ဗွေႏဘုရာꩻအာႏအပါꩻတဆီ

"သိဟနာဒသုတ် (ဗွေႏဘုရာꩻအာႏ အပါꩻတဆီ)" ရဟန်ꩻသီးဖုံႏဟွေး- ဗွေႏဘုရာꩻ'အာႏတောႏ'အဝ်ႏအမျိုꩻတဆီ၊ တဆီကရိုꩻနဝ်ꩻ- ၁။ ဌာနဉ္စ ဌာနတော အဌာနဉ္စ အဌာနတော ယထာဘူတံ ပဋိဇာနာတိ- လောကကိုယို နီဗွေႏဘုရာꩻနဝ်ꩻ အကျောင်ꩻမွေးတဲ့ အကျောင်ꩻမွေးအတွိုင်ꩻသေ၊ အကျင်ꩻမွေးတဝ်းတဲ့ အကျောင်ꩻမွေးတဝ်းအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနောဝ်ꩻသွူ။ ၂။ အတီတာနာဂတ ပစ္စုပ္ပန္နာနံ ဝိပါကံ ယထာဘူတံ ပဇာနာတိ- နီဗွေႏဘုရာꩻနဝ်ꩻ အတိတ်၊ အနာဂတ်၊ ပစ္စုပ္ပန်ႏ ကံႏတရာꩻအကျိုꩻနဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနောဝ်ꩻသွူ။ ၃။ သဗ္ဗတ္ထဂါမိနိံ ပဋိပဒံ ယထာဘူတံ ပဋိဇာနာတိ- အကျင်ꩻကတွိုႏလွေꩻအီ ဂတိငတ်ꩻပါꩻ (လိုꩻ လူꩻ ငါးရုဲင်ꩻ တိရစ္ဆာန်ႏ ပိတ္တာႏ)တဲ့နဝ်ꩻ၊ အကျင်ꩻကတွိုႏလွေꩻအီ နိဗ္ဗာန်ႏတဲ့နဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနဝ်ꩻသွူ။ ၄။ အနေကဓါတုံ နာနာဓါတုံ လောကံ ယထာဘူတံ ပဋိဇာနာတိ- နီဗွေႏဘုရာꩻနဝ်ꩻ ဓါတ်အာ မရမက၊ ဓါတ်လောက အမျိုꩻမျိုꩻဖုံႏနဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။ ၅။ သတ္တာနံ နာနာဝိမုတ္တိကတံ ယထာဘူတံ ပဋိဇာနာတိ- နီဗွေႏဘုရာꩻနောဝ်ꩻ သတ္တဝါႏသီးသꩻကို ထွားနုဲင်းမုဲင်ꩻ နုဲင်းမုဲင်ꩻနဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။ ၆။ ပရသတ္တာနံ ပရပုဂ္ဂလာနံ ဣန္ဒြိယပရောပရိယတ္တံ ယထာဘူတံ ပဇာနာတိ- နီဗွေႏဘုရာꩻနဝ်ꩻ အယွုတ်အမျတ်ကထွာဒါႏ ပုဂ္ဂိုလ်ႏသတ္တဝါႏသီး ဣန္ဒြေႏ အဖြားအဆားနောဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။ ၇။ စျာနဝိမောက္ခသမာဓိ သမာပတ္တီနံ သံကိလေသံ ဝေါဒါနံ ဝုဋ္ဌာနံ ယထာဘူတံ ပဇာနာတိ- နီဗွေႏဘုရာꩻနဝ်ꩻ ဈာန်ႏဝိမောက္ခ၊ သမာဓိ၊ သမာပတ်၊ တဗော့ꩻ၊ ကြောင်းစင်၊ ထွူထွိုင်ႏဖုံႏနောဝ်ꩻ အမွေး-အမွေးအတွိုင်ꩻသေ၊ ကသေနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။ ၈။ အနေကဝိဟိတံ ပုဗ္ဗေနိဝါသံ အနုဿရတိ- နီဗွေႏဘုရာꩻနဝ်ꩻ တောင်ꩻလို့ချာ ဘဝပေါင်ꩻအာ၊ ကတောင်ꩻနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။ ၉။ ဒိဗ္ဗေန စက္ခုနာ ယထာကမ္မူပဂေ သတ္တေ ပတိဇာနာတိ- နီဗွေႏဘုရာꩻနဝ်ꩻ နေးတွမ်ႏ ဒိဗ္ဗစက္ခုဉာဏ်ႏတဲင် သေလို့ ထီႏလို့ လိုꩻလူꩻဗျဟ္မာႏ သတ္တဝါႏသီး ကံႏအလွိုက် ကထွိုက်ရာꩻ ကလွေꩻငါ ကလွေꩻထွာဖုံႏနဝ်ꩻသွူ၊ ကသေထီႏနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုနေနေနောဝ်ꩻသွူ။ ၁၀။ သယံ အဘိညာ သစ္ဆိကတွာ ဥပသမ္ပဇ္ဇ ဝိဟရတိ- နီဗွေႏဘုရာꩻနဝ်ꩻ နေးတွမ်ႏဉာဏ်ႏထူꩻ ထီႏတရာꩻ လꩻတရာꩻ ဘဝယိုခါ (ထွာဘုရာꩻ)နဝ်ꩻသွူ၊ ကလꩻကထီႏနွောင်ꩻနုဲင်းနဝ်ꩻနဝ်ꩻ ထွာဗွေႏဘုရာꩻအာႏ တမျိုꩻနေနေနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ မဟာဝဂ်၊ သီဟနာဒသုတ်)