လိုꩻမူႏကုဲင်အင်္ဂါႏ (၂၅)ဗာႏ

၁။ မောင်ꩻဒျာႏ(အံႏဖြာႏဒျာႏ) ဝါꩻခိုလွေꩻညာꩻထာꩻခင်ႏလမ်းတထွောင်းထွောင်း။ ၂။ ဝါꩻခို မိန်ႏလွေꩻညာꩻဒါႏထာꩻ ခင်ႏလမ်းတထွောင်းထွောင်းနဝ်ꩻ ယူႏလꩻသေနန်းလွောန်ꩻဒါႏတဝ်း ဝါꩻခို။ ၃။ ဝါꩻခို မိန်ႏသဲင်လွောန်လမ်းကိုနဝ်ꩻ သꩻရေꩻ(ကျိုႏဆူမ်ႏ)တဝ်း။ ၄။ ဒေါ့ꩻတရေႏကုဲင်ဒါႏ ဝါꩻခို။ ၅။ အိုပ်ꩻ/ အံႏဖြာႏဒါႏတဝ်း ဝါꩻခို။ ၆။ မာꩻတေားဒျာႏ ဝါꩻခိုအကျိုꩻကုဲင်ဖဲ့ꩻ။ ၇။ မာꩻဖေႏဒါႏတဝ်း ဝါꩻခိုအကျိုꩻဟဝ်။ ၈။ မာꩻဖေႏဒါႏတဝ်း ဝါꩻခိုလောင်းကမာꩻထွိုက်မာꩻသင်ꩻဒါႏ တာႏဝိုန်ႏဝတ္တရာꩻဖိုင်ႏ။ ၉။ မာꩻဖေႏတေားဒျာႏ ဝါꩻခိုလောင်း တလိုႏမာꩻထွိုက်မာꩻသင်ꩻတဝ်းဒါႏ ထာꩻမာꩻမျိုꩻဖိုင်ႏ။ ၁၀။ ဗေင်ႏထာꩻနဝ်ꩻ ကွောန်ကꩻခြောႏ(တိဉ်ႏ)သေႏသေႏခါꩻနေးဒျာႏခေါမ်ꩻလာꩻ။ ၁၁။ ဗေင်ႏခွဲႏတရွို့ꩻထိုꩻသေႏသေႏဒျာႏ ဝါꩻခို။ ၁၂။ (ကတူႏတောမ်ႏခင်ႏ) ဗေင်ႏတဗူႏတဗန်ႏ တကန်ႏတကိန်ႏ(သေႏသေႏ)ဒျာႏထာꩻ။ ၁၃။ ဗေင်ႏ(ထာꩻခိင်ႏ) သာတန်သာဆွာꩻ(သေႏသေႏ)ဒျာႏတလီꩻ။ ၁၄။ လွိုဆန်ဝါꩻခိုဆန္ဒထွူ မာꩻဆင်ꩻရဲꩻယပ်ꩻသꩻဒျာႏ ဝါꩻခိုꩻသꩻ။ ၁၅။ ဆင်ႏဆင်ႏလွေꩻစွောန်ꩻ ခွေါန်ႏပေႏခွေါန်ႏတန် (လင်ꩻဆီႏလင်ꩻအေႏခွိုꩻထာꩻ)။ ၁၆။ ကျင်ꩻဒျာႏ အကျင်ꩻတဗန်ႏ(ဖောက်ပြန်ႏဒျာႏဝါꩻခိုလောင်း)။ ၁၇။ ကိဉ်းမာꩻဒျာႏထာꩻ နုဲးတအိုင်ဟဝ်တဝ်း(ခြွိုင်ႏသန်ꩻရေꩻဟဝ်တဝ်း)ပုင်ႏ။ ၁၈။ နာႏချောင်ꩻတေ့ꩻ(တခူန်ꩻ)ဒါႏ လိုꩻခိုလင်ငဝ်း (ယူမ်းလိုꩻခိုလင်ငဝ်း)။ ၁၉။ ယားကုဲင် စုဲင်ႏကြောင်းလို့ထိုꩻ ဝါꩻခိုကထိုမ်ႏရွောမ်သဲင်ꩻဖေႏဒါႏ ရွောန်ခံꩻတခြိုꩻဖိုင်ႏ။ ၂၀။ နေးတောမ်ႏတဏှာႏကာမ ရာဂသꩻတဲင် အိုင်ဖိဉ်းမိုတ် ရော်ꩻရဲꩻဒျာႏတောမ်ႏ လမ်းထျꩻလမ်းသောင် လိုꩻခိုဖိုင်ႏ။ ၂၁။ အခိင်ႏတမွေးတဝ်း ထိုမ်ႏဝါꩻပေႏတာႏ နွို့ထန်ႏလွေꩻသဲင်ꩻချာငါဒါႏထာꩻ တဖူꩻဆူမ်ႏတဖူꩻလောင်း။ ၂၂။ အွောန်ႏဝါꩻပေႏထွူတဲင် ထာꩻရိုႏသေႏခံႏနွောမ်ꩻဝါꩻတန်လောင်းအဲန်ထဝ်း၊ ကျံႏတကုဲင်ဒါႏ ဝါꩻခို။ ၂၃။ အိုင်လင်ꩻသော့ꩻသေႏသေႏဒါႏ လမ်းတခါꩻငွါကို။ ၂၄။ အွောန်ႏထန်ႏနယ်(ဖောႏထန်ႏနယ် သေႏသေႏ)ဒါႏ နမ်ႏခန္ဓာႏ အင်္ဂါႏပေႏတန်ဖိုင်ႏ။ ၂၅။ လယ်ႏလွင်ꩻချာငါဒါႏထာꩻ ခင်ႏလမ်းတွိုင်ꩻခင်ႏလမ်းတွိုင်ꩻကိုခြာ ယို(၂၅)ဗာႏ နောဝ်ꩻသွူ။