လိုꩻယွုတ်လိုꩻကယ်ꩻလိုꩻယွုတ်
"သိက္ခာပဒသုတ် (လိုꩻယွုတ်၊ လိုꩻကယ်ꩻလိုꩻယွုတ်၊ လိုꩻမျတ် လိုꩻကယ်ꩻလိုꩻမျတ်)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို- "ရဟန်ꩻသီးဖုံႏဟွေး- ခွေအီႏဟော်ꩻဖေႏသီ 'လိုꩻယွုတ်၊ လိုꩻကယ်ꩻလိုꩻယွုတ်၊ လိုꩻမျတ်၊ လိုꩻကယ်ꩻလိုꩻမျတ်'အကျောင်ꩻအခရာႏ၊ နာႏလွသွော့နော" "နာႏလွဒျာႏ ဗွေႏဩ" "ရဟန်ꩻသီးဖုံႏဟွေး- ၁။ 'လိုꩻယွုတ်'ကရိုꩻနဝ်ꩻ နုဲင်းမုဲင်ꩻနဲတဲင်- လောကကိုယို လိုꩻယင်ဟန်ႏနဝ်ꩻ 'မာꩻသီဝင်ꩻသက်၊ ထူႏတခွန်ꩻဝင်ꩻတခြိုꩻ၊ ပဲ့စ်မာႏဝင်ꩻပိုမာ၊ ဒေါ့ꩻလိန်ႏလဲဉ်ထာꩻ၊ အွꩻဒေါဝ်သူႏရာႏ'ပါꩻယိုနဝ်ꩻ အသပ္ပုရိသ-သူႏတောႏကောင်ꩻမွေးတောဝ်း၊ ပါꩻယိုနဝ်ꩻ ရိုꩻဗာႏ 'လိုꩻယွုတ်'နောဝ်ꩻသွူ။ ရဟန်ꩻသီးဖုံႏဟွေး- ၂။ 'လိုꩻကယ်ꩻလိုꩻယွုတ်'ကရိုꩻနဝ်ꩻ နုဲင်းမုဲင်ꩻနဲတဲင်- လောကကိုယို လိုꩻယင်ဟန်ႏနဝ်ꩻ 'ဝွေꩻနမ်းတဲ့ မာꩻသီဝင်ꩻသက်၊ ဝင်ꩻတဲ့ ဝွေꩻထွဉ်ႏမာꩻသီဝင်ꩻသက်၊ ဝွေꩻနမ်းတဲ့ ထူႏဝင်ꩻတခြိုꩻ၊ ဝင်ꩻတဲ့ ဝွေꩻထွဉ်ႏထူႏတခွန်ꩻ ဝင်ꩻတခြိုꩻ၊ ဝွေꩻနမ်းတဲ့ ပဲ့စ်မာႏဝင်ꩻပိုမာ၊ ဝင်ꩻတဲ့ ဝွေꩻထွဉ်ႏပဲ့စ်မာႏဝင်ꩻပိုမာ၊ ဝွေꩻနမ်းတဲ့ ဒေါ့ꩻလိန်ႏလဲဉ်ထာꩻ၊ ဝင်ꩻတဲ့ ဝွေꩻထွဉ်ႏဒေါ့ꩻလိန်ႏလဲဉ်ထာꩻ၊ ဝွေꩻနမ်းတဲ့ အွꩻဒေါဝ်၊ ဝင်ꩻတဲ့ ဝွေꩻထွဉ်ႏအွꩻဒေါဝ်'ပါꩻယိုနဝ်ꩻ ကုဲင်ဝွေꩻလွုမ်ꩻကတာႏတဝ်း၊ အော်ကုဲင်ပါဝင်ꩻတဲင် ပါꩻယိုနဝ်ꩻ အသပ္ပုရိသတရ-ကယ်ꩻကလိုꩻယွုတ်နောဝ်ꩻသွူ။ ၃။ ရဟန်ꩻသီးဖုံႏဟွေး- လောကကိုယို လိုꩻယင်ဟန်ႏနဝ်ꩻ 'မာꩻသီတဝ်းဝင်ꩻသက်၊ ထူႏတခွန်ꩻတဝ်း ဝင်ꩻတခြိုꩻ၊ ပဲ့စ်ႏမာႏတဝ်း ဝင်ꩻပိုမာ၊ ဒေါ့ꩻလဲဉ်တဝ်းထာꩻ၊ အွꩻတဝ်းဒေါဝ်'ဝွေꩻယိုနဝ်ꩻ သပ္ပုရိသ-သူႏတောႏကောင်ꩻ၊ ဝွေꩻယိုနောဝ်ꩻ ဟဲ့ꩻဗာႏ'လိုꩻမျတ်'နောဝ်ꩻသွူ။ ရဟန်ꩻသီးဖုံႏဟွေး- ၄။ 'လိုꩻကယ်ꩻကလိုꩻမျတ်'ကရိုꩻနဝ်ꩻ နုဲင်းမုဲင်ꩻနဲတဲင်- လောကကိုယို လိုꩻယင်ဟန်ႏနဝ်ꩻ 'ဝွေꩻနမ်းတဲ့ မာꩻသီတဝ်းဝင်ꩻသက်၊ ဝင်ꩻတဲ့ ဝွေꩻဖေႏမာꩻသီတဝ်းဝင်ꩻသက်၊ ဝွေꩻနမ်းတဲ့ ထူႏတခွန်ꩻတဝ်း ဝင်ꩻတခြိုꩻ၊ ဝင်ꩻတဲ့ ဝွေꩻဖေႏထူႏတခွန်ꩻတဝ်း ဝင်ꩻတခြိုꩻ၊ ဝွေꩻနမ်းတဲ့ ပဲ့စ်မာႏတဝ်း ဝင်ꩻပိုမာ၊ ဝင်ꩻတဲ့ ဝွေꩻဖေႏပဲ့စ်မာႏတဝ်း ဝင်ꩻပိုမာ၊ ဝွေꩻနမ်းတဲ့ ဒေါ့ꩻလိန်ႏလဲဉ်တဝ်းထာꩻ၊ ဝင်ꩻတဲ့ ဝွေꩻဖေႏဒေါ့ꩻလိန်ႏလဲဉ်တဝ်းထာꩻ၊ ဝွေꩻနမ်းတဲ့ အွꩻတဝ်းဒေါဝ်၊ ဝင်ꩻတဲ့ ဝွေꩻဖေႏအွꩻတောဝ်းဒေါဝ်' ဝွေꩻယိုနဝ်ꩻ ဟောဝ်ဒျာႏနမ်းလွုမ်ꩻတကာႏတဝ်း ဝင်ꩻတဲ့ ဖေႏကဟောဝ်နောဝ်ꩻ ဝွေꩻသွဉ်ပါဖေႏဒါႏတဲင် ဝွေꩻယိုနဝ်ꩻ သပ္ပုရိသတရ-လိုꩻကယ်ꩻက သူႏတောႏကောင်ꩻ ဟဲ့ꩻဗာႏ 'လိုꩻကယ်ꩻလိုꩻမျတ်'နောဝ်ꩻသွူ။ လောကကိုယိုနဝ်ꩻ- "လိုꩻယွုတ်၊ လိုꩻကယ်ꩻလိုꩻယွုတ်၊ လိုꩻမျတ်၊ လိုꩻကယ်ꩻလိုꩻမျတ်"အဝ်ႏလစ်ꩻမျိုꩻနုဲင်းနဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ သိက္ခာပဒသုတ်)[၁][၂]