လ
ငေါဝ်းတွိုင်ꩻ(လ) ၁။ လူꩻခမ်းဖဲ့ꩻဆုဲင်ꩻ၊ ငါးရုဲင်ꩻခမ်း ဖဲ့ꩻငါ။ ၂။ လူꩻသီလူꩻတဲဉ်ꩻ၊ မဲဉ်ꩻသီ မဲဉ်ꩻကွုတ်။ ၃။ လူးထီတခြွိုက် ဒွူတိုးတိုး၊ သဲင်ꩻလိုꩻတစိုး မော့ꩻစွုမ်ႏစွုမ်ႏ။(တနဲꩻ-အံႏစွုမ်ႏစွုမ်ႏ၊ တနဲꩻ-ကံဟောဝ်ဟောဝ်။) ၄။ လူႏတစေား လေားတမောင်းဒေါင်။(တနဲꩻ-တဗွိုင်းခင်။)(နမ်းကဖေႏဝင်ꩻနဝ်ꩻ ဆေ့ꩻ၊ ကွိုꩻလꩻချာဝင်ꩻထာꩻ ဥစ္စာႏပစ္စေꩻနဝ်ꩻ အာ။) ၅။ လူႏတတွာ ခြုံႏခူꩻ၊ လꩻတတွာ ခြုံႏမွူး။ ၆။ လူႏတတွာခြုံႏမွူး၊ လꩻတတွာ ခြုံႏခူꩻ။(ကီယို ၂-ပွုတ်နဝ်ꩻ သꩻစေႏတနာႏမဉ်ႏဟဝ်လဲ့ အကျိုꩻဖေႏသန်၊ ဖေႏတန်၊ ေဖႏဟဝ်တဲင် သꩻစေႏတနာႏ မဉ်ႏတဟဝ်တဝ်းနဝ်ꩻ အကျိုꩻပေႏညံးသွူ။) ၇။ လူႏလီး လိုႏအလွဉ်ꩻ၊ ဖိုးကွဉ်ꩻ လိုႏအလက်ꩻ။(လိုꩻလမ်း လိုꩻဖြေင်းဘဝနောဝ်ꩻ (ထွာ)တောႏလမ်းတောႏပါႏမꩻ တင်ႏတယ်ႏ။) ၈။ လူႏသꩻယုဲင် ဖုဲင်သꩻဆွော့ꩻ။ ၉။ လုဲင်ႏလꩻဒွုမ် ထွာလဲဉ်းယောင်ꩻ၊ ပြောင်ꩻလꩻဒွုမ် ထွာလဲဉ်းရုပ်၊ ပြွတ်လꩻဒွုမ် ထွာလဲဉ်းရဲꩻ။(လွစ်လꩻတောဝ်းအနဲꩻ။) ၁၀။ လုဲင်ႏလꩻဒွုမ် ထွာလဲဉ်းယောင်ꩻ၊ ပြောင်ꩻလꩻဒွုမ် ထွာလဲဉ်းလွိုး။ ၁၁။ လော့ဗာႏသွူလဲ့ လော့တိုးတိုး၊ ခိုးဗာႏသွူလဲ့ ခိုးစွစ်ꩻစွစ်ꩻ။(ဒေါ့ꩻမာꩻထာꩻမုဲင်ꩻတရိုꩻတောဝ်း ဒေါ့ꩻမာꩻသွော့မဲဉ်ႏမဲဉ်ႏ၊ သꩻမေတ္တာႏ သဖော်ꩻတရာꩻ အွဉ်ႏသွော့တရျားရျား၊ တတွာတွာ၊ မီႏမီဖေင်ႏင်ႏ။) ၁၂။ လို့နောဝ်ꩻ လို့ဆင်အေႏနေးလဲ့ ထွိုင်ႏတွမ်ချာနောဝ်ꩻ တွမ်သေအေႏဗဲးအေႏနေးဗာႏ။(ကလို့ခါနောဝ်ꩻ တလဲင်ႏချင်ꩻ လို့ပဉ်ခြွိုက်ခြွိုက် ပဉ်ပွုမ်ႏပွုမ်ႏထွူတဲင် ကထွိုင်ႏလꩻချာနောဝ်ꩻ လꩻယွဲးလꩻယဲမ်ꩻနေး တလဲင်ႏတစိꩻစိꩻ။) ၁၃။ လိုꩻကေန်ꩻပို လိုꩻဗိုပေႏ အဲဉ်ထောဝ်း အခေႏနေႏ။ ၁၄။ လိုꩻကေန်ꩻ သꩻဖြုံႏထို၊ လိုꩻဗို ထာꩻဒေါ့ꩻဆွော့ꩻ။ ၁၅။ လိုꩻကျောင်ꩻမဉ်ႏသီ လိုꩻလမ်းလို့၊ လိုꩻလမ်းမဉ်ႏသီ လိုꩻကျောင်ꩻလꩻ။ ၁၆။ လိုꩻကျောင်ꩻယောင်ꩻဆင် ကျောင်ꩻတလင်ꩻ၊ ဖျိုးသျင်ꩻဖွစ်ꩻစင်င်။ ၁၇။ လိုꩻကွိုတ်အွဉ်၊ ရွဉ်ကွိုတ်ဆုဲင်ꩻ၊ ထွုမ်ႏရွဉ်ထူႏဗာႏ အွိုးမုဲင်ꩻ။ ၁၈။ လိုꩻခိုတမွေးတဝ်းလိုꩻခါ၊ လိုꩻမူႏတမွေးတဝ်းလိုꩻမာႏ၊ လိုꩻပေႏတမွေးတောဝ်း လိုꩻပါႏ။ ၁၉။ လိုꩻခိုထာꩻကျံႏ လိုꩻမူႏအံႏ၊ လိုꩻမူႏထာꩻကျံႏ လိုꩻပေႏအံႏ၊ လိုꩻပေႏထာꩻကျံႏ ထွီႏပေႏအံႏ။ ၂၀။ လိုꩻခိုထီး၊ လိုꩻကီးပုဲင်ႏ၊ လိုꩻအုဲင်ႏမာ၊ လိုꩻစာပို။ ၂၁။ လိုꩻခိုထီး၊ လိုꩻကီးပုဲင်ႏ၊ လိုꩻအုဲင်ႏမာ၊ လိုꩻစာသေင်ႏလာႏ၊ လိုꩻဒါႏလိတ်၊ လိုꩻစိတ်ပနီꩻ ပနီꩻနီꩻ။ ၂၂။ လိုꩻခိုနွတ်ꩻဆွဉ်ႏအဲဉ်ထဝ်း ဟဲ့ꩻ"လိုꩻတွီ"၊ လိုꩻမူႏပိုအဲဉ်ထဝ်း ဟဲ့ꩻ"မွိုးဒုဲင်"။ ၂၃။ လိုꩻခိုမဉ်ႏအုံဒုံ တရေꩻတွမ်ႏလမ်း၊ မဉ်ႏလွေꩻဝင်ꩻခမ်း တရေꩻတွမ်ႏခွမ်ꩻလာꩻ။ ၂၄။ လိုꩻခိုသွီႏဟောဝ်အောဝ်ႏတပဲꩻ၊ လိုꩻမူႏအံႏခြဲꩻလို့၊ လိုꩻမူႏသွီႏဟောဝ် အောဝ်ႏတမတ် လိုꩻခိုသတ်လို့။ ၂၅။ လိုꩻခိုအမျိုꩻ ခူးတူႏပေါက်၊ လိုꩻမူႏလောင်ႏလွိုး တောက်ခူးစံႏပꩻ။ ၂၆။ လိုꩻခို အဲဉ်ထောဝ်းကတူႏ၊ လိုꩻမူႏအဲဉ်ထောဝ်း ငင်းဒေင်။(လိုꩻကျောင်ꩻခို(သျင်ႏရဟန်ꩻ)အွဉ်ႏတဝ်း ကတူႏထုမ်း၊ လိုꩻကျောင်ꩻမူႏ(ရဟန်ꩻမူႏ)လွူးတောဝ်းပို ဗတောဝ်းပို။) ၂၇။ လိုꩻခွေါင်းကာမ ပသို့ꩻအဲ့ꩻကဲꩻအေႏ။ ၂၈။ လိုꩻခြွေ ထွာလိုꩻဖြန်၊ လိုꩻတန် ထွာလိုꩻပေႏ။ ၂၉။ လိုꩻစူအဲဉ်ထဝ်း အွဉ်ႏခွုမ်ခွဉ်း၊ လိုꩻမဲ့ခေ့ꩻကောင်း လေဖေႏမေႏ၊ တရွို့ꩻစွဉ်ႏကွေႏကွေႏ ကျိုꩻငထောဝ်း။ ၃၀။ လိုꩻတတရေꩻတဝ်းလဲ့ လိုꩻတဲ့သွီႏ၊ ဟန်ႏတအွီႏတဝ်းလဲ့ ဟန်ႏရော့ꩻဖြောင်း။ ၃၁။ လိုꩻတသေတဝ်းထာꩻ နာꩻအဝ်ႏလွောက်ꩻသွူအလိုႏလဲ့ အောဝ်ႏရိုꩻချာက နာꩻ"မောႏ"။ ၃၂။ လိုꩻတသေတောဝ်းသား ကာတဗꩻ၊ လိုꩻကသေစောဝ်းသား ထူႏယꩻ။ ၃၃။ လိုꩻတကုဲင် အံႏသဲ့ꩻဝင်ꩻကုဲင်း၊ လိုꩻကုဲင်းအံႏဒဲဉ် လို့ဆေ့ꩻ။ ၃၄။ လိုꩻတခြာ အပနားပြွူႏငတ်ꩻဗာႏ၊ မဉ်ႏယားအယာႏ ခုဲင်ႏလꩻထွာတဝ်းဒွိုန်းလိုꩻဝေင်ꩻ ဆင်ယွောင်တဗာႏ။(လိုꩻတော်ꩻလိုꩻတခြာ ခြွေြခာႏလဲ့ တထွꩻနွောင်ꩻတဝ်း လိုꩻဝေင်ꩻခြွေခြာႏတဲင် တလိုႏအွဉ်ႏတောဝ်း မာႏနကျွားဝေါဝ်ꩻသွူ။) ၃၅။ လိုꩻတဒွုတ်ꩻလာႏ လယ်ႏပွစ်လွိုးဒျာႏပါꩻ။(လိုꩻချောက်အံႏ မျောက်အံႏဒျာႏဝင်ꩻ။) ၃၆။ လိုꩻတရေꩻ တလိုႏတောဝ်း လိုႏဒျာႏလိုꩻတဲ့ꩻသွီႏ၊ ဟန်ႏအွီႏတလိုႏတောဝ်း လိုႏဒျာႏ ဟန်ႏရော့ꩻဖြောင်း။ ၃၇။ လိုꩻတန်အွိုးဒုံပေႏနောဝ်ꩻ တထွꩻတောဝ်း လိုꩻပေႏ အွိုးဒုံတန်။(ဒုံပေႏရပ်ပေႏနောဝ်ꩻ ထွားထီႏခရာႏဆေ့ꩻဆဲဉ်ႏ၊ ဒုံတန်ရပ်တန်နောဝ်ꩻ ထွားထီႏခရာႏ လွိုင်ႏအာတဲင် နာႏလဲႏမုꩻဗဟုသုတအာသွူ။) ၃၈။ လိုꩻတွဉ်တမွေးတောဝ်း လိုꩻခန္ဓီႏ။(လိုꩻကျောင်ꩻရဟန်ꩻသီးနဝ်ꩻ ကွပ်ပွိုးတလꩻတဝ်းဒွိုန်းမဂ်ဖိုလ်ႏနဝ်ꩻမꩻ ဟဲ့ꩻဗာႏ"လိုꩻယွိုန်း""လိုꩻခန္ဓီႏ"သွူ။) ၃၉။ လိုꩻထွားနောဝ်ꩻ ထီႏ၊ လိုꩻသေနောဝ်ꩻ ဖျင်။ ၄၀။ လိုꩻဒါႏတမွေးတောဝ်း လိုꩻမောႏ။(ထာꩻဒါႏ ထာꩻသေ နားလဲႏမုꩻ ဗဟုသုတလဲ့ သမ်းအဲဉ်ခောဝ်း၊ တာႏဝွန်ႏလဲ့ ဝင်ꩻတဖေႏတောတ်း သမ်းမဲဉ်ဒေါ့ꩻ သမ်းမဲဉ်မာꩻထာꩻ။) ၄၁။ လိုꩻနဝ်ꩻ ကတိ၊ ကဝိနောဝ်ꩻ သစ္စာႏ၊ ရဟန်ꩻနောဝ်ꩻ သိက္ခာႏ။ ၄၂။ လိုꩻနောဝ်ꩻ ဆင်ꩻရယ်ꩻခန်းတယောဝ်း သစ္စာႏနောဝ်ꩻ အွဉ်ႏတီႏတီႏ။ ၄၃။ လိုꩻနမ်းပေႏ ကနွောင်ꩻဆင်နောဝ်ꩻ ကွပ်ပညာႏ။ ၄၄။ လိုꩻပေႏစူဖွို့ꩻ အောဝ်ႏလိုꩻတန်၊ လိုꩻတန်စူဖွို့ꩻအဲဉ်ထောဝ်း။(တနဲꩻ- လိုꩻတန်စူဖွို့ꩻ အောဝ်ႏတရာꩻ။) ၄၅။ လိုꩻပေႏ တကျတောဝ်း ပွိုးလိုꩻတန်၊ လိုꩻတန် တကျတောဝ်း ပွိုးလိုꩻ------။ ၄၆။ လိုꩻပေႏတမွေးတောဝ်း လိုꩻတန်၊ ပဲက်ဆန်တမွေးတဝ်း စင်ႏကာꩻ၊ လိုꩻညာꩻတမွေးတောဝ်း လိုꩻဗော့ꩻ။ ၄၇။ လိုꩻပေႏတခြို့ꩻထာꩻ ထွိုင်ႏချာလꩻလဲ့ လိုꩻတန်တခြို့ꩻထာꩻ ထွိုင်ႏချာတလꩻတောဝ်း၊ တယိုꩻတောဝ်း။(လိုꩻပေႏမဉ်ႏမာႏနောဝ်ꩻ ဖျင်ချာယိုꩻလဲ့ လိုꩻတန်မဉ်ႏမာႏနဝ်ꩻ ဖျင်ချာတယိုꩻတောဝ်း။) ၄၈။ လိုꩻပေႏနဝ်ꩻ ကောလွူးသားအာ၊ လိုꩻဖြားခါ ကောလွူးသားဆေ့ꩻ။ ၄၉။ လိုꩻပေႏမာႏနောဝ်ꩻ တခန်၊ လိုꩻတန်မာႏနောဝ်ꩻ တစွဲး၊ ပါꩻမုဲင်ꩻမာႏလဲ့ တယံတောဝ်း။ ၅၀။ လိုꩻပွေါးအချိန်ႏလဲ့ အချိန်ႏတပွေါးတောဝ်းလိုꩻ။ ၅၁။ လိုꩻြဖား ခံႏမေႏ၊ လိုꩻပေႏ ခံႏဝ။ ၅၂။ လိုꩻဖြားတမွေးတောဝ်း လိုꩻညဒျာႏ။(လိုꩻနမ်းနောဝ်ꩻ ဖြားစွဉ်ႏလဲ့ ထာꩻသေဉာဏ်ႏပညာႏ ဗဟုသုတ တဖြားတောဝ်း၊ ထာꩻတွေꩻတော်ꩻ ယူႏခံႏမုꩻ တလိုမ်းတဝ်း၊ တအဝ်ႏတဝ်း။) ၅၃။ လိုꩻဖြားတမွေးတောဝ်း လိုꩻည၊ လိုꩻတန်တမွေးတောဝ်း လိုꩻသန်။ ၅၄။ လိုꩻဖြားတန်သဲင်ꩻတနီꩻတနံရာႏ၊ လိုꩻပေႏတန်သဲင်ꩻ တနီꩻတပျꩻယာႏ။ ၅၅။ လိုꩻမီႏဖြွမ်းဝင်ꩻနဝ်ꩻ အူသုံ သုံပလဲင်ꩻသင်ႏ၊ အူဝန်ႏ ဝန်ႏပလဲင်ꩻကျောင်ႏ။ ၅၆။ လိုꩻမူႏကဝ်ꩻတဗွန် တဗွန်လဲင်ꩻပြင်ꩻ၊ ကောဝ်ꩻဗွေႏစင်ꩻ ဗွေႏစင်ꩻလဲင်ꩻလော်၊ ကောဝ်ꩻမော် မော်မော်လဲင်ꩻကွိုင်ꩻ။ ၅၇။ လိုꩻမူႏ ခံႏပို၊ လိုꩻခို ခံႏကီႏသံꩻ၊ ရဟန်ꩻခံႏ ကတူႏကြော့ꩻ။ ၅၈။ လိုꩻမူႏ ဆွိုင်ႏလမ်းကို၊ လိုꩻခို ဆွိုင်ႏလမ်းထန်ႏ။ ၅၉။ လိုꩻမူႏ တရေꩻတွမ်ႏပို၊ လိုꩻခို တရေꩻတွမ်ႏဆွဉ်ႏ။(တနဲꩻ-လိုꩻခို တရေꩻတွမ်ႏနွတ်ꩻ။) ၆၀။ လိုꩻမူႏ ထူႏပို၊ လိုꩻခို ထူႏနီး။(တမာဝါꩻ အွဉ်ႏကုဲင်လွဝင်ꩻတဲင် ဗဲင်းဖန်းလွဝင်ꩻ တာႏဝွန်ႏ။) ၆၁။ လိုꩻမူႏ နာႏဝင်ꩻငေါဝ်း လꩻဝင်ꩻပို၊ လိုꩻခို နာႏဝင်ꩻငဝ်း ထွာဝင်ꩻသွဉ်း။ ၆၂။ လိုꩻမူႏ နာႏဝင်ꩻငဝ်း လꩻဝင်ꩻပို၊ လိုꩻခို နာႏဝင်ꩻငဝ်း လꩻဝင်ꩻဉာဏ်ႏ။ ၆၃။ လိုꩻမူႏ နေးပို၊ လိုꩻခို နေးမာ၊ လိုꩻဆာ နေးတသီႏ။ ၆၄။ လိုꩻမူႏနုဲင်းနုဲင်း အံႏဖြာႏလွဝင်ꩻပို၊ လိုꩻခိုနုဲင်းနုဲင်း အံႏဖြာႏလွဝင်ꩻဉာဏ်ႏ။ ၆၅။ လိုꩻမူႏယွုမ်းယိုꩻဝင်ꩻငေါဝ်း လꩻဝင်ꩻပို၊ လိုꩻခိုမီႏယွုမ်းယိုꩻငဝ်းငေါဝ်း ထွာပါꩻသွဉ်း။ ၆၆။ လိုꩻမူႏမဉ်ႏသီ အွဉ်ႏကုဲင်ပို၊ လိုꩻခိုမဉ်ႏသီ အွဉ်ႏကုဲင်နီး။ ၆၇။ လိုꩻမူႏမဉ်ႏသီ အွဉ်ႏကုဲင်အာမွော့ပို၊ လိုꩻခိုမဉ်ႏသီ အွဉ်ႏကုဲင်အာမွော့နီး။ ၆၈။ လိုꩻမူႏယားတဲင် သီႏလပြုဲင်၊ လိုꩻမူႏထုဲင်တဲင် သိက္ခာႏလွင်း။ ၆၉။ လိုꩻမူႏ ယပ်ꩻလမ်းကို၊ လိုꩻခို ယပ်ꩻလမ်းထန်ႏ။ ၇၀။ လိုꩻမူႏရက်ပို၊ လိုꩻခိုရက်မာ၊ လိုꩻဆာ ရက်ဆရာႏ။ ၇၁။ လိုꩻမူႏလိုꩻမူႏ အောဝ်ႏတောဝ်းတဲ့ယူႏ၊ အောဝ်ႏတဲ့ယူႏ၊ ထူႏတဝ်းယပ်ꩻ၊ ထူႏတဲ့ယပ်ꩻ။ ၇၂။ လိုꩻမူႏသီးမျိုꩻ မဉ်ႏနာႏပါꩻေငါဝ်း ဗဖေႏပါꩻပို၊ လိုꩻခိုသီးမျိုꩻ မဉ်ႏနာႏပါꩻငေါဝ်း ထွာပါꩻကူႏလီႏ။ ၇၃။ လိုꩻမူႏသက်တန် အခန်လင်ꩻ၊ လိုꩻခိုသက်တန် နီꩻရင်ꩻတဲႏ။ ၇၄။ လိုꩻမူႏဣေန္ဒြႏ ဖေႏစွဉ်ႏခံꩻလဲ့ယောဝ်း လုဲင်ႏနွောင်ꩻတောဝ်း။ ၇၅။ လိုꩻမူႏအွမ်ႏပို၊ လိုꩻခိုအွမ်ႏမာ၊ လိုꩻဆာအွမ်ႏဆရာႏ။ ၇၆။ လိုꩻမူႏအုံည ထဲ့ခန်၊ လိုꩻခိုအုံတန် အရင်ꩻတဲႏ။ ၇၇။ လိုꩻမောင်းဒေါင် တတောင်ꩻတောဝ်း ဟန်ႏအိုအရသာႏ၊ လိုꩻဖြောင်းဖြေꩻ သူႏသေဟန်ႏအိုအရသာႏ။(လိုꩻမွိုက်လိုꩻကုဲသီးနဝ်ꩻ တသေတဝ်းတရာꩻ၊ ပညာႏသျှိလိုꩻဟဝ်သီးနဝ်ꩻ သေလွတရာꩻ။) ၇၈။ လိုꩻမွိုက်ဗားသီး အထာꩻယူႏ မဉ်ႏထိုꩻဖုဲင်းတဝ်းနဝ်ꩻ ထွာနီရန်ႏသူႏ။ ၇၉။ လိုꩻမွိုက် လိုꩻရွိုင်ꩻ၊ လိုꩻစွိုင်ꩻလိုꩻတွူ၊ လိုꩻအွူးဟွူတငွဉ်ႏ၊ လိုꩻအခွဉ်ႏဆေ့ꩻပျင်ႏ၊ လိုꩻသိုႏဖျင်ꩻ။ ၈၀။ လိုꩻမွိုက်သီး မဉ်ႏပယွုမ်းထာꩻ ထိုꩻညာꩻညာꩻ၊ လိုꩻဟဝ်သီး မဉ်ႏခွန်းဟွိုက်ꩻ တရေ့ဗော့ꩻဗော့ꩻ။ ၈၁။ လိုꩻမွိုက်သေချာ အနမ်းမွိုက်နောဝ်ꩻ ဟဲ့ꩻထွိုက်ပညာႏရှိ။ ၈၂။ လိုꩻရွဉ်လွိုင်ႏ တလိုႏတောဝ်း၊ လိုႏဒျာႏ လိုꩻကျင်ꩻဟောဝ်။ ၈၃။ လိုꩻရွဉ်လွိုင်ႏ အွဉ်ႏမွိုန်းမာနတန်၊ လိုꩻယောင်ꩻယံ လွူးမွိုန်းသꩻဟွေး။ ၈၄။ လိုꩻလင် မဉ်ႏဒေါ့ꩻသွဉ် ညတလာ၊ ပိုမာမဉ်ႏဒေါ့ꩻသွဉ် ညတဟာ။ ၈၅။ လိုꩻလမ်းခြွေရွဉ်တောင်ꩻ၊ လိုꩻကျောင်ꩻ ခြွေသိက္ခာႏ။ ၈၆။ လိုꩻလုံးတူႏ လိုꩻလုံးသူ အံႏမူဒဲဉ် တလꩻတောဝ်း။ ၈၇။ လိုꩻဝေင်ꩻဆင်ယွောင် တတွာကလိုꩻတခြာပနား၊ လိုꩻတခြာပနားယွောင်း စင်းတဲက်ဒွုမ်။(လိုꩻဝေင်ꩻသီးရိုꩻကီကေန်ꩻခြောလဲ့ အံႏအွꩻခရာႏသွုံꩻဆောင်ႏခရာႏအဝ်ႏနေဒွိုန်းကတဲင် လိုꩻတခြာသီး မဉ်ႏကေန်ꩻခြောနဝ်ꩻ ထာꩻမုဲင်ꩻမုဲင်ꩻတအဝ်ႏတဝ်းဒွုမ်။) ၈၈။ လိုꩻသꩻဟောဝ် ထင်းလိုꩻတငွဉ်ႏ၊ လိုꩻသꩻစွဉ်ႏ ထင်းလိုꩻအွူးဟွူ တဗွူထွူႏ။ ၈၉။ လိုꩻသီထွာကေ၊ ကေသီထွာလိုꩻ။(လိုꩻမဉ်ႏသီနဝ်ꩻ တွမ်ႏကေပီဗွိုန်ဝင်ꩻ ခွေငမ်းနာꩻငမ်း၊ ကေမဉ်ႏသီနဝ်ꩻ တွမ်ႏလိုꩻပီဗွိုန်ဝင်ꩻ ခွေငမ်းတောဝ်း နာꩻငမ်းတဝ်း လွေꩻထေ့အုံထွားတွိုက်ခြꩻထဲင်းခြာ။) ၉၀။ လိုꩻသီ အံႏဒါႏဒဲဉ်၊ လိုꩻမွန် မာꩻတောဝ်းထာꩻ။(ယာသား)။ ၉၁။ လိုꩻသီးအုံလွဉ်ꩻမေႏ၊ ထပေႏ အုံလွဉ်ꩻထီ။ ၉၂။ လိုꩻသွံစွဲး ဟံႏသွံပဲꩻ။(ကေားလုပ်ꩻမာꩻသား သွို့ကုဲင်းလဲ့ ဟံႏယာႏ သမ်းညံးဖျင်။) ၉၃။ လိုꩻသွံပဲꩻ ဟံႏသွံစွဲး။(ဟံႏယာႏဟောဝ်ဒျာႏလဲ့ လိုꩻကေားလုပ်ꩻမာꩻသား ညံးဖျင်ꩻလွဗုဲင်။) ၉၄။ လိုꩻဟဝ်အပို အောဝ်ႏဟောဝ်ဒျာႏရင်ꩻ သွꩻဖျင်ꩻဖျက်၊ လိုꩻလက်ꩻအပို အောဝ်ႏဟောဝ်ဒျာႏရင်ꩻ သွꩻကုဲင်ယား။ ၉၅။ လိုꩻအာ လိုꩻနွုမ်ꩻလီး၊ ဖီးအာ ဖီးအုိဖွိုꩻ။ ၉၆။ လိုꩻအာ လိုꩻလွꩻ၊ ဖီးအာ ဖီးအိုဖွိုꩻ။ ၉၇။ လိုႏတွိုင်ꩻအောင်ႏ၊ ဆောင်ႏတွိုင်ꩻထွာ၊ ငါတွိုင်ꩻလꩻ။ ၉၈။ လိုႏမွဉ်း လိုꩻဖျင်၊ လိုႏအွဉ် မာꩻလော်လယ်မွိုန်းတောဝ်းထာꩻ။ ၉၉။ လမ်းတဗာႏ ဗွေႏ၊ ဆွေႏတဗာႏ ခြုံ။ ၁၀၀။ လမ်းနွုမ်ꩻဆျာထုံ၊ ဒုံနွုမ်ꩻဆျာအေႏ၊ တဖဉ်းသေႏတောဝ်း။(ငေါဝ်းတွိုင်ꩻ သဲ့ꩻသွမ်ꩻသုက္ချ ဝင်ꩻဒုံဆောင်ႏ ဝင်ꩻလမ်းပါႏ။) ၁၀၁။ လမ်း သꩻသေင်ႏလာႏ၊ ပါႏဆေင်ႏဝါႏနာ၊ အလျာ ဟံႏတန်၊ တလီꩻမီႏသန် ပြုဲင်ပြင်ꩻရွူးရား။ ၁၀၂။ လမ်းသေင်ႏလာႏ၊ ပါႏသေင်ႏပုံ၊ လမ်းနုဲင်းဆျာထုံ။(ကီယိုနီပုဒ် ကေန်ꩻခြောမွစွတ်ꩻဖြန် ဆင်ꩻရယ်ꩻငါႏထာꩻခရာႏ။) ၁၀၃။ လမ်းအွတ်ꩻထဲ့ရီႏ၊ လမ်းထာꩻအီႏ အောဝ်ႏကုဲင်။(အရေႏတန် အခြောင်ꩻတွိုႏ လိုꩻတဖြာꩻ အသီထိုꩻ အမားထိုꩻ။) ၁၀၄။ လိတ်ကပꩻနောဝ်ꩻ ပꩻဆောင်ႏပြောင်း၊ လိတ်ကဖေါင်းနဝ်ꩻ ဖေါင်းပင်ပွံ။(ဆောင်ႏပြောင်ႏတွမ်ႏပင်ပွံ-ပအိုဝ်ႏလိတ်တဲမ်းဆရာႏသီးစခါ ခင်ႏလမ်းအုံကျောင်ꩻမဉ်ꩻသွူ၊ အောဝ်ႏဝင်ꩻပင်လောင်းဆꩻနောဝ်။) ၁၀၅။ လိတ်ယိုနောဝ်ꩻ ထွာလိုꩻမဲ့ဖြုံႏ၊ သွꩻဟောဝ်လဲ့မွေးမွေး။ ၁၀၆။ လစ်ꩻဆီ တဖေင်ꩻဆꩻငါ၊ ငတ်ꩻဆီ တဖေင်ဆꩻချာ။ ၁၀၇။ လုက်ꩻကီးပုဲင်ႏ၊ အုဲင်ႏမာ၊ စာပို။ ၁၀၈။ လဲဉ်ခွန်နောဝ်ꩻ သာႏ၊ လဲဉ်ဆရာႏနောဝ်ꩻ ငါးရုဲင်ꩻ။ ၁၀၉။ လဲဉ်းတထာ ပြောင်ꩻ၊ လဲဉ်းတသောင်ꩻ ပြွတ်။ ၁၁၀။ လောင်းလွိုးမဲဉ်ရော့ꩻရော့ꩻ၊ ထာꩻဒေါ့ꩻမဲဉ်ဒါႏဒါႏ၊ ပညာႏမဲဉ်တန်တန် ထာꩻစာႏနာႏမီႏကင်ꩻ၊ ထာꩻသညင်ꩻ မီႏအဲဉ်ထောဝ်း တယံတောဝ်း။ ၁၁၁။ လွစ်ရက် လွစ်ထွာကူႏလီႏ၊ လွစ်လွꩻထီႏ လွစ်ထွာထာꩻနန်း၊ လွစ်ငမ်း လွစ်ထွာထာꩻသꩻဝꩻ၊ ထိန်ꩻလꩻလꩻသွော့သꩻ နုဲင်းဗွေႏဗွန်။ ၁၁၂။ လွဉ်ကွီဖြေꩻဆာဆာ၊ လွဉ်စာဖေႏဖုဲင်ႏဖုဲင်ႏ။ ၁၁၃။ လွဉ်ဖေႏတဝ်း လွဉ်ထူႏ၊ လွဉ်လူႏတဝ်း လွဉ်ကွီ၊ လွဉ်ဖွီ သဲင်ꩻထွူႏ။ ၁၁၄။ လုံးတတွတ်ꩻ တတွာတောဝ်းကန်၊ နံတခူꩻ တတွာတောဝ်းနံးမန်ꩻ။ ၁၁၅။ လုံးအောဝ်ႏဒေါင်၊ ကောင်အောဝ်ႏရဲး၊ ထွာမွေးထာꩻခဉ်ခဲး။ ၁၁၆။ လုပ်ꩻတဝ်းတဆင်ႏ အံႏအဗောင်၊ ပေါင်တဝ်းတဆင်ႏ အံႏအရာႏ။(လိုꩻကံႏသာႏ။) ၁၁၇။ လုပ်ꩻတောဝ်းတဆင်ႏ အုံလင်ꩻအံႏအထွူ။ ၁၁၈။ လုပ်ꩻဖက်ꩻေခါ် စာေတာဗေဟံႏ၊ ငမ်းအံႏမ စာအံႏတောနမ်း။ ၁၁၉။ လုပ်ꩻလုဲင်းမꩻ အံႏဗာႏကွို့ꩻ၊ လုပ်ꩻသွို့ꩻမꩻ အံႏဗာႏတန်။ ၁၂၀။ လွꩻငါႏလဲ့ ထူႏမုဲင်ꩻစုဲင်၊ ဗုဲင်ငါႏလဲ့ ထူႏမုဲင်ꩻအံႏ။ ၁၂၁။ လွူးညီꩻဝင်ꩻနမ်း၊ ကမ်းညီꩻဝင်ꩻကြို။ ၁၂၂။ လွူးမွိုန်းတောဝ်းသꩻတကဲင်ႏ နုဲင်းထွီႏဟံႏ။ ၁၂၃။ လွေꩻခါ ဆဲင်ꩻထုံꩻပူႏပူႏ၊ သဲင်ꩻချာ ဆဲင်ꩻထုံꩻဖြဲမ်ႏဖြဲမ်ႏ၊ မေႏလဲမ်ႏသꩻရာႏ၊ မေႏစာႏသꩻမောင်ꩻ။ ၁၂၄။ လွေꩻလွုက်ꩻထာꩻ ဝင်ꩻထင်းဒါႏတခွန်ꩻသား၊ လွေꩻလားထာꩻ(------)။ ၁၂၅။ လွေꩻတထာေြပာင်ꩻ၊ လွေꩻတသောင်ꩻ လုဲင်ႏ၊ ဝင်ꩻကခုဲင်ႏထာꩻ၊ ယိုꩻခေါ် နာꩻရွုမ်ꩻဟောင်း။ ၁၂၆။ လွေꩻနုဲင်းဒျာႏကောင်ႏ၊ လွေꩻနောင်ႏဒျာႏပလဲင်ꩻ၊ လွေꩻအုံဝဲင်ꩻခွုံႏ၊ လွေꩻအုံပြုံႏဝင်ꩻ။ ၁၂၇။ လွေꩻသဲင်ꩻ လွေꩻသဲင်ꩻစွဉ်ႏ နုဲင်းလိုꩻပေႏမော့ꩻဝါးဒီႏ။(ဆောက်ꩻက်ꩻလွေꩻ၊ ဆင်ႏဆင်ႏသဲင်ꩻ ခွိုꩻယုဲင်ငါႏထာꩻ။) ၁၂၈။ လွေꩻအရပ်မုဲင်ꩻမုဲင်ꩻတယဝ်း အွဉ်ႏဖေင်ꩻမွိုန်းတဝ်း ဂွုဏ်ႏငတ်ꩻပါꩻ။(ဘုရာꩻ တရာꩻ သံဃာႏ မွိုးဖါ ဆရာႏ။) ၁၂၉။ လွေꩻအုံဝင်ꩻလမ်း အွိုးဝင်ꩻခမ်း၊ စာနမ်းကွန်ႏသယ်ꩻ တွမ်ႏခူခွက်ပြဲႏ။ ၁၃၀။ လွိုးနုဲင်းကီႏကုတ်၊ ရုပ်နုဲင်းကီးပုဲင်ႏ၊ ပါꩻမုဲင်ꩻကအီႏအုဲင်ႏ။ ၁၃၁။ လွိုးနုဲင်းကီႏကုတ်၊ ရုပ်နုဲင်းစောက်အာႏ၊ ပါꩻမုဲင်ꩻတအံႏဖြာႏေတာဝ်း။ ၁၃၂။ လွိုးနုဲင်းဝန်ႏတောင်ꩻ၊ ယောင်ꩻနုဲင်းဝန်ႏဟံႏ၊ ပါꩻမုဲင်ꩻတမင်ႏတဝ်း။ ၁၃၃။ လွိုးနုဲင်းဝန်ႏတောင်ꩻ၊ ယောင်ꩻနုဲင်းဝန်ႏအို့ꩻ၊ ပါꩻမုဲင်ꩻထီႏ ပါꩻမုဲင်ꩻပီႏသို့ꩻ။ ၁၃၄။ လွိုးပတွူး ထုဲင်ႏပါꩻနွုမ်ꩻသေင်အေႏ၊ ဖြောင်းေခင်ႏခွေႏ နုဲင်းပါꩻဟို့ꩻခိုးယာ၊ တငါေနာဝ်ꩻခါ ပီနုဲင်းထွီႏ၊ သမ်းစျူပြဲစ်ꩻ ဖြောင်းအဝ်ႏအင်၊ မဲ့ေအာင်တပင် ထုဲင်ႏထော်လာစီ။ ၁၃၅။ လွိုႏတွိုင်ꩻအောင်ႏ၊ ဆောင်ႏတွိုင်ꩻထွာ၊ ငါတွိုင်ꩻလꩻ။ ၁၃၆။ လွုံꩻချာဗော့ꩻ အအေႏနုဲင်းကီးကုတ်။ ၁၃၇။ လွစ်အမင်ꩻ၊ ကင်ꩻအပဲင်။(သဲ့ꩻသွမ်ꩻ သုက္ချ ပဲစ်တင်ႏ ဒေါ့ꩻဖြောဝ်ႏခရာႏ အပဲစ်အဆူႏအနာႏ ချို့ꩻယွင်ꩻမုꩻအဲဉ်ထောဝ်း၊ ပြွစ်ꩻပြေချော်ꩻတရေျာ်ꩻ လွိုမ်းဒျာႏ။) ၁၃၈။ လွောက်ꩻသꩻအလိုႏ သꩻအွဉ်လော်၊ လွောက်ꩻေဇာ်ꩻအလိုႏ ဇော်ꩻအွဉ်လယ်ႏ။ ၁၃၉။ လွောင်ႏဗူႏသွော့ နုဲင်းဖီးအွာ၊ သောင်ႏသာသွော့ နုဲင်းထွိုင်း။(နုဲင်းတဝတ်ꩻ)။ [၁] [၂][၃]