လွေꩻဗာႏအဟဝ်အကုဲင်
"ဇာဏုဿောဏိပုဏ္ဏာꩻ ရီဘုရာꩻ (လွေꩻဗာႏအဟောဝ်-အကုဲင် အကျောင်ꩻခရာႏ)"
အွိုးခꩻတလဲင်ႏ- 'ဇာဏုဿောဏိ'ပုဏ္ဏာꩻ လွဉ်ထေ့ဗွေႏဘုရာꩻ၊ ဒေါ့ꩻရီစွော့ꩻတက် ငေါဝ်းနစ်သက်ထွူတဲင် ရီဗွေႏဘုရာꩻနုဲင်းယို- "ဩဗွေႏ- ခန္ဓာႏကုဲင် သီထွူတွိုႏဆုဲင်ꩻ ကထဲ့ဗာႏငါးရုဲင်ꩻနဝ်ꩻ ကွပ်ပွိုးအကျောင်ꩻထမုဲင်ꩻဗွေႏဩ" "ပုဏ္ဏာꩻဟွေး- - ကတတ္တာစ - ကွပ်ပွိုးမာꩻတဲ့နဝ်ꩻ - အကတတ္တာစ- ကွပ်ပွိုးမာꩻတဝ်းတဲ့နဝ်ꩻ ခန္ဓာႏကုဲင်လီꩻ သီထွူတွိုႏဆုဲင်ꩻ ထဲ့ဗာႏငါးရုဲင်ꩻနဝ်ꩻသွူ"။ "ဩဗွေႏ ဘုရာꩻမျတ်ဗွေႏဩ- ခန္ဓာႏကုဲင်လီ ကထွိုင်ႏသီနဝ်ꩻ တွိုႏကီလူꩻခမ်း အထောက်အပမ်းနဝ်ꩻ ကွပ်ပွိုးထမုဲင်ꩻဗွေႏဩ" "ပုဏ္ဏာꩻဟွေး- - ကတတ္တာစ - ကွပ်ပွိုးမာꩻတဲ့နဝ်ꩻ - အကတတ္တာစ- ကွပ်ပွိုးမာꩻတဝ်းတဲ့နဝ်ꩻ ခန္ဓာႏကုဲင်လီꩻ ကထွိုင်ႏသီနဝ်ꩻ တွိုႏကီလူꩻခမ်း အထောက်အပမ်းနောဝ်ꩻသွူ"။ "ဩဗွေႏ- 'ကွပ်ပွိုးမာꩻ-ကွပ်ပွိုးမာꩻတဝ်း'ငေါဝ်းအဲဉ်ႏနီငွါနဝ်ꩻ ကထွာခွေသွဉ်းတာႏ သေနာႏတဝ်းတဲင် ဟော်ꩻနယ်ဖေႏသွာ့လုဲင်းလုဲင်း၊ ခြုဲင်းနယ်ဖေႏသွာ့ဆွာꩻဆွာꩻ'ဗွေႏဩ" "မွေးသွူပုဏ္ဏာꩻ- နာꩻနာႏစဲင်းစဲင်းသွော့နော- လောကကိုယို လိုꩻယင်ဟန်ႏနဝ်ꩻ မာꩻသီဝင်ꩻသက်၊ တခွန်ꩻဝင်ꩻထာꩻ၊ ပဲစ်မာႏဝင်ꩻပိုမာ၊ မာꩻကာယဒုစရဲက်သွံပါꩻ၊ တွိုႏကလိုႏမာꩻ ကာယသုစရဲက်သွံပါꩻဖုံႏနဝ်ꩻ မာꩻတောဝ်း။ လိုꩻယင်ဟန်ႏနဝ်ꩻ ဒေါ့ꩻလိန်ႏဒေါ့ꩻလဲဉ်ထာꩻ၊ ဒေါ့ꩻငေါဝ်းကျံꩻထမ်ꩻ၊ အံႏစာဝင်ꩻမဉ်ꩻ၊ ဒေါ့ꩻငေါဝ်းသိုႏဖျင်ꩻ-ဒေါ့ꩻဝစီဒုစရဲက်ယိုလစ်ꩻပါꩻ၊ တွိုႏကလိုႏဒေါ့ꩻ ဝစီသုစရဲက်လစ်ꩻပါꩻနဝ်ꩻ ဒေါ့ꩻတောဝ်းႏ လိုꩻယင်ဟန်ႏနဝ်ꩻ မဉ်လꩻဝင်ꩻတခြိုꩻ၊ ကျံႏတကုဲင်ဝင်ꩻ၊ ထာꩻယူႏမာႏ-သꩻယူႏမနော်ꩻ ဒုစရဲက်ယိုသွံပါꩻ၊ တွိုႏကလိုႏယူႏ မနော်ꩻသုစရဲက်သွံပါꩻနဝ်ꩻ ယူႏတောဝ်း။ ကွပ်ပွိုး အမျိုꩻတလိုႏမာꩻတဝ်း ဒုစရဲက်ဆီပါꩻနဝ်ꩻ သမ်းမာꩻ၊ တွိုႏအမျိုꩻကလိုႏမာꩻ သုစရဲက်ဆီပါꩻနဝ်ꩻ သမ်းတမာꩻတဝ်ꩻ၊ ကွပ်ပွိုးမာꩻ ဒုစရဲက်၊ ကွပ်ပွိုးမာꩻတဝ်း သုစရဲက်နုဲင်းနဝ်ꩻတဲင် ခန္ဓာႏကုဲင်လီ ထွိုင်ႏသီတွိုႏဆုဲင်ꩻ ထဲ့ဗာႏငါးရုဲင်ꩻနောဝ်ꩻသွူ။ ပုဏ္ဏာꩻဟွေး- လိုꩻယင်ဟန်ႏနဝ်ꩻ မာꩻဒျာႏ ကာယသုစရဲက်၊ ဒေါ့ꩻဒျာႏ ဝစီသုစရဲက်၊ သꩻယူႏဒျာႏ မနော်ꩻသုစရဲက်၊ မာꩻတဝ်း ကာယဒုစရဲက်၊ ဒေါ့ꩻတဝ်း ဝစီဒုစရဲက်၊ ယူႏတဝ်း မနော်ꩻဒုစရဲက်၊ ကွပ်ပွိုးမာꩻ-သုစရဲက်၊ ကွပ်ပွိုးမာꩻတဝ်း-ဒုစရဲက်တွော့ꩻ ခန္ဓာႏကုဲင်လီ ကထွိုင်ႏသီနဝ်ꩻ တွိုႏကီထင်ႏ လူꩻခမ်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒုကနိပါတ်၊ အဓိကရဏဝဂ်-၁၇)[၁][၂]