လိုꩻဟဝ်နွုတ်ꩻဖြာꩻလဝ်းဘုရာꩻ
"သဗ္ဘိသုတ် (လူꩻဟောဝ်နွုတ်ꩻဖြာꩻ-လောဝ်းဘုရာꩻ)"
အွိုးခꩻတလဲင်ႏ နီဗွေႏဘုရာꩻအဝ်ႏအုံ သာဝတ္ထိခမ်း၊ ကျောင်ꩻဇေႏတဝွန်ႏကိုအတွင်ꩻ တွိုႏတဟာ မွူးကွို့ꩻနာꩻတိန်ႏတိန်ႏအခိန်ႏတွင်ꩻ လူꩻပိုနတ်သာꩻ၊ အာဖြာꩻလွဉ်လွ၊ ဗုဒ္ဓဗွေႏဘုရာꩻထျꩻ၊ အွဉ်ႏစွꩻအရောင်ႏ၊ လေတောင်ႏတကျောင်ꩻလိုမ်းစွဉ်ႏသွူ။ ၁။ လူꩻတဖြာꩻလောဝ်း ဗွေႏဘုရာꩻနုဲင်းယို- "ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင်၊ သေယျော-မျတ်၊ နပါပိယော-ထွာတဝ်းလိုꩻယွုတ်'ဗွေႏဩ"။ ၂။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို - "ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင် 'ပညာ လဗ္ဘတိ- လꩻပညာႏ၊ န အညတော- လꩻတဝ်းလိုꩻမွိုက်ပညာႏ'ဗွေႏဩ"။ ၃။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို - "ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင် 'သောကမဇ္ဈေ န သောစိ- ငွိုးဗာႏတဝ်းထာꩻနုဲင်းဝင်ꩻ'ဗွေႏဩ"။ ၄။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို - "ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင် 'ဉာတိမဇ္ဈေ ဝိရောစတိ-ဖူးဝေးလိုꩻအာခြာ မဲ့ငါဗန်လဲဉ်းဝင်ꩻ'ဗွေႏဩ"။ ၅။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို - "ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင် 'သတ္တာ ဂစ္ဆန္တိ သုဂ္ဂတိံ- သတ္တဝါႏသီးဖုံႏ လွေꩻအုံပြုံႏလွ ဘွုံႏဘဝဟောဝ်ကို'ဗွေႏဩ"။ ၆။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို - "ဩဗွေႏ- ဟောဝ်ကွိုက်ꩻသူႏတောႏကောင်ꩻ၊ လိုႏပေါင်ꩻ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻတဲင် 'သတ္တာ တိဋ္ဌန္တိ သာတတံ-ခွုင်းကားသတ္တဝါႏ အုံချမ်ꩻသာႏသေႏသေႏဗာႏထာꩻ'ဗွေႏဩ"။ ၇။ လူꩻခꩻတဖြာꩻနဝ်ꩻ လောဝ်းဗွေႏဘုရာꩻနုဲင်းယို - "ဩဗွေႏ- သွꩻပေႏသူဖြာꩻကလောဝ်း ဗွေႏစောဝ်းဘုရာꩻနဝ်ꩻ အဖြာꩻမုဲင်ꩻ ယံလဲဉ်းဝင်ꩻ ဗွေႏဩ" နီဗွေႏဘုရာꩻရိုꩻ- "ယံဒျာႏနုဲင်းနုဲင်းဝင်ꩻ၊ ခွေတဲ့ယံဒျာႏ၊ နာႏလွေသွော့ဟုဲင်း၊ "ဟောဝ်ကွိုက်ꩻဒျာႏ သူႏတောႏကောင်ꩻ၊ လိုႏပေါင်ꩻဒျာႏ လိုꩻဟောဝ်လွုမ်ꩻ၊ နဝ်ꩻမꩻ သေသူႏတောႏကောင်ꩻတရာꩻ'တွော့ꩻ 'သဗ္ဗဒုက္ခာ ပမုစ္စတိ-လွစ်ထန်ႏလို့လ ဒုက္ခကားကအဝ်ႏ'နောဝ်ꩻသွူ"။ (သုတ္တန်ႏပိဋကတ်၊ သဂါထာဝဂ္ဂသံယုတ်ပါဠိ၊ သဗ္ဘိသုတ်)[၁][၂]