မီႏတွိုႏ ၂၀၀၅ နဝ်ꩻ
"မီႏတွိုႏ ၂၀၁၅ နဝ်ꩻ" မီႏတွိုႏ ခရာဇ်နေင်ႏ ၂၀၁၅-ဗာႏသူꩻနဝ်ꩻ ထွို့ꩻဗူႏအိုပ်ချုက်ပုံႏ အခေႏခံႏ ဥပဒေႏအလꩻ ပထမအလဲင်ႏ လွတ်တောႏအစွိုးစွိုးဖုံႏနဝ်ꩻ သက်တန်ꩻလို့ထိုꩻတဲင် အီႏလွိုက်ရွေꩻဗာႏဖျင် လွတ်တောႏအစွိုးစွိုးဖုံႏသွူ။ ကအီႏလွိုက်ရွေꩻဒါႏ လွတ်တောႏအစွိုးစွိုးယိုနဝ်ꩻ နယ်ႏအလွောက်ꩻ နဲင်ႏငံႏရေꩻပါတီသားဖုံႏ အီႏနွို့ပြဲင်ႏလွဝင်ꩻဖုံႏသွူ။ ပအိုဝ်ႏနမ်းပဲင်ႏအုပ်ချုက်ခွင်ꩻလꩻ ပင်လောင်ꩻ၊ သီႏသဲင်ႏ၊ ဟိုပုံꩻ သိုမ်ဝေင်ꩻနယ်ႏကိုယိုနဝ်ꩻ ပအိုဝ်ႏနဲင်ႏငံႏရေꩻပါတီတောမ်ႏ ကြံ့ခိုင်ရေးပါတီ၊ အန်အယ်လ်ဒီပါတီဖုံႏ၊ ဖြဝ်ꩻကျားဖြူပါတီဖုံႏ အီႏနွို့ပြဲင်ႏလွဉ်အခေႏနေႏ အဝ်ႏနဝ်ꩻသွူ။ ယိုခါ ၂၀၁၄-နွို့စလဲဉ်းသွူတဲင် မီႏတွိုႏ ၂၀၁၅-မဲးပွယ်ꩻသူꩻနဝ်ꩻ ပအိုဝ်ႏလိုꩻမျိုꩻတဖြာꩻအနေႏ အီႏသော့ꩻဗာႏ ပါꩻမုဲင်ꩻမဲးနဲးကရိုꩻနဝ်ꩻ အဝ်ႏလိုႏစဉ်ꩻစာꩻ၊ အဝ်ႏလိုႏဆွုံꩻဖျတ်သေꩻခါꩻလဲဉ်း သꩻကိုသွူ။ နီပအိုဝ်ႏနဝ်ꩻ နမ်းပဲင်ႏအိုပ်ချုက်ခွင်ꩻလꩻလဲဉ်းတဲင် ပအိုဝ်ႏနမ်းပဲင်ႏ အိုပ်ချုက်ခွင်ꩻလꩻ သိုမ်ဝေင်ꩻနယ်ႏအကိုယိုနဝ်ꩻ ပအိုဝ်ႏနဲင်ႏငံႏရေꩻပါတီ အမတ်မီႏနွောင်ꩻမꩻ နီပအိုဝ်ႏလိုꩻမျိုꩻယို မဲ့ငါတရေꩻ ဂုဏ်ႏသိက္ခာႏအီႏအဝ်ႏ၊ လွောင်ႏဗူႏညီႏညွတ်မုအဝ်ႏ ရိုꩻဗာႏနုဲင်းနဝ်ꩻသွူ။ နဝ်ꩻမꩻ မီႏတွိုႏ ၂၀၁၅-အစွိုးစွိုး လွိုက်ရွေꩻပွယ်ꩻသူꩻ နီသွုန်ႏသꩻရာႏခါႏ မဲးတဗာႏယို ဖေႏကထွာဒျာႏ ပအိုဝ်ႏတာႏနဝ်ꩻ သက်(၁၈)နေင်ႏဗွေ ပအိုဝ်ႏစွုမ်ႏဖြာꩻ ဖေႏကသော့ꩻဗာႏမဲးနဝ်ꩻ ယိုခါခါ မတ်ပုံတင် မီႏအဲဉ်ထဝ်းဒွိုန်းလဲ့ အဝ်ႏလိုႏမာꩻခါꩻလဲဉ်းသွူ။ ဝင်ꩻမီႏလောဝ်းအွဉ်ႏဟွုန်လွဉ်သွူ ကအီႏနွို့ပြဲင်ႏဒါႏ အမတ်လောင်ꩻစာႏရင်ꩻနဝ်ꩻ နီပအိုဝ်ႏလိုꩻမျိုꩻယို အီႏသော့ꩻဗာႏ မဲးအမဉ်ꩻမုဲင်ꩻ၊ တံꩻဆိတ်နုဲင်းမုဲင်ꩻ၊ အီႏကဲတ်ꩻဗာႏအကွက်မုဲင်ꩻ၊ အီႏကဲတ်ꩻဗာႏအပွုံႏမုဲင်ꩻကရိုꩻယို မီႏတသေတဝ်းလဲ့ အဝ်ႏလိုႏရီသေꩻခါꩻ ဝင်ꩻကေားကသေသားသွူ။ အတ်ႏသော့ꩻဒျာႏလဲ့ လွေꩻကဲတ်ꩻမာႏထိုꩻ ဝင်ꩻအမတ်ကွက်ကိုလဲ့နဝ်ꩻ၊ အမတ်ကွက်နဝ်ꩻ မဲဉ်ႏဒျာႏလဲ့ ကဲတ်ꩻဗာႏထိုꩻအကွက်ဗောင်လဲ့နဝ်ꩻ၊ နီလိုꩻမျိုꩻအတာႏ မဲးယောမ်ꩻထိုꩻသွူ။ ကွပ်နဝ်ꩻမꩻ အဝ်ႏလိုႏလွိုက်မဲဉ်ႏမဲဉ်ႏ အမတ်မဉ်ꩻ၊ အဝ်ႏလိုႏကဲတ်ꩻမဲဉ်ႏမဲဉ်ႏ အခင်ႏလမ်းစတဲင် အဝ်ႏလိုႏသေငါႏအကျောင်ꩻ ဖေႏသတိꩻလွေꩻသေꩻခါꩻဗာႏ ပအိုဝ်ႏသီးသွူ။[၁][၂]