ဘီလူꩻရီပဿနာႏ
"အာဠာဝကသုတ် (ဘီလူꩻရီပျဿနာႏ ဗွေႏဘုရာꩻ ဖြေႏချာဒါႏလို့)"
အွိုးခꩻတလဲင်ႏ- နီဗွေႏဘုရာꩻအဝ်ႏအုံ အာဠဝီႏခမ်း၊ "အာဠာဝကဘီလူꩻဗိမာန်ႏ"ကို၊ အာဠာဝကဘီလူꩻရိုꩻ- "ရဟန်ꩻဟွေး- ခွေအီႏရီနာꩻ ပျဿနာႏ၊ နာꩻမဉ်ႏဖြေႏဒါႏတဝ်းနဝ်ꩻ ခွေအီႏမာꩻဗား နာꩻသꩻ၊ ခွေအီႏမာꩻပꩻ နာꩻသွုန်ႏထီ၊ ခွေအီႏဝေါင်းသီထိုꩻနာꩻ ခြောင်ဂင်္ဂါႏဖဲ့ꩻသူꩻကွေး" "ဘီလူꩻဟွေး- လိုꩻခမ်း၊ လူꩻခမ်း၊ ဗျဟ္မာႏခမ်း၊ ခွေငမ်းပါꩻ တဖြာꩻဖြာꩻအဲဉ်ထဝ်း၊ ပါꩻနွောင်ꩻခွေ တဖြာꩻဖြာꩻအဲဉ်ထဝ်း၊ နာꩻမဉ်ရီအမျိုꩻမုဲင်ꩻ ရီလုဲင်း" ၁။ "ရဟန်ꩻဟွေး- ကိံသူဓ ဝိတ္တံ ပုရိသဿ သေဋ္ဌံ- 'လောကကိုယို လိုꩻခိုအတာႏ အမျတ်သွတ်ꩻ ဥစ္စာႏ'နောဝ်ꩻ ထမုဲင်ꩻ" ၁။ "ဘီလူꩻဟွေး- သဒ္ဓီဓ ဝိတ္တံ - 'လောကကိုယို လိုꩻခိုအတာႏ အမျတ်သွတ်ꩻဥစ္စာႏနောဝ်ꩻ' သဒ္ဓါႏနောဝ်ꩻသွူ"။ ၂။ ဓမ္မော သုစိဏ္ဏော သုခ မာဝဟာ- 'ကကျင်ꩻမာꩻခါꩻ တရာꩻမုဲင်ꩻနဝ်ꩻ မာꩻထွာအီဒါႏ ထာꩻချမ်ꩻသာႏဟောင်း'။ ၂။ ဓမ္မော သုစိဏ္ဏော သုခ မာဝဟာ- 'ကကျင်ꩻမာꩻခါ ဆီပါꩻဒသ (ကုသလကမ္မပထ)တရာꩻနဝ်ꩻ မာꩻထွာအီဒါႏ ထာꩻချမ်ꩻသာႏ'နဝ်ꩻသွူ။ ၃။ ကိံသု ဟဝေ သာဒုတရံ ရသာနံ- 'အရသာႏဖုံႏကို ထမုဲင်ꩻအရသာာႏနဝ်ꩻ အယံသွတ်ꩻဟောင်း' ၃။ သစ္စံ ဟဝေ သာဒုတရံ ရသာနံ- 'အရသာႏဖုံႏကို 'ပရမတ္ထသစ္စာႏတွမ်ႏ ဝစီသစ္စာႏ'နဝ်ꩻ အယံသွတ်ꩻ'နောဝ်ꩻသွူ။ ၄။ ကထံ ဇီဝိံ ဇီဝိတမာဟု သေဋ္ဌံ- 'လွူးနမ်း ခွမ်ꩻသက် အမျိုꩻမုဲင်ꩻနဝ်ꩻ အမျတ်သွတ်ꩻဟောင်း' ၄။ ပညာ ဇီဝိံ ဇီတိမာဟု သေဋ္ဌံ- 'နေးတွမ်ႏပညာႏ လွူးနမ်း ခွမ်ꩻသက်နောဝ်ꩻ အမျတ်သွတ်ꩻ'နောဝ်ꩻသွူ။ အာဠာဝကဘီလူꩻ ရီပျဿနာႏ စတဲင်နုဲင်းနဝ်ꩻ အာတန်၊ မဉ်ရီနုဲင်းမုဲင်ꩻရီ နီဗွေႏဘုရာꩻမျတ်နောဝ်ꩻ ဘီလူꩻကေႏကေႏနပ်နပ် ဖြေႏနွောင်ꩻလို့တဲင် အာဠာဝကဘီလူꩻရိုꩻ- 'အဇ္ဇ ပဇာနာမိ၊ ဒိန္နံ မဟပ္ဖလံ- 'လူႏထာꩻနဝ်ꩻ အကျိုꩻတန်ငါႏကရိုꩻနဝ်ꩻ ခွေသွဉ်းစသေ ဟန်ꩻနီꩻယို'ဗွေႏဩ၊ ဂါမာဂါမံ ပုရာပုရံ-တဒုံထွူတဒုံ တဝေင်ꩻထွူတဝေင်ꩻ ခွေသွဉ်းအီႏကေႏညာႏတောတောက ဗွေႏဩ' သꩻရောင်းသꩻရေꩻ လောဝ်းသေꩻ ဗွေႏဘုရာꩻနုဲင်းနောဝ်ꩻသွူ။ (သုတ္တန်ႏပိဋကတ်၊ သဂါထာဝဂ္ဂသံယုတ်ပါဠိ၊ အာဠာဝကသုတ်)[၁][၂]