ယံဒျာႏ
"ဩဝါဒလစ်ꩻထွော့ တောင်ꩻတောင်ꩻသွော့အမုဲင်-၆" ၁။ အုံခေါ်သွူတဲ့ "သဲင်ꩻထူႏချာ မွိုးဖါတခြိုꩻ-လွူးအီနမ်း"စတဲင်နုဲင်းနဝ်ꩻနဝ်ꩻ "ယံတဝ်း"။ ၂။ ကသဲင်ꩻထူႏချာ မွိုးဖါတခြိုꩻအမျိုꩻမျိုꩻနဝ်ꩻ စစနဝ်ꩻကွီနေး၊ အာလဲင်ႏငါႏတဲင် မွိုးဖါဖေႏဒွုမ်တွော့ꩻ ထူႏတခွန်ꩻနေး၊ မွိုးဖါအွဉ်ႏဟောဝ်၊ ထူႏတခွန်ꩻလꩻဒူမ်တဲင်တွော့ꩻ နုဲင်းစွဉ်ႏစွန်၊ "ထူႏနွိုင်ႏနေးစွဉ်ႏ၊ စွော်စွော်ထူႏ ယိန်းအာစွဉ်ႏ"စတဲင်နုဲင်းနဝ်ꩻနဝ်ꩻ "ယံတဝ်း တစိꩻစိꩻ"။ ၃။ နမ်းတွမ်ႏနမ်း ထုမ်ႏကျံႏဒျာႏ၊ ထူႏတဝ်းမွိုးဖါတခြိုꩻတမျိုꩻမျိုꩻ-စတဲင်နုဲင်းနဝ်ꩻနဝ်ꩻ "ယံဒျာႏ"။ ၄။ "ယွုမ်းအာႏမꩻ-တောႏလမ်း၊ ယူမ်းနမ်းမꩻ-တောႏပါႏ" ယူႏဒျာႏနုဲင်းနဝ်ꩻတဲင် နေးချာဒျာႏအာႏရဲင်ꩻ ထိုမ်ႏဒျာႏ၊ နမ်းတွမ်ႏနမ်း လုပ်ꩻမာꩻ၊ ကျိုꩻစာꩻဖြေꩻစာဒျာႏ၊ မာꩻယပ်ꩻဖိုတဝ်း မွိုးဖါ၊ "နီဖွိုင်ꩻ-နီစံႏ၊ နီဝန်ႏ-နီပသေ၊ မွိုးဖါထေဖေႏဗာႏတဝ်းထမုဲင်ꩻမုဲင်ꩻ" လူႏချာထဲင်းဒျာႏ မွိုးဖါ-စတဲင်နုဲင်းနဝ်ꩻနဝ်ꩻ "ယိန်းယံငါႏ"။ ဖေႏကထွာဒျာႏ "ယိန်းယံငါႏ"နဝ်ꩻနော။ "ဩဝါဒလစ်ꩻထွော့ ငေါဝ်းလင်္ကာႏအမုဲင်(၆)" ၁။ မွိုးဖါတခြိုꩻ၊ သဲင်ꩻထူႏထိုꩻ၊ ထွာလိုꩻ ညမ်းမွေးဟာ။ ၂။ စွန်နေး-ရီမ်ထူႏ၊ ပိုရန်ႏသူႏ၊ ဝွဋ်တူႏ ဗာႏဆုဲင်ꩻချာ။ ၃။ ကွီတဝ်း-ဖါမွိုး၊ တစွိုးစွိုး၊ ကွပ်ပွိုး လိုꩻယံထွာ။ ၄။ လူႏထဲင်း-ဖါမွိုး၊ အစွိုးစွိုး၊ ကွပ်ပွိုး ယိန်းယံအာ။[၁][၂]