လိုꩻမူႏလစ်ꩻမျိုꩻအကျောင်ꩻ
"မလ္လိကာဒေဝီသုတ် (လိုꩻမူႏလစ်ꩻမျိုꩻအကျောင်ꩻ)" အွိုးခꩻတလဲင်ႏ နီဗွေႏဘုရာꩻအောဝ်ႏအုံ သာဝတ္ထိခမ်း၊ ကျောင်ꩻဇေႏတဝွန်ႏကိုအတွင်ꩻ နင်ꩻတန်'မလ္လိကာဒေဝီ'လောဝ်းရီ နီဗွေႏဘုရာꩻနုဲင်းယို- "ဩဗွေႏ ဘုရာꩻမျတ်ဗွေႏဩ- ၁။ ဣဓ ဧကစ္စော မာတုဂါမော ဒုဗ္ဗဏ္ဏာ စ ဟောတိ အပ္ပဘောဂါ စ- လောကကိုယို လိုꩻမူႏလင်ဟန်ႏနဝ်ꩻ တကုဲင်တဲ့တကုဲင်၊ ကေန်ꩻတဲ့ကေန်ꩻ။ ၂။ ဣဓ ဧကစ္စော မာတုဂါမော ဒုဗ္ဗဏ္ဏာ စ ဟောတိ မဟာဘောဂါ စ- လောကကိုယို လိုꩻမူႏလင်ဟန်ႏနဝ်ꩻ တကုဲင်တဲ့တကုဲင်တန်၊ ကွဲႏတွော့ꩻ သမ်းခြွေ။ ၃။ ဣဓ ဧကစ္စော မာတုဂါမော အဘိရူပါ စ ဟောတိ အပ္ပဘောဂါ စ- လောကကိုယို လိုꩻမူႏလင်ဟန်ႏနဝ်ꩻ တရေꩻတဲးတရေꩻတန်ဒျာႏ၊ ကွဲႏတွော့ꩻ သမ်းကေန်ꩻခြော။ ၁။ ဣဓ ဧကစ္စော မာတုဂါမော အဘိရူပါ စ ဟောတိ မဟာဘောဂါ စ- လောကကိုယို လိုꩻမူႏလင်ဟန်ႏနဝ်ꩻ တရေꩻတဲ့ တရေꩻမွေး၊ ခြွေတဲ့ ခြွေမွေး။ နဝ်ꩻဖုံႏနဝ်ꩻ ကွပ်ထမုဲင်ꩻ 'တရေꩻ-တကုဲင်'၊ ပွိုးထမုဲင်ꩻ 'ခြွေ-ကေန်ꩻ'ဟောင်းဗွေႏဩ" ရီဘုရာꩻဗွေႏစောဝ်း၊ လောဝ်းဘုရာꩻဗွေႏမျတ် လစ်ꩻချက်နုဲင်းနောဝ်ꩻသွူ။ တကာႏမူႏ နင်ꩻတန်မလ္လိကာဒေဝီဟွေး- ၁။ လောကကိုယို လိုꩻမူႏယင်ဟန်ႏနဝ်ꩻ ဒေါႏသꩻတန်၊ သꩻဒွေါင်ႏတန်၊ ဒေါ့ꩻပသောင်းပသာႏငါတဲ့ ထေစွဉ်ႏအသꩻ၊ အွဉ်ႏပတူးစွဉ်ႏအလုဲင်ꩻ၊ အွဉ်ႏတကုဲင်စွဉ်ႏအလွိုး၊ ပြွတ်ကောဝ်ႏမော်နမ်းလွꩻ၊ ကပ်သွမ်ꩻတောႏလွꩻ၊ လူႏတန်ꩻတဝ်းထာꩻ၊ ကွပ်နဝ်ꩻမꩻ ဝွေꩻတိန်ႏသဲင်ꩻထွာလိုꩻနဝ်ꩻ ယောင်ꩻတဗွိုး၊ လွိုးတကုဲင်၊ ကေန်ꩻခြောနဝ်ꩻသွူ။ ၂။ လောကကိုယို လိုꩻမူႏယင်ဟန်ႏနဝ်ꩻ ဒေါႏသꩻတန်၊ ထေဒါႏအသꩻ၊ အွဉ်ႏပတူးအလုဲင်ꩻ၊ အွဉ်ႏတကုဲင်လွိုး၊ ကွဲႏတွော့ꩻ ဝွေꩻနဝ်ꩻ ပြွတ်ကောဝ်ႏကုဲင်း၊ ကပ်သွမ်ꩻတောႏကုဲင်း၊ လူႏတန်ꩻထာꩻကုဲင်း၊ ပွိုးနဝ်ꩻမꩻ ဝွေꩻစိန်ႏသဲင်ꩻထွာလိုꩻနဝ်ꩻ ယောင်ꩻတဗွိုး၊ လွိုးတကုဲင်တဲ့ ခြွေခြာႏဒျာႏနောဝ်ꩻသွူ။ ၃။ လောကကိုယို လိုꩻမူႏယင်ဟန်ႏနဝ်ꩻ သꩻဟောဝ်၊ သꩻလျားဒါႏတဝ်းထာꩻ၊ အုံထာꩻပယွုမ်းသေႏသေႏ၊ ကွဲႏတွော့ꩻ လွꩻလူႏ လွꩻတန်ꩻထာꩻ၊ လူႏတဝ်းထာꩻ၊ ကွပ်နဝ်ꩻမꩻ ဝွေꩻထွိုင်ႏသဲင်ꩻထွာလိုꩻနဝ်ꩻ 'ယောင်ꩻရေꩻ-ကေန်ꩻခြော'နုဲင်းနောဝ်ꩻသွူ။ ၄။ လောကကိုယို လိုꩻမူႏယင်ဟန်ႏနဝ်ꩻ သꩻလျားဒါႏတဝ်းထာꩻ၊ မေတ္တာႏတန်၊ ပယွုမ်းသေႏသေႏ၊ ဖေႏလူႏဖေႏတန်ꩻ၊ မာꩻကုသိုလ်ႏကုဲင်း၊ ပွိုးနဝ်ꩻမꩻ ဝွေꩻထင်ႏသဲင်ꩻထွာလိုꩻနဝ်ꩻ 'ယောင်ꩻတဲ့ရေꩻ-ခြွေတဲ့ခြွေ'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ မလ္လိကာဒေဝီသုတ်)[၁][၂]