ဗွေႏဗိုန်မီန်ႏညံး ဒိုင်သားညံး

"ဗွေႏဗိုန်မီဉ်ႏညံး ဒုံသားညံး" ကရိုꩻနဝ်ꩻ

မျန်မာခမ်းကိုယိုနဝ်ꩻ ဗွေႏဗိုန်လိုꩻကျောင်ꩻသီး အွဉ်ဒျာႏဖုံႏ ကိဉ်းအာအာသွူ။ နဝ်ꩻမꩻ ဗွေႏဗိုန်မီဉ်ႏညံးနဝ်ꩻ ဒုံသားတဲ့ညံး။ ဗွေႏဗိုန်မီဉ်ႏယံနဝ်ꩻ ဒုံသားတဲ့ ယံလွသွူ။ အွိုင်ႏကိုလဲ့ နုဲးနဝ်ꩻနေနေ။ ဝေင်ꩻကိုလဲ့ နုဲးနဝ်ꩻနေနေ။  ယိုနဝ်ꩻ လိုႏသတိꩻလွငါႏဝင်ꩻပငါပရာꩻသွူ။

သာႏသနာႏ-ကရိုꩻနဝ်ꩻ တမုဲꩻ-?။ နီဗွေႏဖရာꩻ အဆုင်ꩻအမꩻငဝ်းငွါဖုံႏနဝ်ꩻ ဟဲ့ꩻ သာႏသနာႏသွူ။ လိုꩻကျောင်ꩻဖုံႏ ကအဝ်ႏဗုဲလွ အရောင်ႏတသီးသီးနဝ်ꩻ ဟဲ့ꩻ သာႏသနာႏ-တမွေးတဝ်း။ ထီႏတသီးသီးတွိုင်ꩻနဝ်ꩻ ထင်းလွမွုန်း သာႏသနာႏနေား။ ရဟန်ꩻကရိုꩻနဝ်ꩻ  ဣန္ဒြေႏ အဝ်ႏဗာႏ၊ ဟဝ်ဗာႏသွူ။ ထိင်ꩻဗာႏ နမ်းဖြောင်းသꩻဣန္ဒြေႏ၊ အွဉ်ႏရေꩻခံႏနောမ်ꩻဗာႏ နမ်းကျင်ꩻသိက္ခာႏသွူ။ ပျုသာႏသနာႏ-ကရိုꩻနဝ်ꩻ ဒေါ့ꩻတောမ်ႏဖြောင်းနဝ်ꩻ  ကယိုꩻဒါႏအတွိုင်ꩻ မီဉ်ႏထွိုင်ႏမာꩻ ထာꩻမာꩻနဝ်ꩻ အယပ်ꩻအခုဲႏဖုံႏ အာတန်။

အုံသော့ꩻဗာႏဒျာႏကွို့ꩻ ဝင်ꩻကမာꩻခါꩻ၊ ဝင်ꩻကလူႏခါꩻကျောင်ꩻကိုထွူ သꩻပျောႏတမွိုꩻ၊ မွန်ꩻတငွို့ꩻတေားမွုန်း တခြိုꩻစေꩻစီင်ႏအလောင်း။ ထင်းတန်ချာတေားမွုန်းတဝ်းနမ်း။ သꩻဖြုံႏထိုမွုန်းထာꩻ။ အွဉ်ႏကျမွုန်းတဝ်းနမ်း။

