတဝ်း ထာꩻအံႏဘောဇန ပရိညာတတရာꩻ(သေသေꩻခါꩻတရာꩻ)အဝ်ႏဒျာႏ၊ သုညတဝိမောက္ခ နိဗ္ဗာန်ႏတဲ့နဝ်ꩻ၊ အနိမိတ္တဝိမောက္ခနိဗ္ဗာန်ႏတဲ့နဝ်ꩻ ပုဂ္ဂိုလ်ႏသီးနဝ်ꩻအတာႏ ထါာဒျာႏကျွꩻအံႏခရာႏ အာႏရွုံႏနဝ်ꩻသွူ၊ ဝါးသီးကကျောင်ႏလွေꩻမို့ꩻလောင်းနဝ်ꩻ တထီႏတဝ်းအခင်ႏခြောင်ꩻ၊ နုဲင်းနဝ်ꩻနေနေ ရဟန္တာႏသီးနဝ်ꩻနဝ်ꩻ ကျွꩻလွေꩻမုဲင်ꩻကိုယို သေနွောင်ꩻတဝ်းသွူ။
"လꩻဗဟုသုတ၊ လꩻသတိꩻနုဲင်းယို" ဟော်ꩻထွားသွဉ်ဗာႏ 'ဗေလဋ္ဌသီလမထေရ်ႏဝတ္ထု'ယိုတဲင်-
၁။ ရဟန္တာႏ မာꩻဒျာႏအရင်ꩻတဲ့ ဝင်ꩻကဲ့ꩻရဲ့ꩻ သဲ့ꩻသွမ်ꩻတလွစ်တောဝ်း၊
၂။ အွဉ်ႏသိမ်ꩻတခြိုꩻ အွဉ်ႏသိမ်ꩻထာꩻအံႏ ထာꩻအွꩻနဝ်ꩻ ထွာလောဘနေနေတဲင် ဗွေႏဘုရာꩻ ဖေႏအွဉ်ႏသိမ်ꩻတဝ်း၊
၃။ ဟောဝ်ကဲ့ꩻရဲ့ꩻ သဲ့ꩻသွမ်ꩻတောဝ်းဝင်ꩻ၊ မဲ့ꩻကဲ့ꩻရဲ့ꩻမာႏဒါႏ ရဟန္တာႏသူႏတောႏကောင်ꩻသီး၊
၄။ ရဟန္တာႏသီးနဝ်ꩻ ဘဝခင်ႏခြောင်ꩻ ထုမ်ႏမော့ꩻတဝ်းဒွုမ်၊ (ကွိုတ်ထဲင်းတဝ်းဒွုမ်)အကျောင်ꩻ-စတဲင်နုဲင်းနဝ်ꩻ သေထွꩻ လꩻဗဟုသုတ သတိꩻအာတန်သွူ။[၁][၂][၃]