ယံတဝ်းတစိꩻစိꩻ
"ဩဝါဒလစ်ꩻထွော့ တောင်ꩻတောင်ꩻသွော့အမုဲင်-၈"
၁။ တဖူးဝေးယာႏယာႏဒျာႏသွူတဲ့ ရက်တဝ်းလို့ဝင်ꩻနဝ်ꩻ "ယံတဝ်း"။
၂။ ရက်တဝ်းလွုမ်ꩻတကာႏတဝ်း အံႏနွောင်ꩻလို့ဝင်ꩻ၊ အာငေါဝ်းလို့ဝင်ꩻ၊ ဒေါ့ꩻလို့ဝင်ꩻမဉ်ꩻ၊ အံႏစာလို့ဝင်ꩻမဉ်ꩻ၊ မတ်ဖူးဝေးတဝ်းလို့ဝင်ꩻ၊ ခွေပို-နာꩻပို ခွယ်ꩻချာꩻလို့ဝင်ꩻ-စတဲင်နုဲင်းနဝ်ꩻနဝ်ꩻ "ယံတဝ်း တစိꩻစိꩻ"။
၃။ တဖူးဝေးယာႏယာႏဒျာႏတဲ့နဝ်ꩻ၊ တမွိုးချင်ႏ-လုဲင်ဖါ၊ တဖါချင်ႏ-လုဲင်မွိုးတဲ့နဝ်ꩻ ရက်ဒျာႏလို့ဝင်ꩻနဝ်ꩻ "ယံဒျာႏ"။
၄။ ရက်တေ့ꩻသꩻကိုနေးလွုမ်ꩻတကာႏတဝ်း ထွားကိုလို့ဝင်ꩻ၊ စွဲကိုလို့ဝင်ꩻ၊ ထောက်ကိုလို့ဝင်ꩻ၊ ခွေပို-နာꩻပို မတ်ပိုနုဲင်းနုဲင်းဝင်ꩻ၊ တွိုႏအအွိုအဆာ ထူႏရေꩻလို့ဝင်ꩻ၊ ပွေါလို့ဝင်ꩻ၊ ထွားလို့ဝင်ꩻ၊ မဉ်ႏမော့ꩻမွေးအယပ်ꩻအခုဲင်ႏကိုနဝ်ꩻ ဖေႏငါးနေးလူမ်ꩻတကာႏတဝ်း ရော့ꩻဖေႏတငါတဲ့ ဖေႏလဲဉ်းလဲဉ်းစွဉ်ႏ၊ အမာႏမဉ်ႏအဝ်ႏတဲ့ တောင်ꩻပြန်ႏဒျာႏလို့ဝင်ꩻ၊ အဗာႏဒေါ့ꩻသွဉ်လို့ဝင်ꩻမဉ်ႏအဝ်ႏတဲ့ ဖူးဝေးချင်ꩻချင်ꩻ ဒေါ့ꩻတေ့ꩻတေ့ꩻ-သွဉ်တေ့ꩻတေ့ꩻဒျာႏလို့ဝင်ꩻ-စတဲင်နုဲင်းနဝ်ꩻနဝ်ꩻ "ယိန်းယံငါႏ"နဝ်ꩻသွူ။ ဖေႏကထွာဒျာႏ "ယိန်းယံငါႏ"နဝ်ꩻနော။
"ဩဝါဒလစ်ꩻထွော့ ငေါဝ်းလင်္ကာႏအမုဲင်-၈" ၁။ ဖူးဝေးချင်ꩻချင်ꩻ၊ ရက်တဝ်းဝင်ꩻ၊ နဝ်ꩻရင်ꩻ ယံတဝ်းခြာ။
၂။ ဖူးဝေးတန်ပေႏ၊ ရွို့ꩻရန်ႏသေႏ၊ ခေႏနေႏ ကုဲင်လီလာ။
၃။ ဖူးဝေးချင်ꩻချင်ꩻ၊ ရက်လို့ဝင်ꩻ၊ နဝ်ꩻရင်ꩻ ယံဒျာႏထွာ။
၄။ ဖူးဝေးရက်မွေး၊ ဖေႏထဲင်းနေး၊ နဝ်ꩻဟွေး ယိန်းယံအာ။[၁][၂]