မဉ်ႏမဲဉ်လꩻထာꩻအောင်ႏ

"မဉ်ႏမဲဉ်လꩻထာꩻအောင်ႏမျင်ႏနဝ်ꩻ လွူးဗာႏသꩻနုဲင်းယို" ပေါႏသဲင်ꩻလꩻလဲဉ်းလိုꩻဘဝနောဝ်ꩻ ဘဝယိုတဗာႏ ဖေႏကယံကျနောဝ်ꩻ နီနမ်းယို နီအီႏဒိုတောက်ꩻဖေႏ အလုဲင်ꩻနုဲင်းမုဲင်ꩻ၊ နီအီႏဗွောဖေႏ အပွုံႏနုဲင်းမုဲင်ꩻကရိုꩻနောဝ်ꩻ ဖေႏအပ်ခါꩻလဲဉ်း ဘဝဖေႏတာႏဝွန်ႏနောဝ်ꩻသွူ။ ပေါႏသဲင်ꩻထွာလဲဉ်းလိုꩻနောဝ်ꩻ လိုꩻတွမ်ႏတာႏဝွန်ႏယို ကင်ꩻလို့ဝင်ꩻ၊ ဖလို့ဝင်ꩻလꩻတောဝ်း၊ တာႏဝွန်ႏကရိုꩻနောဝ်ꩻ လမ်းကိုတာႏဝွန်ႏ၊ လိုꩻမုꩻတာႏဝွန်ႏ၊ ဘဝတာႏဝွန်ႏ၊ လိုꩻမျိုꩻတာႏဝွန်ႏ၊ ခမ်းထီတာႏဝွန်ႏဖုံႏနောဝ်ꩻသွူ။ နောဝ်ꩻမꩻ တာႏဝွန်ႏနုဲင်းဆꩻကီယိုဖုံႏနောဝ်ꩻ လိုꩻတွိုင်ႏစွုမ်ႏဖြာꩻ အီႏထူႏတာႏဝွန်ႏ ထိန်းထံႏလွေꩻဗာႏဒျာႏ ပငါပရာꩻ၊ ကွယ်ႏတွော့ꩻ နီကထူႏတာႏဝွန်ႏဒါႏ ထာꩻမာꩻတာႏဝွန်ႏယို အောဝ်ႏလိုႏထိန်းထံႏ မာꩻလွေꩻဖေႏတာႏဝွန်ႏကေႏကေႏ၊ နီကထူႏဒါႏ တာႏဝွန်ႏယို တာႏဝွန်ႏထူႏမုꩻ မဉ်ႏတကေႏတောဝ်းနောဝ်ꩻ တွမ်ႏနီတအွဉ်ႏတောဝ်းသစ္စာႏ ထာꩻမာꩻအလောင်းနောဝ်ꩻ ပီဝင်ꩻနောဝ်ꩻသွူ။ ကွပ်နောဝ်ꩻမꩻ နီတာႏဝွန်ႏထာꩻမာꩻအလောင်းယို အောဝ်ႏလိုႏအွဉ်ႏငါႏသစ္စာႏ၊ မဉ်ႏအွဉ်ႏသစ္စာႏမꩻ နီတာႏဝွန်ႏကေႏ၊ တာႏဝွန်ႏမဉ်ႏကေႏမꩻ အီႏထွာလွဉ် လိုꩻအမျာꩻအာႏကွိုꩻလꩻ လိုꩻယံလိုꩻကျနောဝ်ꩻသွူ။ ကမ္ဘာႏလောင်းယို လိုꩻတွိုင်ꩻစွုမ်ႏဖြာꩻ သက်ကအောဝ်ႏမွန်ဗန်နွောင်ꩻ၊ ကအောဝ်ႏတဉ်ႏခြွော့နွောင်ꩻနောဝ်ꩻ ကွပ်စွဉ်ႏနမ်းပငါပရာꩻ ဘဝထူႏတာႏဝွန်ႏမုꩻဒျာႏနောဝ်ꩻသွူ။ လိုꩻယို မဲဉ်မာꩻထာꩻမုဲင်ꩻမာꩻ တာႏဝွန်ႏမဉ်ႏကေႏတောဝ်းနောဝ်ꩻ ခံႏဗာႏအမျာꩻထီႏဖွီ၊ သွင်ꩻဖွီ၊ တနယ်ꩻမဉ်ႏဒေါ့ꩻဗာႏ တာႏဝွန်ႏကေႏတောဝ်းလိုꩻယို ထွာဒျာႏလိုꩻလွꩻ၊ လိုꩻသိုႏလိုꩻဖျင်ꩻ၊ လိုꩻသိုႏလိုꩻဖျင်ꩻယို ပါꩻမုဲင်ꩻလဲ့ တလိုႏတောဝ်း၊ တကျွိုက်တောဝ်း၊ လိုꩻသိုႏလိုꩻဖျင်ꩻယို ဖေႏစွဉ်ႏထာꩻမာꩻတာႏဝွန်ႏလဲ့ ထူႏနွောင်ꩻတောဝ်း ထာꩻမာꩻတာႏဝွန်ႏနောဝ်ꩻသွူ။ လိုꩻယို တလွစ်ကင်ꩻတောဝ်း တွမ်ႏထာꩻယပ်ꩻထာꩻခုဲင်ႏ၊ မဉ်ႏမော့ꩻတလူႏလွဉ်သွူ ထာꩻယပ်ꩻထာꩻခုဲင်ႏနောဝ်ꩻ ကာဗꩻလꩻလꩻသွော့ ထာꩻယပ်ꩻထာꩻခုဲင်ႏ၊ လိုꩻတဖြာꩻ အထီအသွီႏ အောဝ်ႏတခွိုင်းမုဲင်ꩻ မဉ်ႏမဲဉ်သေစဲစ်ဆေꩻ၊ မဉ်ႏမဲဉ်သေထွꩻနောဝ်ꩻ မဉ်ႏမော့ꩻထာꩻယပ်ꩻထာꩻခုဲင်ႏခိန်ႏမꩻ အီႏသေထွꩻနွောင်ꩻသွူ။ ထာꩻယပ်ꩻထာꩻခုဲင်ႏယို ငမ်းခရာႏမွေးတောဝ်း-လွူးသꩻနုဲင်းနောဝ်ꩻတွော့ꩻ အောဝ်ႏလိုႏတွူႏတရန် ကျိုꩻစာꩻလွေꩻနောဝ်ꩻသွူ။ ထာꩻယပ်ꩻထာꩻခုဲင်ႏယို ငမ်းခရာႏမွေးတောဝ်း မဲဉ်မာꩻထာꩻမုဲင်ꩻမာꩻ မဉ်ႏကာဗꩻနွောင်ꩻတောဝ်း ထာꩻယပ်ꩻထာꩻခုဲင်ႏနောဝ်ꩻ ကအီႏထွာလွဉ်ဗာႏ လိုꩻအထီအသွီႏဗွေနောဝ်ꩻ ထွာနွောင်ꩻတောဝ်း "သꩻ"ပညာႏသျင်ႏ ကဒေါ့ꩻဒါႏငေါဝ်းအလꩻ နီကတူႏခီးကိုနောဝ်ꩻ မုဲင်ꩻခါစွဉ်ႏလဲ့ တွမ်ႏသော့ꩻမွိုန်း ထာꩻသျွုတ်ထာꩻတရေင်၊ ထာꩻယပ်ꩻထာꩻခုဲင်ႏဖုံႏ၊ ကတူႏခီးကိုယို မဉ်ႏအွဉ်ႏသော့ꩻ ထာꩻယပ်ꩻထာꩻခုဲင်ႏဖုံႏနောဝ်ꩻ တနီꩻခါ နီအထီအသွီႏယို ထဲ့လင်ꩻထိုꩻဒါႏနောဝ်ꩻသွူ။ လိုꩻယို မဉ်ႏမော့ꩻလွဉ်ထာꩻယပ်ꩻထာꩻခုဲင်ႏနောဝ်ꩻ အဟောဝ်သွတ်ꩻ ကအီႏဖြေႏသျင်ꩻဒါႏ ထာꩻယပ်ꩻထာꩻခုဲင်ႏနောဝ်ꩻ အချက်အောဝ်ႏ (၅)ချက်- (၁) မဉ်ႏမော့ꩻလွဉ် ပျဿနာႏနောဝ်ꩻ ထုမ်ႏဗာႏအဖြေႏ။ (၂) ကာဗꩻလꩻလꩻ ထာꩻယပ်ꩻထာꩻခုဲင်ႏ။ (၃) ယံလွူးသွော့ သꩻသတ္တိꩻတသာ။ (၄) တွမ်ႏငမ်းမွိုန်း ထာꩻယပ်ꩻထာꩻခုဲင်ႏ။ (၅) ထာꩻယပ်ꩻထာꩻခုဲင်ႏယို မဲ့ꩻခွေအံႏစုဲင်ထဲင်း လွူးသေႏသေႏသွော့ သꩻဓာတ်နုဲင်းနောဝ်ꩻသွူ။ လောကကို လိုꩻယို မဲဉ်မာꩻထာꩻမုဲင်ꩻမာꩻ ကမာꩻလဲဉ်းထာꩻမာꩻနောဝ်ꩻ လိုꩻကလꩻလဲဉ်း အောင်ႏမျင်ႏမုꩻသားလဲ့အောဝ်ႏ၊ တလꩻတောဝ်းသားလဲ့အောဝ်ႏ လိုꩻကလꩻဒါႏ အောင်ႏမျင်ႏမုꩻသားနောဝ်ꩻ မဲဉ်မာꩻထာꩻမုဲင်ꩻမာꩻ အွဉ်ႏနယ်တွမ်ႏ ထာꩻမာꩻသက်သေႏ၊ ဒေါ့ꩻအတွိုင်ꩻမာꩻ မာꩻအတွိုင်ꩻဒေါ့ꩻ (လိုꩻကထဲ့သွုမ်ꩻသားနောတ်ꩻ ထာꩻချင်းခေႏ၊ ထာꩻသေဉာဏ်ႏဆေ့ꩻ၊ လိုꩻကလꩻဒါႏ အောင်ႏမျင်ႏမုꩻသားနောဝ်ꩻ ထာꩻချင်းခေႏ၊ ထာꩻသေဉာဏ်ႏအောဝ်ႏ၊ မဲဉ်မာꩻထာꩻမုဲင်ꩻမာꩻ မာꩻပရီႏပရာႏတောဝ်း ဆွုံꩻဖျတ်မွိုင်ကြွိုင်ဒါႏတောဝ်း သꩻမဉ်ႏမဲဉ်ထွာ လိုꩻအောင်ႏမျင်ႏသားတဖြာꩻနောဝ်ꩻ နီဘဝ နီထာꩻမာꩻတာႏဝွန်ႏ၊ နီနမ်းကျင်ꩻတရာꩻနဝ်ꩻ အွဉ်ႏတန်ႏဖိုꩻ အောဝ်ႏလိုႏကျိုꩻစာꩻလွေꩻနောဝ်ꩻသွူ။ ဖေႏကလꩻ အောင်ႏမျင်ႏမုꩻနောဝ်ꩻ နီရေႏမိုးချက်ယို အွဉ်ႏတဉ်ႏတဉ်ႏခွေါင်ခွေါင်ဗာႏ၊ သꩻဝင်ႏစာꩻဗာႏထာꩻမာꩻ၊ လွူးဗာႏတောဝ်း သꩻသျွုတ်သꩻတရေင်၊ လွူးဗာႏသꩻပျောႏသွင်ႏမုꩻ မဉ်ႏမာꩻထာꩻလဲ့ သꩻပါဗာႏ၊ ရုဲင်ꩻတသွိုးမုꩻ မွိုင်ဖွီဗာႏ၊ ထာꩻမာꩻတန်ႏဖိုꩻယို နီအောဝ်ႏလိုႏသေနာႏ၊ မဉ်ႏသေနာႏထာꩻမာꩻတန်ႏဖိုꩻမꩻ နီကမာꩻဒါႏ ထာꩻမာꩻယို အီႏတိုꩻတက်ထင်ႏထိုအမန်ႏ၊ လွူးသွော့သꩻနုဲင်းနောဝ်ꩻတွော့ꩻ အောဝ်ႏလိုႏကျိုꩻစာꩻလွေꩻအကျောင်ꩻ-