ရက်ခွုန်ꩻချာသွော့ သေင်ႏတောမ်ႏဝါႏ

နီလိုꩻသီးခေတ်ယိုလဲင်ႏခါ ဒုံမုဲင်ꩻကို ဝေင်ꩻနယ်ႏမုဲင်ꩻကိုခန်းဝယောဝ်း ကဲဉ်းအာအာနောဝ်ꩻ အွဉ်ဝင်ꩻဖဲ့ယားကုဲင်လွ သေင်ႏတွမ်ႏဝါႏဖုံႏသွူ။ သေင်ႏဝါႏထွိုင်ႏတအဲဉ်ထောဝ်းဒွုမ်အရပ် ကထွာဒါႏသက်မွန် တမူ၊ ဖြွုမ် စတဲင်တိရစ္ဆာန်ႏဖုံႏလဲ့ အာႏကွိုꩻအုံနောင်အီအတာႏ အဟေ့ꩻရျူႏသာႏယာႏယို ‌ခြေားငါႏမွေးသွူ။ ပထဝီႏဟံႏလဲ့သဲင်တခြစ်ꩻ ထီတဲ့သေ့ꩻကြောင်းထိုꩻ လိုꩻသီးအရပ်ကိုတဲ့ လျားကတစ်ꩻ ပွိုးစွဉ်ႏနီလိုꩻသီး ထာꩻယူႏပစ်ꩻနမ်းတွော့ꩻ တိရစ္ဆာန်ႏဖုံႏ မော့ꩻဗာႏတေားဒုက္ခအစွိုးစွိုး ပွိုးပါႏဖဲ့ယားကုဲင် သေင်ႏတွမ်ႏဝါႏတန်ဒျာႏသွူ။

သေင်ႏဝါႏကလွိုင်ႏဒါႏ အရပ်နောဝ်ꩻ ထီတဲ့လွိုင်ႏ၊ အဟေ့ꩻရျူႏတဲ့စုံခွꩻ နမ်းသꩻလဲ့ ဘေꩻရန်ႏကင်ꩻ ခြူႏအမျိုꩻမျိုꩻ ကထွာဒါႏတိရစ္ဆာန်ႏသီး အစွိုꩻဖုံႏလဲ့နေား အုံဗာႏပျောႏပျောႏသွင်ႏသွင်ႏ လွေꩻသဲင်ꩻအံႏအွꩻလဲ့ မနန်းခီဗာႏတောဝ်းသွူ။ ထီအွꩻကခြေားဗာႏအကျောင်ꩻနောဝ်ꩻ အပွိုးဖဲ့ယားကုဲင်ထိုꩻနေား သေင်ႏတွမ်ႏဝါႏ၊ လိုꩻတွမ်ႏသက်မွန်တိရစ္ဆာႏန်ဖုံႏလဲ့ အုံနောင်ရောင်ꩻပျောႏသွင်ႏတွမ်ႏ သေင်ႏတွမ်ႏဝါႏ သေင်ႏတွမ်ႏဝါႏယို ထွာလိုꩻတွမ်ႏတိရစ္ဆာန်ႏသီးအသက် အောဝ်ႏလိုႏရက်ပဲင်ꩻချာမွေးငါႏ သေင်ႏတွမ်ႏဝါႏ အောဝ်ႏလိုႏဖဲ့ယားကုဲင်သမ်းမွိုန်းဒွုမ် သေင်ႏတွမ်ႏဝါႏသွူ။ သေင်ႏကောင်ရွေꩻမဉ်ႏသွမ်ႏအွုမ်း တခမ်းလွုမ်းလွုမ်း တကောင်လွုမ်းလွုမ်းမꩻ ပီတိစွုမ်းသꩻ အံႏမထီဘေꩻ ထီခြေားဘေꩻဖုံႏယိုအီႏလွစ်ကင်ꩻညာꩻထိုꩻဗာႏ ပငါပရာꩻသွူ။

ဝဿန်ꩻတရာႏသီႏ ခမ်းခါမဉ်ႏတွိုႏ သေင်ႏကလိုႏဆို့ꩻချာဒါႏ အရပ် သေင်ႏကခြေားဒါႏ အရပ်စတဲင်ဖုံႏ တွိုင်ႏပင်ႏဆွေꩻနွေꩻ ဆွန်ꩻစူစွီႏသွိုသွို မူႏတွမ်ႏခို ပငါပရာꩻတွော့ꩻ အွဉ်ဝင်ꩻဆို့ꩻထူႏချာခန်းသွော့ သေင်ႏတွမ်ႏဝါႏဖုံႏသွူ။ တဖြာꩻတာႏဟောဝ်နမ်း ပယ်ႏညာꩻ အမျာꩻအာႏစွဲးထေ ပငါရာꩻတွော့ꩻ မာန်ႏမာႏနအစွယ်ႏဗျင်ႏအော့ꩻ တွိုင်ႏပင်ႏရော့ꩻရော့ꩻထွူတဲင် စွုမ်ႏရပ်စွုမ်ႏဒုံ အွဉ်ဝင်ꩻရက်ပဲင်ꩻချာခန်းသွော့ သတ္တဝါႏသီးအသက် သေင်ႏတွမ်ႏဝါႏဖုံႏနေား အမျာꩻကူꩻကေား လောင်ꩻသွꩻသီးဖုံႏဩ။

အာႏကွိုꩻ

[[ကဏ္ဍ:]]