သꩻဝွို့ꩻသန်ဂိုဏ်ꩻ၊ ကျောင်ꩻ၊ တခြိုꩻအလောင်းဖုံႏတဲင်

ထာꩻထီႏအဲဉ်ႏတရဲတ်မွုန်းတဝ်းထာꩻ။

ထွားလို့လို့  ထီႏစွစ်ꩻစွစ်ꩻသွော့ သာႏသနာႏတဖြုံႏလူမ်းအကျိုꩻတာႏ။

ဒုံဆောင်ႏအရေꩻ၊ သာႏသနာႏအရေꩻ ဖေႏကထင်ႏထိုအတာႏ

မာꩻဗော့ꩻထာꩻမာꩻခြေင်ခြေင်လူမ်ꩻနဝ်ꩻ တထွူထွာတဝ်း။

ခွိုင်းကမာꩻထွူထာꩻမာꩻဖုံႏယို ထွားစင်းစဲတ်ချာဗာႏ။

မီဉ်ႏထီႏလွဉ်အမာႏအတရွို့ꩻနဝ်ꩻ ဖျင်စွို့ꩻဗာႏ။

ဝင်ꩻမီဉ်ႏဖျင်တဲ့ ခံႏထူႏဒါႏဒါႏဗာႏ။ ဖျင်တဝ်း ထွာတဝ်း။

ကလိုႏဖျင်မျိုꩻယို ဖျင်ဗာႏ။ ကလိုႏပြောင်ꩻလုဲႏလဲ့ ပြောင်ꩻလုဲႏဗာႏ။

စူꩻဗော့ꩻ အနယ်ꩻလီꩻခြေင်ခြေင်လူမ်ꩻလဲ့ တထွူထွာတဝ်း။

မီဉ်ႏပြောင်ꩻလုဲႏခီင်ႏနဝ်ꩻလဲ့ လွိုဗာႏတဝ်း ဖရာꩻဥပဒေႏ။

လွောက်ꩻလွဉ်ꩻဗာႏ ဝိနယ်ꩻတဖူꩻစဲဉ်ႏသွူ။

ယီးအွဉ်ႏနယ်တဖူꩻသား-ကရိုꩻနဝ်ꩻ အရေꩻတန်မွေးထာꩻ မရေႏမရာႏသွူ။ နဝ်ꩻမꩻဆရာႏညံးယို  သျောင်ႏညာꩻထိုꩻထွူ  လိုႏဆယ်ꩻကပ်ဒျာႏ ဆရာႏယံသွူ။

လိုꩻကမာꩻ"အွဉ်ငါသား"နဝ်ꩻ

ခင်ႏလမ်းမုဲꩻမုဲꩻယဝ်း အုံဖွီဖုဲဗာႏတဝ်းထာꩻ။

သတိတရာꩻ ခွေါင်ဗာႏ။ မုဲခါꩻမတ်ခါꩻဗာႏ။

သွုန်ႏသꩻစွို့ꩻစွဉ်ႏဗာႏ။

ဗွောင်ခါꩻတသေႏသေႏဗာႏ မဲ့တောမ်ႏနားသွူ။

ထေင်းထံႏသာႏသနာႏဝိုန်ႏသား-သျင်ႏရဟန်ꩻကရိုꩻနဝ်ꩻ  

နီနမ်းဖေႏကထေင်းထံႏဗာႏဒျာႏ သာႏသနာႏတာႏဝိုန်ႏ။

သာႏသနာႏ ဖေႏကထေင်းထံႏဗာႏမွုန်းတဝ်း နီတာႏ  ဝိုန်ႏ နုဲးနဝ်ꩻသွူ။

သာႏသနာႏအရေꩻ (သာႏသနာႏကိုယို)နဝ်ꩻ

အီလွဉ်သော့ꩻ ထွို့ꩻသော့ꩻရောꩻပါမွုန်း

ခွေအရေꩻ(ခွေတာႏ)၊ ဖူးဝေးအရေꩻ(ဖူးဝေးတာႏ)။

လိုꩻကရိုꩻနဝ်ꩻ လောႏလွဉ်ꩻဗာႏတဝ်း ဂုဏ်ႏဖဲ့ꩻချာ။

ဂုဏ်ႏဖေႏကလောႏလွဉ်ꩻဒျာႏသွော့ လိုꩻဖဲ့ꩻချာ နုဲးနဝ်ꩻစား။

ရဟန်ꩻကရိုꩻနဝ်ꩻ အအုံအအဝ်ႏစွို့ꩻစွဉ်ႏဗာႏ။

ထာꩻသေဉာဏ်ႏဖဲ့ꩻလဲ့ လုဲးဗာႏ။

အုံရောꩻရောꩻရဲꩻရဲꩻဗာႏတဝ်း တောမ်ႏလိုꩻလမ်း။

ခွိုင်းကကင်ꩻနွောင်ꩻ ဖေႏကကင်ꩻ အုံအဝ်ႏဗာႏ။

မီဉ်ႏတကင်ꩻနွောင်ꩻတဝ်းနဝ်ꩻ အုံအဝ်ႏ ဟဝ်ဟဝ်ဗာႏ။

ဖရာꩻ ဝိနယ်ꩻနဝ်ꩻ ထွေလွဉ်ꩻဗာႏ ခေတ် အမျိုꩻတမွေးတဝ်း။

ခေတ်နဝ်ꩻ အမျိုꩻထွေလွဉ်ꩻဗာႏ ဝိနယ်ꩻဖဲ့ꩻချာဒျာႏ။

နဝ်ꩻမꩻ မာꩻကုသိုလ်ႏနဝ်ꩻ ခံႏမွုန်းအကုသိုလ်ႏပါရောꩻ။

သာႏသနာႏအရေꩻဖေႏကယံဖေႏကကျ မီဉ်ႏမဲဉ်မာꩻမွေးဒါႏနဝ်ꩻ အွဉ်ႏဗာႏစီꩻကန်ꩻ၊ တဖွေါင်ဟဝ်ဗာႏသွူ။

<ref>ကျေးဇူးရှင် ဒသမ ရွှေကျင်သာသနာပိုင်  မြောင်းမြဆရာတော်ကြီး</ref>

<ref>ဝိသုဒ္ဓါရုံ မြောင်းမြဆရာတော်နှင့် ဗုဒ္ဓမြတ်စွာသာသနာ စာအုပ်မှ </ref>