မာꩻတဝ်းကုသိုလ်ႏ

"ဘဒ္ဒကသုတ် (မာꩻတဝ်းကုသိုလ်ႏ ထွာတဝ်းထာꩻသီဟောဝ်၊ မာꩻဒျာႏကုသိုလ်ႏ ထွာဒျာႏထာꩻသီဟောဝ်)" အွိုးခꩻတလဲင်ႏ- ဗွေႏသာရိပုတ္တရာႏဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို- ဗွေႏပေႏသီးဖုံႏဟွေး- ၁။ သာႏသနာႏကိုယို ရဟန်ꩻ(တပါꩻ)နဝ်ꩻ ပျောႏလွဉ်ꩻမွိုင်းဒျာႏထာꩻမာꩻ၊ အခိန်ႏလို့မွိုင်းဒျာႏ တွမ်ႏထာꩻမာꩻနဝ်ꩻ (တွိုႏကုသိုလ်ႏနဝ်ꩻ မာꩻတဝ်း)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာတဝ်းထာꩻသီဟောဝ်။ ၂။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻဒျာႏထာꩻဒေါ့ꩻ၊ အခိန်ႏလို့မွိုင်းဒျာႏတွမ်ႏထာꩻဒေါ့ꩻ၊ (မာꩻတဝ်းကုသိုလ်ႏ)၊ ရဟန်ꩻနဝ်ꩻ အမဉ်ႏသီနဝ်ꩻ ထွာတောဝ်းထာꩻသီဟောဝ်။ ၃။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻဒျာႏတွမ်ႏထာꩻဗေင်ႏ၊ အဝ်ႏဗေင်ႏမွိုင်းဒျာႏထာꩻ၊ (မာꩻတဝ်းကုသိုလ်ႏ)၊ အမဉ်ႏသီနဝ်ꩻ ထွာတောဝ်းထာꩻသီဟောဝ်။ ၄။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻဒျာႏတွမ်ႏအသွꩻ၊ အခိန်ႏလို့ခြေင်ဒျာႏတွမ်ႏအသွꩻ (မာꩻတဝ်းကုသိုလ်ႏ)၊ ရဟန်ꩻနဝ်ꩻ အမဉ်ႏသီနဝ်ꩻ ထွာတောဝ်းထာꩻသီဟောဝ်။ ၅။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻဒျာႏထာꩻရော်ꩻရယ်ꩻ (ထွား၊ နာႏ၊ ဒေါ့ꩻ၊ အံႏ၊ ခွေါင်း)ငတ်ꩻမျိုꩻ၊ အခိန်ႏလို့ဒျာႏ တွမ်ႏနဝ်ꩻငတ်ꩻမျိုꩻ၊ (မာꩻတဝ်းကုသိုလ်ႏ)၊ ရဟန်ꩻနဝ်ꩻ အမဉ်ႏသီနဝ်ꩻ ထွာတဝ်းထာꩻသီဟဝ်။ ၆။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻဒျာႏ ပပဉ္စတရာꩻသွံပါꩻ (တဏှာႏ၊ မာႏန၊ ဒိဋ္ဌိ)၊ အခိန်ႏလို့ဒျာႏ တွမ်ႏတရာꩻမာꩻဆွာꩻ သံသရာႏနဝ်ꩻတဲင် (မာꩻတဝ်းကုသိုလ်ႏ)၊ ရဟန်ꩻနဝ်ꩻ အမဉ်ႏလွဉ်ႏနဝ်ꩻ ကုသိုလ်ႏကံႏ တပါတဝ်း၊ ထွာတဝ်းထာꩻသီဟောဝ်၊ ရဟန်ꩻနဝ်ꩻနဝ်ꩻ 'ပျောႏလွဉ်ꩻဒျာႏ (သက္ကာယ)ခန္ဓာႏငတ်ꩻပါꩻ၊ တစွဉ်ꩻနွောင်ꩻတဝ်းခန္ဓာႏ'ရိုꩻဗာႏနုဲင်းနောဝ်ꩻသွူ။ ဗွေႏပေႏသီးဖုံႏဟွေး- ၁။ သာႏသနာႏကိုယို ရဟန်ꩻ(တပါꩻ)နဝ်ꩻ ပျောႏလွဉ်ꩻတဝ်းထာꩻမာꩻ၊ အခိန်ႏလို့ခြေင်တဝ်းတွမ်ႏထာꩻမာꩻ၊ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာဒျာႏထာꩻသီဟောဝ်။ ၂။ သာႏသနာႏကိုယို ရဟန်ꩻနောဝ်ꩻ ပျောႏလွဉ်ꩻတဝ်းထာꩻဒေါ့ꩻ၊ အခိန်ႏလို့ခြေင်တောဝ်း တွမ်ႏထာꩻဒေါ့ꩻ၊ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာဒျာႏထာꩻသီဟောဝ်။ ၃။ သာႏသနာႏကိုယို ရဟန်ꩻနောဝ်ꩻ ပျောႏလွဉ်ꩻတဝ်းထာꩻဗေင်ႏ၊ အခိန်ႏလို့ခြေင်တဝ်း တွမ်ႏထာꩻဗေင်ႏ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာဒျာႏထာꩻသီဟောဝ်။ ၄။ သာႏသနာႏကိုယို ရဟန်ꩻနောဝ်ꩻ ပျောႏလွဉ်ꩻတောဝ်းအသွꩻ၊ အခိန်ႏလို့ခြေင်တောဝ်းတွမ်ႏအသွꩻ၊ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာဒျာႏထာꩻသီဟောဝ်။ ၅။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻတဝ်း ထာꩻရော်ꩻရယ်ꩻငတ်ꩻမျိုꩻ၊ အခိန်ႏလို့ခြေင်အီတဝ်းတွမ်ႏနဝ်ꩻငတ်ꩻမျိုꩻ၊ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻနဝ်ꩻ အမဉ်ႏသီနဝ်ꩻ ထွာဒျာႏထာꩻသီဟောဝ်။ ၆။ သာႏသနာႏကိုယို ရဟန်ꩻနဝ်ꩻ ပျောႏလွဉ်ꩻတဝ်း ပပဉ္စတရာꩻသွံပါꩻ၊ အခိန်ႏလို့ခြေင်အီတောဝ်းတွမ်ႏ တရာꩻနဝ်ꩻသွံပါꩻ၊ (မာꩻပါဒျာႏကုသိုလ်ႏ)၊ ရဟန်ꩻနဝ်ꩻ အမဉ်ႏလွဉ်ႏနဝ်ꩻ ကုသိုလ်ႏပါဒျာႏ၊ ထွာဒျာႏထာꩻသီဟောဝ်၊ ရဟန်ꩻနဝ်ꩻနဝ်ꩻ 'ပျောႏလွဉ်ꩻတဝ်းခန္ဓာႏ၊ စွဉ်ꩻနွောင်ꩻဒျာႏခန္ဓာႏ'ရိုꩻဗာႏနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ ဘဒ္ဒကသုတ်) လိုꩻတွိုင်ꩻဖေႏကသေနာႏ တဲမ်းဗာႏနုဲင်းယိုသွူ။