ယူႏလꩻထာꩻသီတွိုႏအီနိဗ္ဗာန်ႏ

"ပဌမ မရဏဿတိသုတ် (ယူႏလꩻထာꩻသီ-တွိုႏအီနိဗ္ဗာန်ႏ)" ရဟန်ꩻသီးဖုံႏဟွေး- 'ယူႏလꩻထာꩻသီ-မရဏဿတိ'ကမ္မဋ္ဌာန်ꩻယို မဉ်ႏပွါꩻမျာꩻအာအာ၊ မဉ်ႏလꩻသေႏသေႏနားနားနောဝ်ꩻ အကျိုꩻတန်ငါႏ၊ အဝ်ႏသွုပ်ငါငါ၊ တနꩻလွေꩻနိဗ္ဗာန်ႏသူꩻ၊ တွိုႏအနာလွို တွိုႏစွဉ်ႏနိဗ္ဗာန်ႏ၊ ကွပ်နဝ်ꩻမꩻ လွꩻမွုန်းလာꩻလာꩻ၊ အားထွုတ်ပွါꩻမျာꩻ မရဏဿတိကမ္မဋ္ဌာန်ꩻနဝ်ꩻဟုဲင်း"နီဗွေႏဘုရာꩻ ထွဉ်ႏမာꩻ၊ ထွဉ်ႏပွါꩻမျာꩻ၊ ထွဉ်ႏအားထွုတ်တရာꩻ နုဲင်းနဝ်ꩻတဲင်တွော့ꩻ- ၁။ ရဟန်ꩻတပါꩻနဝ်ꩻ လောဝ်းဗွေႏဘုရာꩻနုဲင်းယို- "ဩဗွေႏ ခွေသွဉ်း အဝ်ႏယူႏလꩻသေႏသေႏ ထာꩻသီ၊ ယူႏလꩻနုဲင်းမုဲင်ꩻနဲတဲင်- 'ခွေသက်မဉ်ႏမွန်စွူစွူ တနီꩻတနာꩻပေႏငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ တနီꩻတွမ်ႏတနာꩻပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ"။ ၂။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို- "ခွေသက်မဉ်ႏမွန်စွူစွူ တနီꩻငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ တနီꩻပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ"။ ၃။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို- "ခွေသက်မဉ်ႏမွန်စွူစွူ တကွို့ꩻမွူးငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ တကွို့ꩻမွူးပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ"။ ၄။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို- "ခွေသက်မဉ်ႏမွန်စွူစွူ သွုံꩻသွမ်ꩻတတာႏခိန်ႏငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ သွုံꩻသွမ်ꩻတတာႏခိန်ႏပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ"။ ၅။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို- "ခွေသက်မဉ်ႏမွန်စွူစွူ သွုံꩻသွမ်ꩻတတာႏ တထဝခိန်ႏငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ သွုံꩻသွမ်ꩻတတာႏ တတထခိန်ႏပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ"။ ၆။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို- "ခွေသက်မဉ်ႏမွန်စွူစွူ အံႏစုဲင်သွမ်ꩻ လစ်ꩻငွါ-ငတ်ꩻငွါတာႏငါနဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အချိန်ႏလꩻ သွမ်ꩻလစ်ꩻငွါ-ငတ်ꩻငွါတာႏပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ"။ ၇။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို- "ခွေသက်မဉ်ႏမွန်စွူစွူ မျောႏသွမ်ꩻတငွါတာႏနောဝ်ꩻ ဟောဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အခိင်ႏလꩻ သွမ်ꩻတငွါတာႏပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ"။ ၈။ ရဟန်ꩻခꩻတပါꩻနဝ်ꩻ လောဝ်းနီဗွေႏဘုရာꩻနုဲင်းယို- "ခွေသက်မဉ်ႏမွန်စွူစွူ တတရေ့ꩻသာငါနဝ်ꩻ ဟဝ်ငါႏ၊ ယူႏလꩻနီဗွေႏဘုရာꩻ ငေါဝ်းဆွုံꩻမꩻ၊ အားထွုတ်တရာꩻ အခိင်ႏလꩻက တတရေ့ꩻသာပဉ်ဟွေး'ခွေသွဉ်းယူႏစွေးနုဲင်းနောဝ်ꩻ ဗွေႏဩ"။ နီဗွေႏဘုရာꩻရိုꩻ- "ကလောဝ်းအရီးသား သူꩻပါနဝ်ꩻ ယူႏအီႏအုံဗာႏည၊ အုံတငွို့တငထာꩻ၊ ယူႏနုဲင်း အဆုဲင်ꩻနီပါꩻကယူႏ 'သွမ်ꩻတငွါတာႏတွမ်ႏ တတရေ့ꩻသာတာႏငါ နဝ်ꩻမꩻထဲ့မဲဉ်ႏ"ရိုꩻနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ အဋ္ဌကနိပါတ်၊ ပဌမမရဏဿတိသုတ်)