ယ
ငေါဝ်း(ယ) ၁။ ယထာ ဝါဒီ တထာကာရီ - ဒေါ့ꩻအတွိုင်ꩻ မာꩻလွဉ်ꩻသွော့။ ၂။ ယလဲင်ႏ လိုႏခွုမ်ပတီꩻ၊ ယလဲင်ႏလဲင်ႏ လိုႏပီꩻတနတ်။ ၃။ ယာ-ဒဝ်-ကုတ်ဖုဲင်း၊ ယွိုန်းသျောင်ႏလုဲင်း၊ ပီနုဲင်းရူးတွမ်ႏမေႏ။ ၄။ ယားကုဲင်နꩻသို အောဝ်ႏဝါႏမဲ့၊ ယားကုဲင်လိုꩻတဲ့ ဒဝ်တွမ်ႏယာ ထာꩻတောႏလောင်ꩻပါ ကုတ်ကိတ်ဖုဲင်း။ ၅။ ယာႏခြုက်ခြက်နုဲင်းရင်ႏ၊ ယာႏခြုံႏခြင်ႏနုဲင်းလျံꩻ(လုံး)။(သဲ့ꩻသွမ်ꩻချာ ချꩻဖွိုႏချာ အနမ်းကြိုခန္ဓာႏ။) ၆။ ယာႏထွာလုံႏ၊ လွိုင်ႏအာငါႏ။(လိုꩻချင်ꩻချင်ꩻ ထွာချာဝင်ꩻရန်ႏသူႏ။) ၇။ ယာႏဒျာႏ ထွာချာလုံႏ။(ယာႏထွာလုံႏ)လိုꩻအကိုချင်ꩻချင်ꩻ ကကုဲင်ပဲစ်ꩻစီႏဗာႏနဝ်ꩻ လိုꩻအကို လိုꩻအချင်ꩻချင်ꩻ ယားချာဒျာႏ၊ လိုꩻအကို ထွာချာရန်ႏသူႏ။) ၈။ ယူးငမ်း ညောဝ်ႏ၊ ညောဝ်ႏ ငမ်းထွီႏ၊ ထွီႏငမ်း ကေ။ ၉။ (က) ယူးတန် ယူးထို၊ လိုꩻတန် လိုꩻဖ၊ (ခ) ယူးတန် ယူးဖ၊ ဝါးတန် ဝါးကျောင်ႏ(ဝါးဖြဲ)။ ၁၀။ ယူးတန် ယူးယာ၊ ဝါးတန် ဝါးကျောင်ႏ(ဝါးဖ၊ ဝါးဖြယ်။)(ယိုသွံပွုက် ပိုလီꩻသီး တပဲ့ꩻတပန်ꩻသီး ကထင်ႏတန်လွဉ်နဝ်ꩻ တောႏလမ်းတောႏပါႏ၊ တောႏကျောင်ꩻတောႏကန်ႏ၊ ဖဖြယ်အုံထန်ႏခေါ်ထိုꩻ။) ၁၁။ ယူးနဝ်ꩻ ညောဝ်ႏအံႏ၊ ထပေႏနောဝ်ꩻ ထတန်အံႏ။ ၁၂။ ယူးအာ ယူးအိုဖွိုꩻ။ ၁၃။ ယူႏပက်ရီးမꩻ ချမ်ꩻသာႏဆုဲင်ꩻ။ ၁၄။ ယုဲင်ယွိုင်ꩻေြပာင်ꩻသေႏ ဗွိုန်မို့ꩻအေႏ။ ၁၅။ ယုဲင်ꩻထီတသဲင်တောဝ်း၊ ရွဉ်တခြေားတောဝ်း။(နီလိုꩻသီးယိုနောဝ်ꩻ ပေါ်ꩻအောဝ်ႏကျိုꩻစာꩻလုပ်ꩻမာꩻ ထုမ်ႏကျံႏခါ မုဲင်ꩻခါခါလဲ့ တအံႏမနွောင်ꩻတောဝ်း။) ၁၆။ ယို့ ကျင်ႏသေင်ႏ တလိန်ႏဒါႏလဲင်း။(ဒါႏသေကျင်ႏလျင်ႏ စွဉ်ꩻဆောင်ႏကျယံ ထွာခန်းပညာႏသျင်ႏတန်တဲ့ယဝ်း အမာႏအတရွို့ꩻ ချို့ꩻယွင်ꩻလွစ်ကင်ꩻကြွို့ꩻတဝ်း သတိကုဲင်ဒါႏလွဉ်းလွဉ်း။) ၁၇။ ယို့စူ လွစ်သေင်ႏပင်၊ ယူးခန်လဲ့ မလꩻ၊ နꩻမွူးလဲ့ထိုꩻမား၊ ထွားဒျာႏထာꩻ အလကား။ ၁၈။ ယို့တဗာႏ ချာႏတဖုံႏ။(တဖြာꩻတွမ်ႏဝင်ꩻအမျာꩻတဖုံႏ၊ နီလိုꩻဆေ့ꩻ ဝင်ꩻလိုꩻအာ နွောင်ꩻတဝ်းဝင်ꩻ။) ၁၉။ ယို့ တလဲတ်ꩻသေင်ႏပင်။(အာႏကွိုꩻအာႏထာꩻ လျာမဲ့ ထီႏတောႏခရာႏ အဲဉ်ထောဝ်း။) ၂၀။ ယို့မဲ့ နျာႏ၊ ချာႏမဲ့ ဖွော့။(လိုꩻညမ်းဖျင်ꩻ တဟုံဟင်တောဝ်းနုဲင်းနုဲင်း မော့ꩻလွဝင်ꩻ။) ၂၁။ ယို့မဲဉ်ႏလဲ့ ငထဲ့ဒါႏသေင်ႏ၊ လုံးမဲဉ်ႏလဲ့ တꩻလိန်ႏဒါႏကောင်။(နီလိုꩻယိုနဝ်ꩻ တမာႏဒါႏတဝ်း တအဲဉ်ထဝ်း၊ မာႏဒါႏလွဉ်းလွဉ်း။) ၂၂။ ယံထွာဗာႏသေႏ လိုꩻပေႏပန်၊ အွဉ်ႏဟန်ဟန်သꩻ နုဲင်းခွန်ေဝဿန်ႏ။ ၂၃။ ယမ်းကောင် ယံကဖဲင်း၊ ယမ်းလဲင်း ယံကပြင်ꩻ။ ၂၄။ ယမ်းကောင် ခင်ႏကာထဲင်း၊ ယမ်းလဲင်းလဲ့ ခင်ႏဒွိုႏမင်ꩻ။ ၂၅။ ယမ်းဗာႏရီး ဟံႏ၊ အံႏဗာႏရီး ဒဲဉ်။(ဝင်ꩻတန်လဲဉ်းနီ၊ ဒါႏသေလဲဉ်းနီ၊ ဗဟုသုတ အောဝ်းလဲဉ်းနီ။) ၂၆။ ယဝ်ꩻထိုꩻမား ဟောင်ဗာႏ၊ အုပ်ꩻငါႏလဲ့ အသောႏထိုꩻ။ ၂၇။ ယိန်းကေန်ꩻကေန်ꩻ-ယိန်းမဲဉ်ခဲဉ်ꩻ၊ ယိန်းခြောခြော ယိန်းယောယော။(တွိုႏစင် ကညမ်းထွူလဲ့ ယိန်းခဲဉ်ꩻညမ်းထဲင်းထဲင်း။) ၂၈။ ယိန်းခဲဉ်ꩻခဲဉ်ꩻ ယိန်းမဲဉ်ꩻမဲဉ်ꩻ၊ ယိန်းလွိုင်ႏလွိုင်ႏ ယိန်းခြွိုင်းခြွိုင်း။(တွိုႏစင် ကယံကျထွူလဲ့ ယိန်းခဲဉ်ꩻ ယံကျထဲင်းထဲင်း။) ၂၉။ ယိန်းထွို့ꩻ ယိန်းေဒါ့ꩻ၊ ယိန်းကြော့ꩻ ယိန်းထို။ ၃၀။ ယိန်းအောဝ်ႏ ယိန်းတခြောဝ်ႏ၊ ယိန်းငထောဝ်း ယိန်းတဖြောဝ်း။ ၃၁။ ယုက်မꩻ ထင်ႏ၊ ပင်ႏမꩻ ထို။ ၃၂။ ယုက်လဲ့ ထင်ႏ၊ ပင်ႏလဲ့ ထို။ ၃၃။ ယေန်ႏကေႏ ထာꩻဒေါ့ꩻ၊ ထွားရော့ꩻ ခွမ်ꩻလာꩻ၊ အမျာꩻ နိစ်သက်။ ၃၄။ ယောက်တဝ်းလာꩻလာꩻ နမ်းအဝ်ႏတဲင်၊ လဲဉ်တဝ်းလာꩻလာꩻ နမ်းအဝ်ႏတံꩻ။ ၃၅။ ယောင်ꩻကရွူး ထုဲႏဒဲဉ်စုဲ၊ ယောင်ꩻတကုဲင် ထုဲင်ႏဒဲဉ်ဖို့ꩻ၊ ပါꩻမုဲင်ꩻထီႏ ပါꩻမုဲင်ꩻပသို့ꩻ။ ၃၆။ ယောင်ꩻကရွူး ထုဲႏဒဲဉ်စုဲ၊ ယောင်ꩻတကုဲင် ထုဲင်ႏဒဲဉ်မမ်း၊ ပါꩻမုဲင်ꩻထီႏ ပါꩻမုဲင်ꩻစန်း။ ၃၇။ ယောင်ꩻကရွူး နုဲင်းသဲင်ꩻသေင်ႏတနို့ကောင်ဖဲင်၊ နုဲင်းသဲင်ꩻသေင်ႏသဲင် ကောင်ေလာင်း။ ၃၈။ ယောင်ꩻကရွူး လွိုးတဗေႏ၊ ခေႏတကုဲင်။ ၃၉။ ယောင်ꩻဆင်ꩻနောဝ်ꩻ သာမည၊ ပညာႏထာꩻသေနောဝ်ꩻ မူလ။ ၄၀။ ယောင်ꩻတဗွိုး၊ လွိုးတဗေႏ၊ ခေႏတကုဲင်။ ၄၁။ ယွားတထာဝါႏ၊ ကာႏတထာသေင်ႏ။ ၄၂။ ယွုမ်းအံႏတဲင် နွို့မေႏ မေႏခိုး၊ ယမ်းထာꩻဆူႏ ထာꩻဆူႏဆော့ꩻ၊ လွေꩻထေ့ကေ ကေအဲင်ႏ၊ လွေꩻထေ့ဖိုး ဖိုးထောင်း။ ၄၃။ ယွုမ်းကြိုမꩻ ထန်ႏဗွိုန်ႏခမ်း၊ ယွုမ်းနမ်းမꩻ ကာႏဗွိုန်ႏထီ။ ၄၄။ ယွုမ်းယောင်ꩻ နုဲင်းထထီထင်ႏ၊ မင်ႏယောင်ꩻ နုဲင်းထထီတန်။ ၄၅။ ယွုမ်းအံႏပေႏတင်ႏဖြန်၊ ယွုမ်းအံႏဗန် မွ။ ၄၆။ ယွိုက်ꩻငါႏမွိုန်းတောဝ်းဒွုမ် နုဲင်းကြေ့ꩻ။[၁][၂][၃]