မဂ္ဂင်ႏသွစ်ꩻပါꩻ လိုꩻလစ်ꩻဖြာꩻ
"အဋ္ဌင်္ဂိကသုတ် (မဂ္ဂင်ႏသွစ်ꩻပါꩻ-လိုꩻလစ်ꩻဖြာꩻ)" ရဟန်ꩻသီးဖုံႏဟွေး- ၁။ အသပ္ပုရိသ - လိုꩻမျတ် ၂။ အသပ္ပုရိတရ - ယွုတ်ကယ်ꩻလဲဉ်းက လိုꩻယွုတ် ၃။ သပ္ပုရိသ - လိုꩻမျတ် ၄။ သပ္ပုရိသတရ - မျတ်ကယ်ꩻလဲက်းက လိုꩻမျတ် အစ်ႏလစ်ꩻမျိုꩻနုဲင်းနောဝ်ꩻသွူ။ ရဟန်ꩻသီးဖုံႏဟွေး- ၁။ လောကကိုယို လိုꩻယင်ဟန်ႏနဝ်ꩻ 'မိစ္ဆာဒိဋ္ဌိကော-ထာꩻသေ(ယူႏ)မာႏ၊ မိစ္ဆာသင်္ကပ္ပေါ-ထာꩻကျံႏမာႏ၊ မိစ္ဆာဝါစာ-ငေါဝ်းမာႏ၊ မိစ္ဆာကမ္မန္တော-ထာꩻမာꩻမာႏ၊ မိစ္ဆာအာဇီဝေါ- လွူးနမ်းမာႏ၊ မိစ္ဆာဝါယာမော-ထာꩻကျိုꩻစာꩻမာႏ၊ မိစ္ဆာသတိ-အွဉ်ႏသတိꩻမာႏ၊ မိစ္ဆာသမာဓိ-သꩻစွူမာႏ'၊ ပါꩻယိုနဝ်ꩻ ဟဲ့ꩻဗာႏ'လိုꩻယွုတ်'နဝ်ꩻသွူ။ ရဟန်ꩻသီးဖုံႏဟွေး- ၂။ လောကကိုယို လိုꩻယင်ဟန်ႏနဝ်ꩻ 'ဝွေꩻနမ်းတဲ့ ထာꩻသေမာႏ၊ ထာꩻကျံႏမာႏ၊ ငေါဝ်းမာႏ၊ ထာꩻမာꩻမာႏ၊ လွူးနမ်းမာႏ၊ ထာꩻကျိုꩻစာꩻမာႏ၊ အွဉ်ႏသတိꩻမာႏ၊ သꩻစွူမာႏ'၊ ဝင်ꩻတဲ့ ဖေႏကမာႏနုဲင်းဝွေꩻနောဝ်ꩻ ဝွေꩻမာꩻမာႏ၊ ဝွေꩻထွဉ်ႏလွုမ်ꩻကာႏတဝ်း ဝင်ꩻတဲ့ ဖေႏကမာႏတဲင် ဝွေꩻမာꩻ၊ ဝွေꩻထွဉ်ႏတွော့ꩻ ပါꩻယိုနဝ်ꩻ ဟဲ့ꩻဗာႏ 'ယွုတ်ကယ်ꩻလဲဉ်းက လိုꩻယွုတ်'နောဝ်ꩻသွူ။ ရဟန်ꩻသီးဖုံႏဟွေး- ၃။ လောကကိုယို လိုꩻယင်ဟန်ႏနောဝ်ꩻ 'သမ္မာဒိဋ္ဌိကော-ထာꩻသေ (ယူႏလွဉ်ꩻ)မဲဉ်ႏမွေး၊ သမ္မာသင်္ကပ္ပေါ-နုဲင်းမုဲင်ꩻနုဲင်းမုဲင်ꩻ(ကျံႏ)လွဉ်ꩻမဲဉ်ႏမွေး၊ သမ္မာဝါစာ-ဒေါ့ꩻငေါဝ်းမဲဉ်ႏမွေး၊ သမ္မာကမ္မန္တော-ထာꩻမာꩻမဲဉ်ႏမွေး၊ သမ္မာအာဇီဝေါ- လွူးနမ်းမဲဉ်ႏမွေး(အပဲ့စ်ကင်ꩻမွေး)၊ သမ္မာဝါယာမော-ထာꩻကျိုꩻစာꩻမဲဉ်ႏမွေး၊ သမ္မာသတိ-အွဉ်ႏသတိꩻမဲဉ်ႏမွေး၊ သမ္မာသမာဓိ-သꩻစွူမဲဉ်ႏမွေး'၊ ဝွေꩻယိုနဝ်ꩻ ဟဲ့ꩻဗာႏ'လိုꩻမျတ်'နောဝ်ꩻသွူ။ ရဟန်ꩻသီးဖုံႏဟွေး- ၄။ လောကကိုယို လိုꩻယင်ဟန်ႏနောဝ်ꩻ 'ဝွေꩻနမ်းတဲ့ ထာꩻသေ (ယူႏလွဉ်ꩻ)မဲဉ်ႏမွေး၊ ဝင်ꩻတဲ့ ဖေႏကသေ(ယူႏလွဉ်ꩻ)မဲဉ်ႏမွေးနဝ်ꩻ ဝွေꩻမာꩻ၊ ဝွေꩻထွဉ်ႏ၊ ဝွေꩻနမ်းတဲ့ နုဲင်းမုဲင်ꩻနုဲင်းမုဲင်ꩻ(ကျံႏ)လွဉ်ꩻမဲဉ်ႏမွေး၊ ဝင်ꩻတဲ့ ဖေႏနေးကမဲဉ်ႏမွေးနုဲင်းနုဲင်းနဝ်ꩻ ဝွေꩻမာꩻ၊ ဝွေꩻထွဉ်ႏ၊ ဝွေꩻနမ်းတဲ့ ဒေါ့ꩻငေါဝ်းမဲဉ်ႏမွေး၊ ဝင်ꩻတဲ့ ဒေါ့ꩻငေါဝ်း ဖေႏနေးကမဲဉ်ႏနဝ်ꩻ ဝွေꩻမာꩻ၊ ဝွေꩻထွဉ်ႏ၊ ဝွေꩻနမ်းတဲ့ ထာꩻမာꩻမဲဉ်ႏမွေး၊ ဝင်ꩻတဲ့ ထာꩻမာꩻဖေႏကမဲဉ်ႏမွေးနဝ်ꩻ ဝွေꩻမာꩻ၊ ဝွေꩻထွဉ်ႏ။ ဝွေꩻနမ်းတဲ့ လွူးနမ်းမဲဉ်ႏမွေး၊ ဝင်ꩻတဲ့ လွူးနမ်းဖေႏကမဲဉ်ႏမွေးနဝ်ꩻ ဝွေꩻမာꩻ၊ ဝွေꩻထွဉ်ႏ၊ ဝွေꩻနမ်းတဲ့ ထာꩻကျိုꩻစာꩻမဲဉ်ႏမွေး၊ ဝင်ꩻတဲ့ ထာꩻကျိုꩻစာꩻဖေႏကမဲဉ်ႏမွေးနဝ်ꩻ ဝွေꩻမာꩻ၊ ဝွေꩻထွဉ်ႏ၊ ဝွေꩻနမ်းတဲ့ အွဉ်ႏသတိꩻမဲဉ်ႏမွေး၊ ဝင်ꩻတဲ့ အွဉ်ႏသတိꩻဖေႏကမဲဉ်ႏမွေးနဝ်ꩻ ဝွေꩻမာꩻ၊ ဝွေꩻထွဉ်ႏ၊ ဝွေꩻနမ်းတဲ့ သꩻစွူမဲဉ်ႏမွေး၊ ဝင်ꩻတဲ့ သꩻဖေႏကစွူမဲဉ်ႏမွေးနဝ်ꩻ ဝွေꩻမာꩻ၊ ဝွေꩻထွဉ်ႏ'ဝွေꩻယိုနဝ်ꩻ ရိုꩻဗာႏ'မျတ်ကယ်ꩻလဲဉ်းက လိုꩻမျတ်'နဝ်ꩻသွူ။(သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ အဋ္ဌင်္ဂိကသုတ်)[၁][၂]