ရေႏမိုးတွမ်ႏယွုမ်းအံႏ
"ရက်ခွိုꩻပအိုဝ်ႏပေႏ လိုꩻယွဲးစွိုꩻဖုံႏ အဓိကရေႏမိုးချက်တွမ်ႏ ယွုမ်းအံႏချက်"
၁။ လိုꩻမျိုꩻတွိုင်ꩻ လိုꩻမျိုꩻတွင်ꩻ လိတ်လုဲင်ꩻတွမ်ႏယေန်ႏငဲးရေꩻယို ကင်ꩻထိုꩻလို့ဝင်ꩻ တလꩻတဝ်းတဲင် နီပအိုဝ်ႏလိုꩻမျိုꩻယိုလဲ့ လိတ်လုဲင်ꩻတွမ်ႏယေန်ႏငဲးရေꩻ ယံမွန်ဗန်တသွောင်းထို တဉ်ႏခွေါင်လွဉ်။
၂။ နီပအိုဝ်ႏလိုꩻမျိုꩻ မူႏခိုပေႏတန်စွုမ်ႏဖြာꩻ ယံကဒါႏချာခါꩻ နီလိတ်ပအိုဝ်ႏ။
၃။ လိတ်လုဲင်ꩻကို ကထူႏထွိုက်ထူႏသင်ꩻ၊ ကလꩻထွိုက်ꩻလꩻသင်ꩻ ဗဟုသုတရေꩻရာႏဖုံႏ ယံကသေစုရွမ်လွဉ်။
၄။ ဝင်ꩻခမ်းဝင်ꩻထီ၊ ဝင်ꩻရပ်ဝင်ꩻရာႏ အအုံအအောဝ်ႏ အဒေါ့ꩻအဖြောဝ်ႏ အဆို့ꩻအရုဲင် အဖြေꩻအစာဖုံႏ ယံမုဲင်ꩻရာꩻ ကျမုဲင်ꩻရာꩻ စတဲင်အနယ်ꩻဖုံႏ မာꩻနုဲင်းတုꩻနုဲင်း ယံကဒါႏ။
၅။ နီလိုꩻမျိုꩻ လိုꩻအုံအောဝ်ႏအဆင်းရန်းဖုံႏ ယံကထင်ႏထိုတသွောင်းလွဉ်။
၆။ နီစွိုးခွိုꩻ နီလိုꩻမျိုꩻ မဲ့ဖေႏကလေ နားယံကဗွောင် ထာꩻဝွေႏဖန်ႏ ယံကလုဲင်းလွဉ်။
၇။ လိုꩻဝါႏသနာႏ တဲမ်းလိတ် "ဆရာႏတဲမ်းလိတ်သား"လိုꩻစန်ႏဒါႏလင်္ကာႏ စီႏဒါႏကဗျာသား ယံဖေႏကလွိုင်ႏကွုန်ꩻအာလွဉ်။
၈။ ကွပ်ဟော်ꩻဖတ်ဗာႏလိတ်တဲင် တရပ်တွမ်ႏတရပ်' တဒုံတွမ်ႏတဒုံ' တဖြာꩻတွမ်ႏတဖြာꩻ ဖဉ်းမွိုတ်မုꩻမေတ္တာႏ' လွောင်ႏဗူႏမုꩻ ထာꩻညီႏညွတ်ရေꩻတွမ်ႏ သꩻရက်စွိုးခွိုꩻ ယံကပေါႏထန်ႏ တဉ်ႏခွေါင်လွဉ်။ -စတဲင်အချက်ဖုံႏယို ထွာလွဉ်ဗာႏအမန်ႏ နီသွဉ်းသီး လိုꩻယွဲးစွိုꩻ "အဓိဋ္ဌာန်ႏ ရေႏမိုးလွေꩻ"နုဲင်းနောဝ်ꩻသွူ။
ကွပ်ဟော်ꩻဖတ်ထွားဗာႏ နီသွဉ်းသီး "လိုꩻယွဲးအာႏရဲင်ꩻ"လိတ်စောင်ႏပေႏယိုတွော့ꩻ ဝါႏသနာႏလိတ်လုဲင်ꩻ ဗွေႏသီးတွမ်ႏ ပရိသတ်ထွားလိတ်သားဖုံႏ သꩻချံꩻသာႏ ပျောႏသွင်ႏအောင်ႏမျင်ႏအီ၊ ထာꩻသေတရာꩻပေါႏအီငါ မီꩻတပျꩻယာႏ၊ သꩻရက်စွိုးခွိုꩻ ပေါႏတလာအီငါ တဝါႏသာငါတဲ့ နီသွဉ်းသီး လိုꩻယွဲးစွိုꩻ သꩻရေꩻစွုမ်းသွိုꩻအာတန်သွူ။ နီစွိုးခွိုꩻ ကတဲႏဆို့ꩻလွေꩻဒါႏ ခမ်းထီလိုမ်းဗဉ်ႏရေꩻတွမ်ႏ လွိုင်ႏကွုန်ꩻသာႏယာႏရေꩻအတွက် နီသွဉ်းသီး"လိုꩻယွဲးအာႏရဲင်ꩻ"လိတ်စောင်ႏယိုလဲ့ တဖဲ့ꩻတခေါဝ်အနေႏ' သုဲင်ꩻပေႏတတွတ်ꩻ အွတ်ꩻပေႏတခြုံး လုံးပေႏတတူႏအနေႏ အကျိုꩻထွာအီဗာႏအမန်ႏ နီသွဉ်းသီးရက်ခွိုꩻပအိုဝ်ႏပေႏ လိုꩻယွဲးစွိုꩻဖုံႏ ယွုမ်းအံႏနုဲင်းနောဝ်ꩻသွူ။[၁][၂]