လိုꩻယွုတ်လိုꩻယိန်းယွုတ်
"သတ္တကမ္မသုတ် (လိုꩻယွုတ်၊ လိုꩻယိန်းယွုတ်ယွုတ်၊ လိုꩻမျတ်၊ လိုꩻယိန်းမျတ်မျတ်)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို- "ရဟန်ꩻသီးဖုံႏဟွေး- ခွေအီႏဟော်ꩻဖေႏသီ လိုꩻယွုတ်၊ လိုꩻယိန်းယွုတ်ယွုတ်၊ လိုꩻမျတ်၊ လိုꩻယိန်းမျတ်မျတ်-အကျောင်ꩻအခရာႏ နာႏလွသွော့နော" "နာႏလွဒျာႏ ဗွေႏဩ" "ရဟန်ꩻသီးဖုံႏဟွေး- ၁။ 'လိုꩻယွုတ်'ကရိုꩻနဝ်ꩻ နုဲင်းမုဲင်ꩻနဲတဲင်- လောကကိုယို လိုꩻယင်ဟန်ႏနဝ်ꩻ မာꩻသီဝင်ꩻသက်၊ ထူႏတခွန်ꩻတဝင်ꩻတခြိုꩻ၊ ပဲ့စ်မာႏဝင်ꩻပိုမာ၊ ဒေါ့ꩻလိန်ႏလဲဉ်ထာꩻ၊ အံႏစာဝင်ꩻမဉ်ꩻ၊ ဒေါ့ꩻငေါဝ်းကျံꩻထမ်ꩻ၊ ဒေါ့ꩻငေါဝ်းသိုႏဖျင်ꩻ၊ ပါꩻယိုနဝ်ꩻ ဟဲ့ꩻဗာႏ'လိုꩻယွုတ်'နဝ်ꩻသွူ။ ရဟန်ꩻသီးဖုံႏဟွေး- ၂။ 'လိုꩻယိန်းယွုတ်ယွုတ်'ကရိုꩻနဝ်ꩻ နုဲင်းမုဲင်ꩻနဲတဲင်- လောကကိုယို လိုꩻယင်ဟန်ႏနဝ်ꩻ ဝွေꩻနမ်းတဲ့ မာꩻသီဝင်ꩻသက်၊ ဝင်ꩻတဲ့ ဝွေꩻထွဉ်ႏမာꩻသီဝင်ꩻသက်၊ ဝွေꩻနမ်းတဲ့ တခွန်ꩻဝင်ꩻတခြိုꩻ၊ ဝင်ꩻတဲ့ ဝွေꩻထွဉ်ႏတခွန်ꩻဝင်ꩻတခြိုꩻ၊ ဝွေꩻနမ်းတဲ့ ပဲ့စ်မာႏဝင်ꩻပိုမာ၊ ဝင်ꩻတဲ့ ဝွေꩻထွဉ်ႏပဲ့စ်မာႏ ဝင်ꩻပိုမာ၊ ဝွေꩻနမ်းတဲ့ ဒေါ့ꩻလိန်ႏလဲဉ်ထာꩻ၊ ဝင်ꩻတဲ့ ဝွေꩻထွဉ်ႏဒေါ့ꩻလိန်ႏလဲဉ်ထာꩻ၊ ဝွေꩻနမ်းတဲ့ အံႏစာဝင်ꩻမဉ်ꩻ၊ ဝင်ꩻတဲ့ ဝွေꩻထွဉ်ႏအံႏစာဝင်ꩻမဉ်ꩻ၊ ဝွေꩻနမ်းတဲ့ ဒေါ့ꩻငေါဝ်းကျံꩻထမ်ꩻ၊ ဝင်ꩻတဲ့ ဝွေꩻထွဉ်ႏဒေါ့ꩻငေါဝ်းကျံꩻထမ်ꩻ၊ ဝွေꩻတဲ့ ဒေါ့ꩻငေါဝ်းသိုႏဖျင်ꩻ၊ ဝင်ꩻတဲ့ ဝွေꩻထွဉ်ႏဒေါ့ꩻငေါဝ်းသိုႏဖျင်ꩻ၊ ပါꩻယိုနဝ်ꩻ ရိုꩻဗာႏ'လိုꩻယိန်းယွုတ်ယွုတ်'နောဝ်ꩻသွူ။ ရဟန်ꩻသီးဖုံႏဟွေး- ၃။ 'လိုꩻမျတ်'ကရိုꩻနောဝ်ꩻ နုဲင်းမုဲင်ꩻနဲတဲင်- လောကကိုယို လိုꩻယင်ဟန်ႏနဝ်ꩻ မာꩻသီတဝ်းဝင်ꩻသက်၊ ထူႏတခွန်ꩻတဝ်းဝင်ꩻတခြိုꩻ၊ ပဲ့မာႏတောဝ်းဝင်ꩻပိုမာ၊ ဒေါ့ꩻလိန်ႏလဲဉ်တောဝ်းထာꩻ၊ အံႏစာတဝ်းဝင်ꩻမဉ်ꩻ၊ ဒေါ့ꩻတဝ်းငေါဝ်းကျံꩻထမ်ꩻ၊ ဒေါ့ꩻတဝ်းငေါဝ်းသိုႏဖျင်ꩻ၊ ဝွေꩻယိုနဝ်ꩻ ဟဲ့ꩻဗာႏ 'လိုꩻမျတ်'နောဝ်ꩻသွူ။ ရဟန်ꩻသီးဖုံႏဟွေး- ၄။ 'လိုꩻယိန်းမျတ်မျတ်'ကရိုꩻနောဝ်ꩻ နုဲင်းမုဲင်ꩻနဲတဲင်- လောကကိုယို လိုꩻယင်ဟန်ႏနဝ်ꩻ ဝွေꩻနမ်းတဲ့ မာꩻသီတဝ်းဝင်ꩻသက်၊ ဝင်ꩻတဲ့ ဝွေꩻဖေႏမာꩻသီတောဝ်းဝင်ꩻသက်၊ ဝွေꩻနမ်းတဲ့ တခွန်ꩻတဝ်းဝင်ꩻတခြိုꩻ၊ ဝင်ꩻတဲ့ ဝွေꩻဖေႏတခွန်ꩻတဝ်း ဝင်ꩻတခြိုꩻ၊ ဝွေꩻနမ်းတဲ့ ပဲ့စ်မာႏတဝ်း ဝင်ꩻပိုမာ၊ ဝင်ꩻတဲ့ ဝွေꩻဖေႏပဲ့စ်မာႏတဝ်း ဝင်ꩻပိုမာ၊ ဝွေꩻနမ်းတဲ့ ဒေါ့ꩻလိန်ႏလဲဉ်တဝ်းထာꩻ၊ ဝင်ꩻတဲ့ ဝွေꩻဖေႏဒေါꩻ့လိန်ႏလဲဉ်တဝ်းထာꩻ၊ ဝွေꩻနမ်းတဲ့ အံႏစာတဝ်းဝင်ꩻမဉ်ꩻ၊ ဝင်ꩻတဲ့ ဝွေꩻဖေႏအံႏစာတဝ်းဝင်ꩻမဉ်ꩻ၊ ဝွေꩻနမ်းတဲ့ ဒေါ့ꩻတဝ်းငေါဝ်းကျံꩻထမ်ꩻ၊ ဝင်ꩻတဲ့ ဝွေꩻဖေႏဒေါ့ꩻတဝ်း ငေါဝ်းကျံꩻထမ်ꩻ၊ ဝွေꩻနမ်းတဲ့ ဒေါ့ꩻတဝ်းငေါဝ်းသိုႏဖျင်ꩻ၊ ဝင်ꩻတဲ့ ဝွေꩻဖေႏဒေါ့ꩻတဝ်း ငေါဝ်းသိုႏဖျင်ꩻ၊ ဝွေꩻယိုနဝ်ꩻ ဟဲ့ꩻဗာႏ 'လိုꩻယိင်းမျတ်မျတ်'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ သတ္တကမ္မသုတ်)[၁][၂]