မာꩻဒုက္ခနမ်း-မာꩻဒုက္ခဝင်ꩻ
"အတ္တန္တပသုတ် (မာꩻဒုက္ခနမ်း-မာꩻဒုက္ခဝင်ꩻ)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို- ရဟန်ꩻသီးဖုံႏဟွေး- လောကကိုယို ပုဂ္ဂိုလ်ႏအောဝ်ႏလစ်ꩻဖြာꩻ၊ လစ်ꩻဖြာꩻကရိုꩻနောဝ်ꩻ- ၁။ ဧကစ္စော အတ္တန္တပေါ ဟောတိ- လိုꩻယင်ဟန်ႏနဝ်ꩻ မာꩻဒုက္ခအနမ်း။ ၂။ ဧကစ္စော ပရန္တပေါ ဟောတိ- လိုꩻယင်ဟန်ႏနဝ်ꩻ မာꩻဒုက္ခဝင်ꩻ။ ၃။ ဧကစ္စော အတ္တန္တပေါ စ ဟောတိ ပရန္တပေါ စ- လိုꩻယင်ဟန်ႏနဝ်ꩻ မာꩻဒုက္ခအနမ်းယင်၊ မာꩻဒုက္ခဝင်ꩻယင်။ ၄။ ဧကစ္စော နေဝတ္တန္တပေါ ဟောတိ န ပရန္တပေါ- လိုꩻယင်ဟန်ႏနဝ်ꩻ နမ်းတဲ့မာꩻဒုက္ခတဝ်း၊ ဝင်ꩻတဲ့ မာꩻဒုက္ခတောဝ်း။ လောကကိုယို ပုဂ္ဂိုလ်ႏအောဝ်ႏလစ်ꩻဖြာꩻ နုဲင်းနောဝ်ꩻသွူ။ ရဟန်ꩻသီးဖုံႏဟွေး- ၁။ လောကကိုယို ပုဂ္ဂိုလ်ႏယင်ဟန်ႏနဝ်ꩻ ကွဉ်ကꩻတောဝ်းခွမ်ꩻလာꩻ၊ အုံတလီꩻဒျာႏထာꩻ၊ ခြင်ဒျာႏအနမ်း၊ ခံႏအုံမစွဉ်ႏဒဲဉ် တနီꩻနီနီꩻ၊ အံႏကွို့ꩻမီꩻနုဲင်းဖိုး၊ အံႏကွို့ꩻဒဲဉ်ခို့ခယ်ႏ၊ ဗေင်ႏဒင်ႏထာꩻဆူႏပုံ၊ အုံဒင်ႏထာꩻဆူႏလောင်း-စတဲင်နုဲင်းနဝ်ꩻဖုံႏနဝ်ꩻ 'လိုꩻမာꩻဒုက္ခအနမ်း'ဖုံႏသွူ။ ၂။ လောကကိုယို လိုꩻယင်ဟန်ႏနောဝ်ꩻ မာꩻသီဗဲ၊ မာꩻသီဖိုး၊ မာꩻသီပနား၊ မာꩻသီပနား၊ မာꩻသီဝါး၊ မာꩻသီထော့ꩻ၊ မာꩻသီထ၊ မာꩻသီဆျာ၊ တခွန်ꩻဒါႏထာꩻ၊ စွန်ဒါႏထာꩻ၊ မာꩻသီဒါႏပꩻ၊ လိုꩻကျံꩻလိုꩻကုဲင်-စတဲင် လိုꩻကအံႏနွောင်ꩻဒါႏဝင်ꩻ၊ လိုꩻကနိစ္စက်ဒါႏဝင်ꩻဖုံႏနဝ်ꩻ 'လိုꩻမာꩻဒုက္ခဝင်ꩻ'ဖုံႏသွူ။ ၃။ လောကကိုယို လိုꩻယင်ဟန်ႏနဝ်ꩻ ထွာခွန်တဲ့ယဝ်း၊ ထွာပုဏ္ဏာꩻ လိုꩻခြွေတဲ့ယဝ်း၊ စူꩻလွဉ်ꩻတဏှာႏရာႏဂတဲင် မာꩻပွယ်ꩻပျောႏတခြာကို၊ မာꩻသီဖိုးတင်ႏလူꩻ၊ အံႏဖိုးယာႏ၊ မာꩻဒေါဝ်ကပ်ꩻ၊ အွꩻဒေါဝ်၊ မွန်ꩻဒေါဝ်၊ လွူꩻလိုꩻမူႏ၊ သူႏသေသူႏနားဒွုမ်၊ ဗေင်ႏသို့ꩻ၊ ဗင်ႏပြာႏ၊ မွန်ꩻသူႏရာႏ၊ အံႏနွောင်ꩻအလိုꩻ၊ နိစ္စက်အလိုꩻ-စတဲင်နဝ်ꩻဖုံႏနဝ်ꩻ 'မာꩻဒုက္ခနမ်းယင်၊ မာꩻဒုက္ခဝင်ꩻယင်'နောဝ်ꩻသွူ။ ၄။ လောကကိုယို လိုꩻယင်ဟန်ႏနဝ်ꩻ ရိုႏသေႏဒျာႏဘုရာꩻ တရာꩻ သံဃာႏ၊ နာႏကုဲင်းဒျာႏတရာꩻ၊ မဉ်ဗုဲင်ဒျာႏသျင်ႏ၊ မဉ်ခံႏဒျာႏစင်ꩻ၊ ယင်ဟန်ႏနဝ်ꩻ ဗုဲင်မွေးရဟန်ꩻ၊ ရိုႏသေႏသိက္ခာႏပုဒ်၊ နေးဒျာႏတွမ်ႏမတ္တာႏ၊ ကရုဏာႏ၊ အုံဒျာႏတွမ်ႏဣန္ဒြေႏ၊ နမ်းယေန်ႏကေႏ၊ ဖြောင်းယေန်ႏကေႏ၊ သꩻယေန်ႏကေႏ၊ မာꩻယပ်ꩻတဝ်းလိုꩻ၊ မာꩻဒုက္ခတောဝ်းတိရစ္ဆာန်ႏ၊ အားထွုတ်ဒျာႏတရာꩻ မာꩻဒုက္ခကုသိုလ်ႏ၊ ထွာအရိယာႏပုဂ္ဂိုလ်ႏ၊ ထွာရဟန္တာႏ-စတဲင်နဝ်ꩻဖုံႏနဝ်ꩻ 'နမ်းတဲ့ မာꩻဒုက္ခတ်း၊ ဝင်ꩻတဲ့ မာꩻဒုက္ခတဝ်း'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ အတ္တန္တပသုတ်)[၁][၂]