မဉ်အုံလမ်းမဉ်တွိုႏလူꩻခမ်း

အဝ်ႏ ဝီခီပီးဒီးယား ကို

"ဝေဠုဒွါရေယျသုတ် (သမ်းမဉ်အုံဒျာႏလမ်း သမ်းမဉ်တွိုႏလူꩻခမ်း)"

အွိုးခꩻတလဲင်ႏ နီဗွေႏဘုရာꩻတွမ်ႏ တပဲ့ꩻသံဃာႏဖုံႏနောဝ်ꩻ ကျွꩻလွဉ်ကောသလခမ်း၊ တွိုႏလွေꩻခန်း "ဝေဠုဒွါရ-ပုဏ္ဏာꩻဒုံ"နောဝ်ꩻသွူ။ ဒုံသားဖုံႏ သဲစ်ကဟွုန် ဗွေႏဘုရာꩻတွမ်ႏ ဗွေႏသံဃာႏဖုံႏဖျော်တဲ့ အခိုပဉ်ဗူႏဗူႏ အမူႏပဉ်စွိုꩻစွိုꩻ သꩻသွိုꩻပျောႏသွင်ႏ ထင်ႏဝုဲင်ႏလွ ဗုဒ္ဓဗွေႏဘုရာꩻတွမ်ႏ ဗွေႏသံဃာႏသီးဖုံႏနောဝ်ꩻသွူ။ ပုဏ္ဏာꩻလိုꩻဒါႏ တကာႏတဖြာꩻ လောဝ်းနီဗွေႏဘုရာꩻနုဲင်းယို- "ဩဗွေႏ ဘုရာꩻမျတ်ဗွေႏဩ- လောဝ်းစွဉ်ႏစွဉ်ႏ-စွဉ်ႏဗွေႏနော၊ နီသွဉ်းသီးယိုနဝ်ꩻ မဉ်အုံဒျာႏလမ်း၊ မဉ်အုံထေ့စွူစွူဒျာႏ ပိုမာ၊ သံးမဉ်လꩻအာဒျာႏရွဉ်ခံꩻ၊ သမ်းမဉ်ခြွိုင်းတရေꩻဒျာႏနမ်း၊ သမ်းမဉ်အံႏအွီႏ အံႏဟောဝ်ဒျာႏထာꩻ၊ မဉ်ႏသီတဲ့ သမ်းမဉ်တွိုႏဒျာႏ လူꩻခမ်း၊ သမ်းငမ်းထဲ့ငါးရုဲင်ꩻ၊ အီႏမာꩻဗာႏနုဲင်းမုဲင်ꩻနဝ်ꩻဗွေႏ" "တကာႏပုဏ္ဏာꩻသီးဖုံႏဟွေး- သီကမဉ်ထွာအတွိုင်ꩻ၊ သီအလိုႏဆန္ဒ ဖေႏနေးကဗွေ၊ ခွေအီႏဟော်ꩻဖေႏသီတရာꩻ၊ နာႏလွသွော့ဟုဲင်း၊ "ဝင်ꩻမဉ်ႏမာꩻသီနီနဝ်ꩻ နီသꩻလျားဝင်ꩻ၊ နီမဉ်ႏမာꩻသီဝင်ꩻတဲ့ ဝင်ꩻသꩻလျားနီနေနေ"ယူႏနုဲင်းနဝ်ꩻတဲင် "မာꩻသီမွုန်းဝင်ꩻသက်နော"၊ "ဝင်ꩻတခွန်ꩻနီထာꩻနဝ်ꩻ နီလောႏကာႏ၊ နီတခွန်ꩻဝင်ꩻထာꩻတဲ့ ဝင်ꩻလောႏကာႏနေနေ"ယူႏနုဲင်းနဝ်ꩻတွော့ꩻ "တခွန်ꩻမွုန်း ဝင်ꩻတခြိုꩻ"နော။ "ဝင်ꩻမဉ်ႏပဲစ်မာႏ နီပိုမာတဲ့ နီသꩻဆာဝင်ꩻ၊ နီမဉ်ႏပဲစ်မာႏ ဝင်ꩻပိုမာတဲ့ ဝင်ꩻသꩻဆာနီနေနေ"ယူႏနုဲင်းနဝ်ꩻတဲင် "ပဲစ်မာႏမွုန်း ဝင်ꩻပိုမာ၊ ပဲစ်မာႏမွုန်း ဝင်ꩻပိုဝါꩻ"နော၊ "ဝင်ꩻမဉ်ႏလဲဉ်နီနဝ်ꩻ နီကေႏနပ်တဝ်း၊ နီမဉ်ႏလဲဉ်ဝင်ꩻ ဝင်ꩻကေႏနပ်တဝ်းနေနေ"ယူႏနုဲင်းနဝ်ꩻတွော့ꩻ "ဒေါ့ꩻလဲဉ်မွုန်းထာꩻ၊ လိန်ႏလဲဉ်မွုန်းတဝ်းပါꩻ"နော။ "ဝင်ꩻမဉ်ႏအံႏစာ နီမဉ်ꩻနဝ်ꩻ နီခံႏတဝ်း၊ နီမဉ်ႏအံႏစာ ဝင်ꩻမဉ်ꩻတဲ့ ဝင်ꩻခံႏတဝ်းနေနေ"ယူႏနုဲင်းနဝ်ꩻတဲင် "အံႏစာမွုန်းတဝ်း ဝင်ꩻမဉ်ꩻ"နော၊ "ဝင်ꩻမဉ်ႏခွန်းနီနဝ်ꩻ နီသꩻထန်ႏဝင်ꩻ၊ နီမဉ်ႏခွန်းဝင်ꩻတဲ့ ဝင်ꩻသꩻထန်ႏနီနေနေ"ယူႏနုဲင်းနဝ်ꩻတွော့ꩻ "ဒေါ့ꩻမွုန်းငေါဝ်းကျံꩻထံꩻ၊ ခွန်းမွုန်းတဝ်းဝင်ꩻ"နော။ "ဝင်ꩻမဉ်ႏလွဉ်ဒေါ့ꩻနီ ငေါဝ်းပစော့ꩻပနျꩻ-ငေါဝ်းခွဉ်ႏဆေ့ꩻခွဉ်ႏဆꩻနဝ်ꩻ နီကျွိုက်တဝ်း၊ နီမဉ်ႏလွေꩻဒေါ့ꩻဝင်ꩻငေါဝ်းပစော့ꩻပနျꩻ-ငေါဝ်းခွဉ်ႏဆေ့ꩻခွဉ်ႏဆꩻနဝ်ꩻ ဝင်ꩻကျွိုက်တဝ်းနေနေ"ယူႏနုဲင်းနဝ်ꩻတဲင် "ဒေါ့ꩻမွုန်းတောဝ်း ငေါဝ်းခွဉ်ႏဆေ့ꩻ"နော။ တကာႏပုဏ္ဏာꩻသီးဖုံႏဟွေး- ဗွေႏဘုရာꩻနဝ်ꩻ ဗွေတွမ်ႏဂွုဏ်ႏတောႏကွတ်ꩻပါꩻ၊ ယူႏနုဲင်းနဝ်ꩻတွော့ꩻ "ယွုမ်းခြေင်းခြဲ့သွော့ ဘုရာꩻ"နော၊ တရာꩻနဝ်ꩻ ဗွေတွမ်ႏဂွုဏ်ႏတောႏသူပါꩻ၊ ယူႏနုဲင်းနဝ်ꩻတဲင် "ယွုမ်းတဉ်ႏတွော့ꩻသွော့ တရာꩻ"နော၊ သံဃာႏနဝ်ꩻ ဗွေတွမ်ႏဂွုဏ်ႏတောႏကွတ်ꩻပါꩻ၊ ယူႏနုဲင်းနဝ်ꩻတွော့ꩻ ယွုမ်းခြောႏခြဲ့ꩻသွော့ သံဃာႏ"နော။ ဗွေႏဘုရာꩻဟော်ꩻဖေႏ နုဲင်းနဝ်ꩻတဲင် သꩻရောင်းသꩻရေꩻ "သာႏဓုငေါဝ်း"သင်ႏသန်မွေးစွဉ်ႏထာꩻနောဝ်ꩻသွူ။ (သုတ္တန်ႏပိဋကတ်၊ မဟာဝဂ္ဂသံယုတ်ပါဠိ၊ ဝေဠုဒွါရေယျသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. လိတ်ဗွောင်မဲ့နား(၄၂)
  2. ဗွေႏဗွန်-ကောဝိဒ(သီႏသဲင်ႏ)