ရဟန်ꩻသီး ဆွုတ်ယွုတ်အီ

အဝ်ႏ ဝီခီပီးဒီးယား ကို

"သာမကသုတ် (ရဟန်ꩻသီးကဆွုတ်ယွုတ်အီ အကျောင်ꩻတရာꩻသူပါꩻ)" နီဗွေႏဘုရာꩻ အဝ်ႏအုံသက္ကခမ်း၊ ဒုံသာမ၊ ကျောင်ꩻပေါက္ခရဏီယကိုအတွင်ꩻ တွိုႏတဟာ မွူးကွို့ꩻနာꩻတိန်ႏတိန်ႏအခိန်ႏနဝ်ꩻ လူꩻခိုတဖြာꩻ လင်ꩻဗွေႏဘုရာꩻထျꩻ၊ အွဉ်ႏစွꩻအရောင်ႏ လေတောင်ႏလို့တကျောင်ꩻလုမ်း၊ လူꩻခိုနဝ်ꩻ ဝုဲင်ႏဗွေႏဘုရာꩻထွူခါ လောဝ်းပါနုဲင်းယို- "ဩဗွေႏ ဘုရာꩻမျတ်ဗွေႏဩ- အကျောင်ꩻတရာꩻ ယိုသွံပါꩻနဝ်ꩻ ရဟန်ꩻသီးတာႏ ဆွုတ်ယွုတ်အီငါႏဗွေႏဩ၊ သွံပါꩻကရိုꩻနဝ်ꩻ- ၁။ ကမ္မာရာမတာ - မွိုင်းမာꩻမွိုင်းဒျာႏထာꩻမာꩻ ၂။ ဘဿာရာမတာ - မွိုင်းဒေါ့ꩻရီဒျာႏလို့ဝင်ꩻ ၃။ နိဒ္ဒါရာမတာ - မွိုင်းဗေင်ႏဒျာႏထာꩻ၊ ယိုသိုမ်ပါꩻသွူ ဗွေႏဩ" "ဗွေႏဒျာႏ တကာႏခွန်လူꩻဟွေး" လူꩻနဝ်ꩻတဲ့ ဗွေႏဘုရာꩻထောက်ခံႏ ဝွေꩻကလောဝ်းနဝ်ꩻတဲင် သꩻရောင်းသꩻရေꩻ ဖေ့ဗိတ်အရောင်ႏ၊ ကျောင်ႏသဲင်ꩻခန်းဒျာႏ အာႏကာႏမို့ꩻလောင်းနောဝ်ꩻသွူ။ နုဲင်းမွူးရောဝ်ꩻ- ရဟန်ꩻသီးဖုံႏဟွေး- မဟာ မွူးကွို့ꩻနာꩻတိန်ႏတိန်ႏ အခိန်ႏနောဝ်ꩻ ခွန်လူꩻတဖြာꩻ ဖျော်လင်ꩻခွေထျꩻ၊ အွဉ်ႏစွꩻအရောင်ႏ လေတောင်ႏလို့စွဉ်ႏ တကျောင်ꩻလိုမ်း၊ ဝုဲင်ႏခွေထွူခါ ဝွေꩻလောဝ်းပါနုဲင်းယို- "ဗွေႏရဟန်ꩻသီး ကဆွုတ်ယွုတ်အီဒါႏ အကျောင်ꩻတရာꩻ အဝ်ႏသွံပါꩻတဲ့၊ သွံပါꩻကရိုꩻနဝ်ꩻ- ၁။ ကမ္မာရာမတာ - မွိုင်းမာꩻမွိုင်းဒျာႏထာꩻမာꩻ ၂။ ဘဿာရာမတာ - မွိုင်းဒေါ့ꩻရီဒျာႏလို့ဝင်ꩻ ၃။ နိဒ္ဒါရာမတာ - မွိုင်းဗေင်ႏဒျာႏထာꩻ-တဲ့ ရဟန်ꩻသီးဖုံႏဟွေး- နဝ်ꩻသွံပါꩻလွုမ်ꩻတကာႏတဝ်း ၄။ သင်္ဂဏီကာရာမတာ - ပျောႏလွဉ်ꩻမွိုင်းဒျာႏသွꩻပေႏ ၅။ ဒေါ၀စဿတာ - ဒေါ့ꩻသွဉ်ယပ်ꩻ ၆။ ပါပမိတ္တတာ - ပေါင်ꩻကွိုက်ꩻလိုꩻတဟောဝ်တဝ်း အကျောင်ꩻတရာꩻ ယိုသွံပါꩻတဲ့ မာꩻဆွုတ်ယွုတ်အီ ရဟန်ꩻသီးဖုံႏနေနေ၊ ကွပ်နဝ်ꩻမꩻ အကျောင်ꩻတရာꩻ ယိုသူပါꩻဖုံႏနဝ်ꩻ မာꩻဆွုတ်ယွုတ်အီ ရဟန်ꩻသီး (ကုသိုလ်ႏ)နောဝ်ꩻသွူ။ ရဟန်ꩻသီးနဝ်ꩻ ပေါႏမာꩻမွိုင်းဒျာႏ ထာꩻမာꩻနဝ်ꩻ တအားထွုတ်တဝ်းတရာꩻ၊ ဒေါ့ꩻရီမွိုင်းဝင်ꩻ၊ ဗေင်ႏမွိုင်းထာꩻ၊ ပျောႏလွဉ်ꩻသွꩻ လယ်ႏမွိုင်းထာꩻနဝ်ꩻဖုံႏတဲ့ အခိန်ႏလို့ခြေင် အားထွုတ်တဝ်းတရာꩻနေနေ။ ဒေါ့ꩻသွဉ်ယပ်ꩻ၊ ဆွုံꩻမꩻယပ်ꩻ ရဟန်ꩻနုတ်ꩻနဝ်ꩻတဲ့ နာႏတဝ်းအဆွုံꩻအမꩻ၊ လꩻနွောင်ꩻတောဝ်းတရာꩻ၊ ပေါင်ꩻကွိုက်ꩻလိုꩻတဟောဝ်တဝ်းနဝ်ꩻတဲ့ အမာႏအာ၊ ဆုဲင်ꩻချာဒုက္ခဒါႏ။ အကျောင်ꩻတရာꩻ ယိုသူပါꩻနဝ်ꩻ မာꩻဆွုတ်ယွုတ်အီ ရဟန်ꩻသီးဖုံႏကုသိုလ်ႏ၊ ကွပ်နဝ်ꩻမꩻ အုံဖွီမွုန်းသွော့ထာꩻ၊ လိုꩻတသေတဝ်းတဲ့ လူꩻသီးအဝ်ႏသေ၊ ခေ့ꩻလေနီꩻနာꩻ လိုႏအားထွုတ်ဒျာႏတရာꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ သာမကသုတ်)[၁][၂]

အာႏကွိုꩻ[မွဉ်းဖျင် | မွဉ်းဖျင်အရွီးခိုႏ]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၂၂၀)