ဘုရာꩻဖေႏရာဟုလာႏဩဝါဒ

"အမ္ဗလဋ္ဌိကရာဟုလောဝါဒသုတ် (ဗွေႏဘုရာꩻ ဖေႏရာဟုလာႏ ဩဝါဒ)" အွိုးခꩻတလဲင်ႏ- ဗွေႏဘုရာꩻအဝ်ႏအုံ ရာႏဇဂျိုဟ်ႏခမ်း၊ ကျောင်ꩻဝေဠုဝွန်ႏကိုအတွင်ꩻ ဖေႏရာဟုလာႏဩဝါဒ(ဆွုံꩻမꩻ ရာဟုလာႏ)နုဲင်းယို- "ရာဟုလာႏဟွေး- ပေါႏအီႏမာꩻ ထာꩻမာꩻတမျိုမျိုꩻနဝ်ꩻ ယူႏစဉ်ꩻစာꩻရီးရီးဗာႏ၊ ခွေကအီႏမာꩻ ထာꩻမာꩻယိုနဝ်ꩻ ထွာဒျာႏ မာꩻယပ်ꩻဒုက္ခချာနမ်းဟောင်း၊ (မွေးတဝ်းတဲ့) ထွာဒျာႏ မာꩻဒုက္ခဝင်ꩻဟောင်း (မွေးတဝ်းတဲ့) ထွာဒျာႏ မာꩻဒုက္ခနမ်းယင်၊ ထွာဒျာႏ မာꩻဒုက္ခဝင်ꩻယင်ဟောင်း။ ထွာဒျာႏ အကုသိုလ်ႏတန်ဟောင်း၊ အပဲ့စ်အဝ်ႏဟောင်း၊ မဲ့ꩻခံႏဗာႏအပဲ့စ်ဟောင်း-ယူႏစဉ်ꩻစာꩻရီးရီးဗာႏနုဲင်းနဝ်ꩻ၊ ထာꩻမာꩻကထွာအီ မာꩻဒုက္ခဝင်ꩻ၊ ထာꩻမာꩻကထွာအီ မာꩻဒုက္ခချာနမ်းယင်၊ မာꩻဒုက္ခဝင်ꩻယင်၊ ထာꩻမာꩻအကုသိုလ်ႏ၊ ထာꩻမာꩻအပဲ့စ်အဝ်ႏ၊ ထာꩻမာꩻအီႏခံႏဗာႏ အပဲ့စ်မျိုꩻနဝ်ꩻ မာꩻမွန်ုးတဝ်းလာꩻလာꩻနော။ ထာꩻမာꩻတဟောဝ်တဝ်း အမျိုꩻနဝ်ꩻနဝ်ꩻ မဉ်ႏအဝ်ႏမာꩻ မဉ်ႏအဝ်ႏမာꩻစိန်ႏစွော့ꩻတဲ့ အွဉ်ႏထွူထိုꩻခန်း တလဲင်ႏချင်ꩻနော၊ ထာꩻမာꩻတဟောဝ်တဝ်း အမျိုꩻနဝ်ꩻ မဉ်ႏမာꩻမာႏသွူလဲဉ်းတဲ့ တောင်ꩻပြန်ႏချာယင်း၊ ဝွန်ႏခံႏယင်းအပဲ့စ်ထွူတဲင် ထာꩻမာꩻတဟောဝ်တဝ်းမျိုꩻနဝ်ꩻ တွိုႏဆုဲင်ꩻဆုဲင်ꩻ မာꩻထဲင်းမွုန်းဒူမ်လာꩻလာꩻစွဉ်ႏနော။ ရာဟုလာႏဟွေး- ပေါႏအီႏဒေါ့ꩻထာꩻ တမျိုꩻမျိုꩻနဝ်ꩻ ယူႏစဉ်ꩻစာꩻရီးရီးဗာႏ၊ ခွေကအီႏဒေါ့ꩻ ငေါဝ်းယိုနဝ်ꩻ ထွာဒျာႏ မာꩻဒုက္ခချာနမ်းလောင်း၊ ငေါဝ်းခွေါင်းဆာဝင်ꩻ၊ ငေါဝ်းမာꩻဒုက္ခဝင်ꩻဟောင်း၊ ငေါဝ်းမာꩻဒုက္ခနမ်းယင်၊ ငေါဝ်းမာꩻဒုက္ခဝင်ꩻယင်ဟောင်း၊ ထွာဒျာႏ ငေါဝ်းအကုသိုလ်ႏတန်ဟောင်း၊ ထွာဒျာႏ ငေါဝ်းအပဲ့စ်အဝ်ႏတန်ဟောင်း၊ မဲ့ꩻအီႏခံႏဗာႏ ဖြောင်းပဲ့စ်ဟောင်း-ယူႏစဉ်ꩻစာꩻရီးရီးဗာႏနုဲင်းနဝ်ꩻ။ ထာꩻဒေါ့ꩻကထါာအီ မာꩻဒုက္ခနမ်း၊ ငေါဝ်းခွေါင်းဆာဝင်ꩻ၊ ငေါဝ်းမာꩻဒုက္ခဝင်ꩻ၊ ငေါဝ်းမာꩻဒုက္ခနမ်းယင်၊ ငေါဝ်းမာꩻဒုက္ခဝင်ꩻယင်၊ ငေါဝ်းအကုသိုလ်ႏ၊ ငေါဝ်းအပဲ့စ်အဝ်ႏ၊ ငေါဝ်းအီႏခံႏဗာႏ ဖြောင်းပဲ့စ်မျိုꩻနဝ်ꩻ ဒေါ့ꩻမွုန်းတဝ်းလာꩻလာꩻနော။ ငေါဝ်းတဟောဝ်တဝ်း အမျိုꩻစားနဝ်ꩻနဝ်ꩻ မဉ်ႏအဝ်ႏဒေါ့ꩻတွင်ꩻတဲ့ တလဲင်ႏချင်ꩻ အွဉ်ႏထွူထိုꩻခန်းနော၊ မဉ်ႏဒေါ့ꩻမာႏဗာႏလဲဉ်းတဲ့ တောင်ꩻပြန်ႏချာယင်း၊ ဝွန်ႏခံႏချာယင်း အပဲ့စ်ထွူတွော့ꩻ ထာꩻဒေါ့ꩻတဟောဝ်တဝ်း ငေါဝ်းအမျိုꩻနဝ်ꩻနဝ်ꩻ တွိုႏဆုဲင်ꩻဆုဲင်ꩻ ဒေါ့ꩻထဲင်းမွုန်းဒွုမ်လာꩻလာꩻနော။ ရာဟုလာႏဟွေး- ပေါႏနာꩻယူႏထာꩻ တမျိုꩻမျိုꩻနဝ်ꩻ မာꩻဒုက္ခနမ်း၊ မာꩻဒုက္ခဝင်ꩻ၊ အပဲ့စ်အဝ်ႏ၊ အကုသိုလ်ႏတန်ဒျာႏ၊ အီႏအံႏဗာႏအပဲ့စ်၊ ထာꩻယူႏတဟောဝ်တဝ်းမျိုꩻနဝ်ꩻ ယူႏမွုန်းတဝ်းလာꩻလာꩻနော၊ မဉ်ႏအဝ်ႏယူႏတွင်ꩻတဲ့ တလဲင်ႏချင်ꩻအွဉ်ႏထွူ၊ မဉ်ႏယူႏမာႏဗာႏလဲဉ်းတဲ့ တောင်ꩻပြန်ႏယင်း၊ ဝွန်ႏခံႏယင်းအပဲ့စ်၊ တွိုႏဆုဲင်ꩻဆုဲင်ꩻ မုဲင်ꩻခါတဲ့ယောဝ်း ယူႏမွုန်းတဝ်းနော။ ရာဟုလာႏဗွေႏ- ပေါႏထာꩻမာꩻမွေး၊ ထာꩻဒေါ့ꩻမွေး၊ ထာꩻယူႏမွေးနဝ်ꩻ ထွာဒျာႏကုသိုလ်ႏ၊ သꩻရောင်းသꩻရေꩻ ကျိုꩻစာꩻလွေꩻမွေးမွေး ကုသိုလ်ႏနော၊ ဗွေႏဘုရာꩻဖေႏ ရာဟုလာႏဩဝါဒ (ဆွုံꩻမꩻရာဟုလာႏ)စတဲင် နုဲင်းနောဝ်ꩻသွူ။ (သုတ္တန်ႏပိဋကတ်၊ မဇ္ဈိမပဏ္ဏာသပါဠိတောႏ၊ အမ္ဗလဋ္ဌိကရာဟုလောဝါဒသုတ်)