ရူးလစ်ꩻမျိုꩻ-လိုꩻလစ်ꩻစား

"အာသီဝိသသုတ် (ရူးလစ်ꩻမျိုꩻ-လိုꩻလစ်ꩻစား)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို- ရဟန်ꩻသီးဖုံႏဟွေး- ရူးအစ်ႏလစ်ꩻမျိုꩻ၊ ရူးလစ်ꩻမျိုꩻကရိုꩻနဝ်ꩻ- ၁။ အာဂတဝိသော န ဃောရဝိသော- အစွူႏထင်ႏမွိုင်၊ ကွဲႏတွော့ꩻ အစွူႏကျံꩻတောဝ်း။ ၂။ ဃောရဝိသော န အာဂတဝိသော အစွူႏနဝ်ꩻကျံꩻ၊ ကွဲႏတွော့ꩻ အစွူႏထင်ႏမွိုင်တောဝ်း။ ၃။ အာဂတဝိသော စ ဃောရဝိသော စ အစွူႏတဲ့ထင်ႏမွိုင်၊ အစွူႏတဲ့ကျံꩻ။ ၄။ နေဝါဂတဝိသော န ဃောရဝိသော အစွူႏတဲ့ထင်ႏမွိုင်တဝ်း၊ အစွူႏတဲ့ကျံꩻတောဝ်း။ ရူးအဝ်ႏလစ်ꩻမျိုꩻနုဲင်းနောဝ်ꩻသွူ။ ရဟန်ꩻသီးဖုံႏဟွေး- လိုꩻတဲ့ဗွန်ပီရူးနဝ်ꩻနေနေ၊ လိုꩻအဝ်ႏလစ်ꩻမျိုꩻ၊ လိုꩻလစ်ꩻမျိုꩻကရိုꩻနောဝ်ꩻ- ၁။ လောကကိုယို ပုဂ္ဂိုလ်ႏယင်ဟန်ႏနဝ်ꩻ သꩻဒွေါင်ႏတန်၊ သꩻလျားမွိုင်ထာꩻ၊ ကွဲႏတွော့ꩻ အွဉ်ႏတဝ်းအပွေႏ၊ အွဉ်ႏတဝ်းသꩻကို၊ သꩻလျားမွိုင်၊ ရောင်းမွိုင်၊ ဟောဝ်မွိုင်၊ ပုဂ္ဂိုလ်ႏယိုစားနဝ်ꩻ တွမ်ႏရူး'အစွူႏထင်ႏမွိုင်၊ ကွဲႏတွော့ꩻ ကျံꩻတဝ်း'နဝ်ꩻ ဗွန်ဝင်ꩻနောဝ်ꩻသွူ။ ရဟန်ꩻသီးဖုံႏဟွေး- ၂။ လောကကိုယို ပုဂ္ဂိုလ်ႏယင်ဟန်ႏနဝ်ꩻ သꩻဒွေါင်ႏတဝ်း၊ သꩻလျားကြွို့ꩻတဝ်းထာꩻ၊ ကွဲႏတွော့ꩻ ပေါႏသꩻလျားဗာႏသွူနဝ်ꩻ တောႏတောႏတရောင်းချာတဝ်း၊ အွဉ်ႏဒါႏအပွေႏ၊ အွဉ်ႏဒါႏသꩻကို၊ ပုဂ္ဂိုလ်ႏယိုစားနောဝ်ꩻ တွမ်ႏရူး'အစွူႏနဝ်ꩻကျံꩻ၊ ကွဲႏတွော့ꩻ အစွူႏထင်ႏမွိုင်တောဝ်း'နဝ်ꩻ ပီဝင်ꩻနဝ်ꩻသွူ။ ရဟန်ꩻသီးဖုံႏဟွေး- ၃။ လောကကိုယို ပုဂ္ဂိုလ်ႏယင်ဟန်ႏနဝ်ꩻ သꩻတဲ့ဒွေါင်ႏ၊ သꩻတဲ့လျားမွိုင်၊ တောႏတောႏတရောင်းချာတဝ်း၊ အွဉ်ႏဒါႏအပွေႏ၊ အွဉ်ႏဒါႏသꩻကို၊ ပုဂ္ဂိုလ်ႏယိုစားနဝ်ꩻ တွမ်ႏရူး'အစွူႏတဲ့ထင်ႏမွိုင်၊ အစွူႏတဲ့ကျံꩻ'နောဝ်ꩻ ဗွန်ဝင်ꩻနောဝ်ꩻသွူ။ ရဟန်ꩻသီးဖုံႏဟွေး- ၄။ လောကကိုယို ပုဂ္ဂိုလ်ႏယင်ဟန်ႏနဝ်ꩻ သꩻဒွေါင်ႏတဝ်း၊ သꩻလျားကြွို့ꩻတဝ်းထာꩻ၊ သꩻမဉ်ႏလျားစိန်ႏစွော့ꩻတဲ့ လျားညတဝ်း၊ ရောင်းမွိုင်၊ ဟောဝ်မွိုင်၊ ပုဂ္ဂိုလ်ႏယိုစားနဝ်ꩻ တွမ်ႏရူး'အစွူႏတဲ့ထင်ႏမွိုင်တဝ်း၊ အစွူႏတဲ့ကျံꩻတဝ်း'နဝ်ꩻ ပီဝင်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ အာသီဝိသသုတ်)