လိုꩻအုံတွမ်ႏတရာꩻ
"ပဌမ 'ဓမ္မဝိဟာရီ'သုတ် (လိုꩻအုံတွမ်ႏတရာꩻ)" မော့ꩻနဝ်ꩻခါ- ရဟန်ꩻတပါꩻနဝ်ꩻ လွဉ်ထေ့ဗွေႏဘုရာꩻ၊ ဝုဲင်ႏဗွေႏဘုရာꩻထွူခါ ရီပါနုဲင်းယို- "ဩဗွေႏ ဘုရာꩻမျတ်ဗွေႏဩ- 'လိုꩻအုံတွမ်ႏတရာꩻ၊ လိုꩻအုံတွမ်ႏတရာꩻ'ဒေါ့ꩻလွနုဲင်းနဝ်ꩻ၊ 'လိုꩻအုံတွမ်ႏတရာꩻ'ကရိုꩻနဝ်ꩻ 'လိုꩻအုံနုဲင်းမုဲင်ꩻ-အမာꩻနုဲင်းမုဲင်ꩻ'ဗွေႏဩ" ရဟန်ꩻဟွေး- ၁။ သာႏသနာႏကိုယို ရဟန်ꩻ (တပါꩻ)နဝ်ꩻ သွဉ်ဗာႏလိတ် (ပိဋကတ်)၊ အခိန်ႏလို့ဗော့ꩻဒျာႏတွမ်ႏ သွဉ်လိတ်ကိစ္စနဝ်ꩻလွုမ်ꩻ၊ ဝွေꩻသꩻကို ကအဝ်ႏဒါႏ ကိလေႏသာႏတရာꩻနဝ်ꩻ တမာꩻဖေ့ထိုꩻတဝ်း၊ ဝွေꩻနဝ်ꩻနဝ်ꩻ ရိုꩻဗာႏ'သွဉ်လိတ်လွုမ်ꩻ'၊ 'လိုꩻအုံတွမ်ႏတရာꩻ'နုဲင်းနဝ်ꩻတဲး တရိုꩻထွိုက်တောဝ်း။ ရဟန်ꩻဟွေး- ၂။ သာႏသနာႏကိုယို ရဟန်ꩻနောဝ်ꩻ သွဉ်လိတ်ထွူ ဒါႏလိတ်တဲင် ဟော်ꩻဖေႏဝင်ꩻဒါႏ (ချꩻဖေႏဝင်ꩻဒါႏ)၊ ကွဲႏတွော့ꩻ အခိန်ႏလို့ဗော့ꩻတွမ်ႏ ဟော်ꩻဖေႏဝင်ꩻ (ချꩻဖေႏဝင်ꩻ)နဝ်ꩻလွုမ်ꩻ၊ ဝွေꩻသꩻကို ကအောဝ်ႏဒါႏ ကိလေႏသာႏတရာꩻနဝ်ꩻ တမာꩻဖေ့ထိုꩻတဝ်း၊ ဝွေꩻနဝ်ꩻနဝ်ꩻ ရိုꩻဗာႏ'ဟော်ꩻဖေႏဝင်ꩻဒါႏ၊ သွဉ်ဖေႏဒါႏဝင်ꩻ'လွုမ်ꩻ၊ 'လိုꩻအုံတွမ်ႏတရာꩻ'နုဲင်းနဝ်ꩻတဲ့ တရိုꩻထွိုက်တောဝ်း။ ရဟန်ꩻဟွေး- ၃။ သာႏသနာႏကိုယို ရဟန်ꩻနဝ်ꩻ ကသွဉ်ထွူလိတ်နဝ်ꩻ ပြန်ႏအိုမ်လꩻလို့၊ ကွဲႏတွော့ꩻ အုံတောဝ်းတပါꩻ၊ အားထွုတ်တဝ်းတရာꩻ၊ ဝွေꩻသꩻကို ကအဝ်ႏဒါႏ ကိလေႏသာႏတရာꩻနဝ်ꩻ တမာꩻဖေ့ထိုꩻတဝ်း၊ ဝွေꩻနဝ်ꩻနဝ်ꩻ ရိုꩻဗာႏ'ပြန်ႏအွံနွောင်ꩻလိတ်၊ အောင်ႏပိဋကတ်'နဝ်ꩻလွုမ်ꩻ၊ 'လိုꩻအုံတွမ်ႏတရာꩻ'နုဲင်းနဝ်ꩻတဲး တရိုꩻထွိုက်တဝ်း။ ရဟန်ꩻဟွေး- ၄။ သာႏသနာႏကိုယို ရဟန်ꩻနဝ်ꩻ ကသွဉ်ထွူလိတ်ဖုံႏနဝ်ꩻ ယူႏချာဖြောင်လို့၊ အဓိပ္ပါယ်ႏသေလို့၊ ကွဲႏတွော့ꩻ အုံတဝ်းတပါꩻ၊ အားထွုတ်တဝ်းတရာꩻ၊ ဝွေꩻသꩻကို ကအဝ်ႏဒါႏ ကိလေႏသာႏတရာꩻနဝ်ꩻ တမာꩻဖေ့ထိုꩻတဝ်း၊ ဝွေꩻနဝ်ꩻနဝ်ꩻ ရိုꩻဗာႏ'ယူႏလိတ်ဖြောင်၊ သေအာအဓိပ္ပါယ်ႏ'နဝ်ꩻလွုမ်ꩻ၊ 'လိုꩻအုံတွမ်ႏတရာꩻ'နုဲင်းနဝ်ꩻတဲး တရိုꩻထွိုက်တောဝ်း။ ရဟန်ꩻဟွေး- ၅။ သာႏသနာႏကိုယို ရဟန်ꩻနဝ်ꩻ လိတ်တဲ့သွဉ်ဗာႏ၊ ဟော်ꩻဖေႏဝင်ꩻ-သွဉ်ဖေႏဝင်ꩻတဲ့ဒါႏ၊ ပြန်ႏအွံတဲ့ဒါႏ၊ ယူႏအဓိပ္ပါယ်ႏတဲ့သေ၊ ကွဲႏတွော့ꩻ ဝွေꩻနဝ်ꩻ အခိန်ႏလို့တွမ်ႏ နဝ်ꩻဖုံႏလွုမ်ꩻမွေးတဝ်း၊ အုံယေန်ယေန်အုံတေ့ꩻတေ့ꩻ တပါꩻလွုမ်ꩻ၊ အားထွုတ်မွေးတရာꩻ၊ ဝွေꩻသꩻကို ကအဝ်ႏဒါႏ ကိလေႏသာႏတရာꩻနဝ်ꩻ ဝွေꩻကျံႏမာꩻဖေ့ထိုꩻပါ၊ ဝွေꩻနဝ်ꩻမ ဟဲ့ꩻထွိုက်'လိုꩻအုံတွမ်ႏတရာꩻ'နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဉ္စကနိပါတ်၊ ဓမ္မဝိဟာရီသုတ်)[၁][၂]