လိုꩻနဝ်ꩻအကျင်ꩻ'ဖိုးနဝ်ꩻအာႏ
"ဂိဟိသုတ် (လိုꩻနဝ်ꩻ အရေꩻတန်အကျင်ꩻ၊ ဖိုးနဝ်ꩻ အရေꩻတန်အာႏတလာ အံႏထွဉ်ႏလꩻ)" နီဗွေႏဘုရာꩻဟော်ꩻဖေႏ ဗွေႏသာရိပုတ္တရာႏတရာꩻနုဲင်းယို- သာရိပုတ္တရာႏဟွေး- ၁။ ဖိုးထီးဖြေင်း(တဗာႏ)နဝ်ꩻ အာႏတလာ၊ ငဲဒျာႏ၊ အံႏထွဉ်ႏလꩻ၊ ပေါႏနုဲင်းနဝ်ꩻနဝ်ꩻ ဖိုးနဝ်ꩻ ထွာဖိုးယံ၊ 'အဆွဉ်ႏဖြေင်း'နဝ်ꩻ ယူႏပါမွုန်းဒွုမ်၊ အရေꩻတန်တဝ်း။ အနုဲင်းနဝ်ꩻနေနေ၊ အဝ်ႏခွန်ဘဝ၊ ထင်ႏဗုဲင်ရဟန်ꩻ၊ သꩻရင်ꩻဟောဝ်၊ ယေန်ႏကေႏ၊ သီႏလအောဝ်ႏ၊ ထာꩻဝင်ꩻသꩻအဝ်ႏ၊ အားထွုတ်တရာꩻ၊ ထွာရဟန္တာႏ၊ ပေါႏနုဲင်းနဝ်ꩻနဝ်ꩻ ရဟန်ꩻနဝ်ꩻ ထွာရဟန်ꩻယံ၊ 'ခွန်'ကရိုꩻနဝ်ꩻ ယူႏပါမွုန်းဒွုမ်၊ အရေꩻတန်တဝ်းနောဝ်ꩻသွူ။ သာရိပုတ္တရာႏဟွေး- ၂။ ဖိုးထီးဗွာနဝ်ꩻ အာႏတလာ၊ ငဲဒျာႏ၊ အံႏထွဉ်ႏလꩻ၊ ပေါႏနုဲင်းနဝ်ꩻနဝ်ꩻ ဖိုးနဝ်ꩻ ထွာဖိုးယံ၊ 'အဆွဉ်ႏဗွာ'နဝ်ꩻ ယူႏပါမွုန်းဒွုမ်၊ အရေꩻတန်တောဝ်း၊ အနုဲင်းနဝ်ꩻနေနေ၊ အဝ်ႏပုဏ္ဏာꩻဘဝ၊ ထင်ႏဗုဲင်ရဟန်ꩻ၊ သꩻရင်ꩻဟောဝ်၊ ယေန်ႏကေႏ၊ သီႏလအောဝ်ႏ၊ ထာꩻဝင်ꩻသꩻအဝ်ႏ၊ အားထွုတ်တရာꩻ၊ ထွာရဟန္တာႏ၊ ပေါႏနုဲင်းနဝ်ꩻနဝ်ꩻ ရဟန်ꩻနဝ်ꩻ ထွာရဟန်ꩻယံ၊ 'ပုဏ္ဏာꩻ'ကရိုꩻနဝ်ꩻ ယူႏပါမွုန်းဒွုမ်၊ အရေꩻတန်တဝ်းနောဝ်ꩻသွူ။ သာရိပုတ္တရာႏဟွေး- ၃။ ဖိုးထီးကြိုႏနဝ်ꩻ အာႏတလာ၊ ငဲဒျာႏ၊ အံႏထွဉ်ႏလꩻ၊ ပေါႏနုဲင်းနဝ်ꩻနဝ်ꩻ ဖိုးနဝ်ꩻ ထွာဖိုးယံ၊ 'အဆွဉ်ႏကြိုႏ'နဝ်ꩻ ယူႏပါမွုန်းဒွုမ်၊ အရေꩻတန်တောဝ်း၊ အနုဲင်းနဝ်ꩻနေနေ၊ အဝ်ႏကွုန်ႏသယ်ႏဘဝ၊ ထင်ႏဗုဲင်ရဟန်ꩻ၊ သꩻရင်ꩻဟဝ်၊ ယေန်ႏကေႏ၊ သီႏလအောဝ်ႏ၊ ထာꩻဝင်ꩻသꩻအဝ်ႏ၊ အားထွုတ်တရာꩻ၊ ထွာရဟန္တာႏ၊ ပေါႏနုဲင်းနဝ်ꩻနဝ်ꩻ ရဟန်ꩻနဝ်ꩻ ထွာရဟန်ꩻယံ၊ 'ကွုန်ႏသယ်ႏသား'ကရိုꩻနဝ်ꩻ ယူႏပါမွုန်းဒွုမ်၊ အရေꩻတန်တဝ်းနောဝ်ꩻသွူ။ သာရိပုတ္တရာႏဟွေး- ၄။ ဖိုးထီးတနျာႏနဝ်ꩻ အာႏတလာ၊ ငဲဒျာႏ၊ အံႏထွဉ်ႏလꩻ၊ ပေါႏနုဲင်းနဝ်ꩻနဝ်ꩻ ဖိုးနဝ်ꩻ ထွာဖိုးယံ၊ 'အဆွဉ်ႏတနျာႏ'နဝ်ꩻ ယူႏပါမွုန်းဒွုမ်၊ အရေꩻတန်တောဝ်း၊ အနုဲင်းနဝ်ꩻနေနေ၊ အဝ်ႏလိုꩻခြောဘဝ၊ ထင်ႏဗုဲင်ရဟန်ꩻ၊ သꩻရင်ꩻဟောဝ်၊ ယေန်ႏကေႏ၊ သီႏလအောဝ်ႏ၊ ထာꩻဝင်ꩻသꩻအဝ်ႏ၊ အားထွုတ်တရာꩻ၊ ထွာရဟန္တာႏ၊ ပေါႏနုဲင်းနဝ်ꩻနဝ်ꩻ ရဟန်ꩻနဝ်ꩻ ထွာရဟန်ꩻယံ၊ 'လိုꩻခြော'ကရိုꩻနဝ်ꩻ ယူႏပါမွုန်းဒွုမ်၊ အရေꩻတန်တဝ်းနောဝ်ꩻသွူ။ သာရိပုတ္တရာႏဟွေး- ၅။ ဖိုးထီးတလုဲင်ꩻနဝ်ꩻ အာႏတလာ၊ ငဲဒျာႏ၊ အံႏထွဉ်ႏလꩻ၊ ပေါႏနုဲင်းနဝ်ꩻနဝ်ꩻ ဖိုးနဝ်ꩻ ထွာဖိုးယံ၊ 'အဆွဉ်ႏတလုဲင်ꩻ'နဝ်ꩻ ယူႏပါမွုန်းဒွုမ်၊ အရေꩻတန်တောဝ်း၊ အနုဲင်းနဝ်ꩻနေနေ၊ အဝ်ႏကွီအံႏထာꩻသားဘဝ၊ ထင်ႏဗုဲင်ရဟန်ꩻ၊ သꩻရင်ꩻဟောဝ်၊ ယေန်ႏကေႏ၊ သီႏလအောဝ်ႏ၊ ထာꩻဝင်ꩻသꩻအဝ်ႏ၊ အားထွုတ်တရာꩻ၊ ထွာရဟန္တာႏ၊ ပေါႏနုဲင်းနဝ်ꩻနဝ်ꩻ ရဟန်ꩻနဝ်ꩻ ထွာရဟန်ꩻယံ၊ 'ကွီအံႏထာꩻသား'ကရိုꩻနဝ်ꩻ ယူႏပါမွုန်းဒွုမ်၊ အရေꩻတန်တဝ်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ဂိဟိသုတ်)[၁][၂]